توقف البروج عن العمل

[alifathy]

من فضلكم انا بستخدم برنامج ProgDVB7.11.2Pro وكان شغال معايا تمام لكن فى الفترة الاخيرة البرنامج توقف تماما عن العمل والقنوات مفهاش اشارة وبتظهر بالشكل ده


كمان لما بعمل بحث عن القنوات مفيش ولا قناة بتيجى فى قايمة البحث رغم ان القنوات غالبيتها موجودة وبعضها مش موجودة معرفش راحت فين وبتظهر القايمة بالشكل ده


حاولت اجرب النسخة الجديدة ProgDVB Pro Edition 7.15.2 لكن للاسف برضه البرنامج مش شغال وكمان فى بحث القنوات موجود عدد محدود بس 39 قناة تقريبا ومعرفش ايه السبب

حاولت برضه اجرب برامج عرض تانية مفيش فايدة برضه مش عارف اتعامل معاها والبروج انا متعود عليه ومرتاح معاه بس للاسف مشاكله كتيرة معايا فى الفترة الاخيرة وبعيش ماساة حقيقية معاه

من فضلكم يا خبراء البروج ساعدونى فى حل المشاكل دى كلها علشان القنوات ترجع تشتغل زى ما كانت

ولكم منى كل التقدير والاحترام

 

[power_man16]

ما هو حال القنوات على الرسيفر اذا كان الرسيفر والكرت على نفس الطبق
وهل الوصله للكرت من الطبق مباشرة ام من مخرج الرسيفر
متى حدثت المشكله معك
هل البحث ينتج لقنوات افقيه دون الرأسيه او العكس
ما هو الحال عند استخدامك ملف قنوات جاهز
الطبق لديك ثابت ام متحرك وان كان ثابت كم قمر لديك
هل المشكله متواجده مع كل البرامج ام مع البروج فقط

ويمكنك الاطلاع على موضوعى التالى فبه مجموعة من النصائح والافادات

http://stardvb.com/forum/t-90441/

 

[alifathy]

انا معنديش رسيفر اصلا مشغل بس الكارت مباشرة من الطبق لكن القنوات شغالة عادى على وصلة الدش عندى مفيش مشكلة فيها
المشكلة حصلت من حوالى 4 ايام بعض القنوات كانت شغالة عادى وبعدين كل القنوات مبقتش شغالة ومفيش اشارة خالص زى ما واضح فى الصورة اللى نزلتها مع الموضوع
الحقيقة مفيش بحث خالص اصلا ولا راسى ولا افقى زى ما هو واضح فى الصورة يا مفيش بحث خالص يا فيه بحث عدد معين من القنوات بس رغم كده كنت بلاقى غالبية القنوات بعد نهاية البحث فى اصدار ProgDVB7.11.2Pro لكن الجديد بقى انى حملت اصدار ProgDVB7.15.3Pro من موقع البرنامج وبعمل بحث ولما يخلص مش بلاقى اى قنوات تابعة للنايل سات معرفش هل انا بسطب البرنامج غلط مش عارف مع انها مش اول مرة يعنى اسطبه
موضوع برضه ملف القنوات ده مش واضح بالنسبة ليا انا بنزل البرنامج اسطبه يشتغل معايا على طول مباشرة ياريت توضح الموضوع ده يمكن المشكلة من هنا
الطبق ثابت وهو قمر النايل سات وبس اللى شغال عليه
المشكلة متواجدة مع البروج اللى متعود استخدمه دايما وحاولت اسطب برامج تانية مش عارف اصلا اتعامل معاها ولا عارف بتشتغل ازاى اساسا انا والبروج متعودين على بعض من زمان
انا جاوبت على كل حاجة سالتها ارجو الصورة تكون واضحة قدامك وياريت تساعدنى فى حل المشكلة دى لانها مضايقانى جدا
اشكرك على اهتمامك وسعة صدرك

 

[power_man16]

ارفق صوره توضح فيها وجود بحث للقنوات بالنسخه الجديده ProgDVB7.15.3Pro كما ذكرت لكى اشاهدها

 

[alifathy]

رد على الموضوع

شكرا جزيلا على اهتمامك تم اكتشاف المشكلة فى قطعة LNB وجارى تغييرها
ليا بس سؤال عندك
عند تثبيت البرنامج على جهاز الكمبيوتر وقبل اجراء بحث القنوات بتظهر الرسالة دى

فهل انا نسيت اعمل حاجة قبل البحث فى اعدادات البرنامج نفسه؟؟
ياريت تشرح بالصور مراحل تثبيت البرنامج من البداية للنهاية وارجو يكون الشرح على اخر اصدر ProgDVB7.15.2Pro علشان اشوف ايه اللى انا مش بعمله لما بثبت البرنامج
وشكرا جزيلا ليك

 

[power_man16]

شكرا جزيلا على اهتمامك تم اكتشاف المشكلة فى قطعة LNB وجارى تغييرها
ليا بس سؤال عندك
عند تثبيت البرنامج على جهاز الكمبيوتر وقبل اجراء بحث القنوات بتظهر الرسالة دى

فهل انا نسيت اعمل حاجة قبل البحث فى اعدادات البرنامج نفسه؟؟
ياريت تشرح بالصور مراحل تثبيت البرنامج من البداية للنهاية وارجو يكون الشرح على اخر اصدر ProgDVB7.15.2Pro علشان اشوف ايه اللى انا مش بعمله لما بثبت البرنامج
وشكرا جزيلا ليك

كنت اشعر بالفعل ان لديك عيب فى اللاقط
واكيد انك لاحظت ذلك من مشاركاتى ولكنى وددت اتأكد

وبالنسبه للرساله التى تظهر لك بالبروج فليست هناك اى مشكلة لديك
هذه الرساله مبرمجه عادى من البروج نفسه
وبتسألك هل تحب بحث قنوات هذا القمر ام لاء
فان اخترت نعم فسيبدأ البروج فى عملية البحث الالى عن القنوات
وان اخترت لاء
فستنزل لك قنوات القمر المحفوظه بالبروج لهذا القمر وذلك بآخر تحديث
طبقا للقنوات التى يعلن عنها موقع كنج اوف سات وهو احد اشهر المواقع
واليك رابط هذا الموقع لتأخذ فكرة عنه

http://ar.kingofsat.net/satellites.php

 

[alifathy]

اشكرك جدا على اهتمامك

 

[power_man16]

اشكرك جدا على اهتمامك

شرفنى واسعدنى مرورك الغالى وعيونى لك

 

[alifathy]

رد

شرفنى واسعدنى مرورك الغالى وعيونى لك

اشكرك يا كبير

انا دلوقتى غيرت القطعة وكله تمام بس فيه مشكلة تانية معلش هتعبك معايا

الاصدار الاخير خالص ProgDVB Professional 7.16.0 بعمل بحث وفيه بعض القنوات مش موجودة زى مجموعة قنوات uber ومجموعة قنوات tube

والقنوات دى موجودة فى اصدار ProgDVB v7.11.2 وانا شغال بيه حاليا بس فيه مشكلة فى الاصدار ده ان فيه رسالة بتظهر اسفل الشاشة على كل القنوات





والرسالة دى مش موجودة فى الاصدار الاخير بس انا عايز الاصدار اللى شغال بيه حاليا لان فيه كل القنوات

فعايز اعرف ايه مشكلة الرسالة دى وازاى ممكن متظهرش تانى

ارجو الافادة وشكر جزيلا ليك

 

[power_man16]

هو انا مش شايف نص الرساله كويس
ولكنى اعتقد ان هذه الكتابه اسفل الصوره بتظهر بسبب لان كوديك الاليكارد غير مسجل
وهذا غير مؤثر على كلا الاحوال كما اشاهد فى صورك على على صورة القنوات

وان انت غيرت من اعدادات البروج باستخدام كوديك آخر غير الاليكارد اعتقد ان هذه الكتابه ستختفى

او ممكن تحمل الملف المرفق وهو يجعل لك نسخة كوديك الاليكارد تصبح مفعله اى مسجله
فبعد التحميل وفك الضغط تفتح الملف الكيجن بدبل كليك
سيظهر لك سيريال تضغط على كوبى ثم تغلقه
ثم تفتح كوديك الاليكارد عن طريق من الديسك توب تضغط على Start ثم All Programs
ثم تبحث عن مجلد الكوديك الاليكارد Elecard ثم مجلد Elecard AVC Plugin for ProgDVB ثم Elecard Registrator

وتابع الصور التاليه

اما بالنسبه لتغير كوديك الاليكارد بنوع كوديك آخر ان رغبت فى ذلك او اذا استمرت المشكله
فمن قائمة البروج الافقيه تضغط على Settings ثم Options
ومن النافذه التى ستفتح لك تحت كلمة Video قف على كلمة Codecs
ومن القائمه التى على يمينك ممكن تتابع معى الصوره التاليه كمثال على ويندوز 7 لتسترشد بها

وبعد الانتهاء اضغط OK ثم اخرج من الكل

ونصيحه غاليه منى لكى تستطيع ان تتعامل مع برامج كروت الستالايت
فعليك ان تهتم بمتابعة وبقراءة الشروحات الخاصه بكل البرامج وتجرب الكل ليس البروج فقط
وستجد باقسام كروت الستالايت الكثير من الشروحات التى يمكن ان تستفاد منها

ولك منى ارق التحيات الطيبه