مشكله عويصة فى 1025 الحقونى

[smokers]

السلام عليكم ورحمه الله وبركاته

اولاً احب ان اشكر جميع القائمين على المنتدى الرائع star dvb

عندى مشكله مش عارف اعمل معاها ايه فى كارت توينهان 1025 الاحمر

اقول اللى حصل يمكن حد يفهمنى

انا امبارح كنت موصع الكارت مع الرسيفر وكان قارفنى فى التردد الافقى والرئسى ولما بيقلبو

المهم الكارت ابتدى يعمل حجات غريبه وكنت كل شويه اعمله اسكان للقنوات مره يجيبلى قناتين ومره باقه ومره اتنين لحد ما شلنى ( انجز يا عم خلص فى ليلتك دى ) oh:

على سبعه الصبح كنت اتشليت رحت نايم

قولت النهارده اظبط اشوف اللى فيه او اركبله طبق لوحده

رحت حاطط مروحه فانه كبميوتر قريب منه عشان السخونه وقولت اجربه لقيته طلع ريحه شياط

طفيت الجهاز وخلعت الكارت مفيش اى حاجه محروقه فيه ركبته تانى بقى يجيب الصوره بتقطع

ولما اعمله اسكان اغلب القنوات الاسم مفقود وجربت فيه مليون حاجه حزفت التوصيف القديم وحطيت مكانه bda شغلت الاصلى جربت كل برامج العرض كل حاجه مفيش فايده نزلت اخر نسخه من الكوديكس برضو وهحط صور اسبات



مع العلم ان جهازى

DELL
DOUL CORE

RAM 265

VGA 64
WINDOWS XP SP2
بروفشنال

والجهاز تمام مش مقصر فى اى حاجه

ولسه فارد نسخه امبارح

الصور بقى

DVB DREAM



ودا برنامج FAST SAT FIND

بيعمل حاجه غريبه فيه

الاشاره سابته الى حد ما لاكن المشكله فى الكولتى الجوده بتاعت الصوره بتتحرك كانك بتحمل حاجه

الصوره رقم واحد



الصوره رقم اتنين


رجاء الرد سريعاً

 

[mem3m]

مرحبا حبيبي

أولا هل الكارت كان يعمل من قبل

وملحوظة: لن تستطيع أن تعمل سكان وانت موصله بالريسيفر لأنه لن يبحث في كل الترددات

 

[smokers]

مشكور على الرد

الكارت كان شغال ولايزال شغال بس المشكله انو مش بيجيب كوالتى للصوره الصوره دائمة التقطيع بطريقه غير عادية لا يمكننى مشاهدة اى شىء

وهى ليست مشكله كارت شاشه او اى قطعه متعارضه بس هيا المشكله ظهرت لما سيبت الكارت شغال مع الرسيفر بتاع يومين تقريبا ومن ساعتها
بيجيب الصوره بتقطع
ولما شغلت برنامج fast sat finder

الاشاره اللى من تحت فيه عاديه L
تعتبر ثابته بس اللى من فوق اللى هيا الكولاتى Q
هيا اللى بتتحرك بطريقه غريبه جداً بتزيد لحد اخر الشاشه وبعدين ترجع تبتدى تانى
كانى بحمل حاجه

 

[mem3m]

تجربة أخرى لابد منها وهي فك الكارت وتغيير مكانه على البوردة

أو تجربته على جهاز آخر

شاهد هذه المواضيع

http://stardvb.com/stardvb-t30329.html

و

http://stardvb.com/stardvb-t6155.html

و

http://stardvb.com/stardvb-t4375.html

و

http://stardvb.com/stardvb-t12555.html

والمهم ان الكارت شغال والحمد لله

 

[smokers]

جارى النظر فى الوصلات ومشكور للرد السريع

انا غيرت كل فتحات ال Pci اللى فى الجهاز وحطيت مبرد على الايسى زى ما قال الاخ مؤمن dvb master ( اسمو على اسمى مؤمن ) المهم
ونفس الحكايه برضو
على فكره انا جايب قسم التوينهان من اوله وصلت لحد الصفحه 18 ولسه ملقيتش مشكله زى اللى عندى لقيت وحده كان الاخ shakooo قال علي مشكله زيها فى موضوع وانو حلها

ويا مسهل

لو ممكن تبعتلى اميلك ممكن نوصل لحل

 

[smokers]

حاولت ادور على الشبايه المسئوله عن الكولتى بس مش عارف انهى وحده لو تعرفها قولى عليها

فى اكتر من برنامج زى وين كليب والبروج مش بيشتغل اساسا بس وين كليب بيجيب اشاره ومش بيجيب كوالتى لو تعرف الشبست المسؤله عن الكوالتى يا ريت تفيدنى

 

[smokers]

تم الحل

الحمد لله رب العالمين المشكله هيا ان كل قطعه داخل الكارد بتسخن بدرجه شديده جدا

وحطيتل لكل قطعه heat sink الخاصه بتبريد المعالج البروسور وحطيت على كل شبايه فوق الهيت سنك مبرد مثل اللذى على المعالج ولاكن اصغر حجم والحمد لله بعد تعب قلب وشلل من الكارت وكنت هرميه طلع العيب بسيط

مشكور اخى mm3em على المساعدة بس الحل طلع عندى من الاول الحمدلله على كل شيء

السلام عليكم

 

[mem3m]

إذا أفهم من كلامك أن المشكلة كانت في ارتفاع حرارة الكارت بشكل كبير ؟؟

على العموم الحمد لله أن الكارت سليم لأنه أفضل من الكروت الجديدة بكثير وأنا لدي هذا الكارت

وهذه الصورة أهديها لكل من يملك 1025

*

 

[smokers]

نفس اللى انا عامله بس على احجام اقل من كدا علشان متلمس اى قطعة تانى

ومشكور على الصوره

 

[hossam00002000]

والله انا عندى نفس المشكله وربنا يسهل وعمل كده شكرا