الجهاز بيعمل ريستارت فجاة

[love&peace]

ممكن يكون حبيبى من اى برنامج تان انت منزله

زى الاكادسى كده بيكون فى ملحقات بتعمل زى ما انت بتحكى كده

اهلا بك يا a7med918,,والله يا اخى انا شكيت فعلا فى الاكادسى لكن طلع برئ,, شلته خالص لكن المشكلة زى ماهى,,انا مشغل nvidia pure decoder ,,ممكن يكون هو السبب؟؟هاجرب,,انت عارف ايقونة الخصائص بتاعة الكارت بتنزل اوتوماتيك جنب الساعة بعد التعريف,,برضة لما ادوس عليها بيحصل الموضوع ده !!

هسألك سؤال واحد هل بعد لريستارت بيعمل scan لو كان بيعمل سكان يبقي باذن الله العيب في حاجة من 3
اولا المروحة بتاعة البروسيسور
ثانيا ممكن تكون محتاج تحط معجون لتبريد البروسيسور
ثالثا الباور سبلاي ودي تتأكد منها بانك تشيل كابل الباور منه وتركبه تانى وانت حاطط ودنك جنبه لو طلع صوت ماس يبقي محتاج يتغير وان شاء الله يكون الحل سهل

اهلا بك يا ابا محمد,,بيعمل سكان scandisk زى مانت قلت كانى طفيت الجهاز مرة واحدة او الكهرباء انقطعت
1-مروحة البروسيسور شغالة وبتلف قدامى كويس
2-مش عارف ايه المعجون ده؟؟
3-برضه دى مش فاهمها كويس

 

[zamalekwebas]

اولا ممكن تكون المروحة بتلف كويسبس فيه تراب بينها وبين البروسيسور فمش بيحصل تبريد

ثانيا المعجون ده بيتباع في اي مول كومبيوتر وبيبقي علي شكل حقنة بتساوي 5 جنية وبتتحط فوق البروسيسور وبيتحط فوقها المروحة

ثالثا انا اقصد كابل الباور اللي جاي من الكهرباء وداخل للباور سبلاي لو انت شيلته من الباور سبلاي وحطيته تانى بس ركز سمعك شوية لو سمعت اي حاجة تدل علي وجود ماس يبقي الباور فيه حاجة غلط

 

[love&peace]

اعتقد الباور سبلاى سليم لانى عملت زى ما قلت لى يا ابا محمد لكن الحمد لله مفيش اى صوت ماس او حاجة ,, عايز اشوف المروحة ان شاء الله

 

[track]

اخي الكريم
بعينك الله رح ادلك بس يمكن تاخد معك شوية وقت وجهد بس هاي الطريقة الصحيحة
اول شي بدل مروحة السي بي يو بعدين اذا ما زبط بدل الرام ونزل ويندوز جديدة اذا ما زبط بدل السي بي يو
او كرت الشاشة

بعينك الله
سلام

 

[هيثم محمد]

كلام الاخوه كويس افضل تغير المروحه فورا وترفع بطاريه الجهاز لمده ربع ساعه واذا تكررت المشكله غير البطاريه وشكراااااااااااااااااااااااااااااااااااا

 

[love&peace]

اهلا بكما track و هيثم محمد ,,, الحمد لله لغاية الان لم يحصل اى شئ بعد ان قمت بتغيير التعريف الحديث بتعريف اقدم شوية اعطونى اياه انفيديا,, يبدو ان المشكلة من الكارت واذا احصل اى حاجة هعرفكم واعمل اللى قلتم عليه ,, وجزاكم الله خيرا