مشكلة في كرت SkyStar2

[coolsky mA]

السلام عليكم

اخواني عندي مشكلة في كرت SkyStar2


الان المشكلة انه جبت كرت سكاي ستار 2 لأخي ؛ منصب على جهازه ويندوز 7 X32

طبعا عرفته بآخر تعريف 4.6.0 وكلشي تمام وبرامج العرض تعمل بشكل أكثر من ممتاز

لكن كان في مشكلة وهي انه الشاشة الزرقاء تظهر احيانا !

طبعا فكيته من الجهاز

واليوم عملت لجهازه صيانة ونزلتله ويندوز 7 X64 هاي المرة كون الرامات عنده 4 جيجا

لذلك قلت خليني اجرب الكرت ؛ تعرف وكلشي تمام لكن مجرد ما اشغل DVB Dream يعلق الجهاز وتظهر الشاشة الزرقاء !!!

عمري ما حبيت هذا الكرت لأنه كان عندي واحد وغلبني ههههه

الكرت هو اصدار 2.6C


ولاحظت التالي على الكرت ؛ وهو انه احد المكثفات مفقود

وهي صورة للكرت نفسه ومكان المكثف

طبعا مثل ما بتلاحظوا انه المكثف الموجود هو 25 فولت / 47 مايكرو فاراد

؛ هل يعني قيمة المكثف المفقود بنفس القيمة السابقة ؟؟؟؟؟

لأنه شاهدت كثير صور في الانترنت ولقيت انه اغلب الكروت عليها مكثفين 16 فولت/47 مايكرو !!

























​

 

[FBI]

وعليكم السلام مبروك الكرت وان شاء الله تنحل المشكله

اخي هشام ( اذا مو غلطان )

انا عندي الكرت 2.8 ولم اواجه الشاشه الزرقاء اللا قبل كم يوم والحمد لله حليتها

اولاً هل جربت برنامج DVBViewer ؟ اذا كان نعم مالنتيجه واذا كان لا ياريت تجربه وتعطينا شو صار .
ثانياً بدك تتاكد اذا كان هناك نقص بالمكثف وفي طريقه واحده وهي انك تنصب ويندوز xp بجنب 7 مثلاً وتجرب الكرت على الاقل على 3 برامج مثاهده
نتاكد من هالنقطتين وان شاء الله نشوف الحلول بعدها

تحياتي

 

[ahmad albaheth]

بالتوفيق اخي

 

[coolsky mA]

وعليكم السلام مبروك الكرت وان شاء الله تنحل المشكله

اخي هشام ( اذا مو غلطان )

انا عندي الكرت 2.8 ولم اواجه الشاشه الزرقاء اللا قبل كم يوم والحمد لله حليتها

اولاً هل جربت برنامج DVBViewer ؟ اذا كان نعم مالنتيجه واذا كان لا ياريت تجربه وتعطينا شو صار .
ثانياً بدك تتاكد اذا كان هناك نقص بالمكثف وفي طريقه واحده وهي انك تنصب ويندوز xp بجنب 7 مثلاً وتجرب الكرت على الاقل على 3 برامج مثاهده
نتاكد من هالنقطتين وان شاء الله نشوف الحلول بعدها

تحياتي

أكيد ؛ انا جربت تشغيله على اكثر من برنامج ونفس الاشي . فشكيت بموضوع المكثف لأنه ما في غيره.

علما انه الكرت لما كان يشتغل اشارته قوية وما في اشي . لكن المشكلة الشاشة الزرقاء صارت تظهر كثير وطبعا بعد فترة الجهاز رح يخرب لذلك فكيته

وانا محتار في قيمة المكثف يلي بدي اركبه ؛ لأنه في الانترنت مثل ما ذكرت سابقا مكتوب 16 فولت/47 مايكرو فاراد ؛ ويلي عندي 25فولت / 47 مايكرو فاراد !

 

[coolsky mA]

هل من اقتراحات او حلول اخواني ؟

 

[karati]

اخي انصحك بتجريب برنامج mytheatre

 

[coolsky mA]

اخي انصحك بتجريب برنامج mytheatre

أخي اقرأ المشاركة بتمعن ؛ المشكلة هاردوير وليست سوفتوير

 

[Frozen]

أعطيني حتى وقت الظهر وسأكتب لك معلومات المكثف على الكرت عندي
على العموم حط في بالك مشكلة عدم توافق ماذربورد أو بيوس !

 

[coolsky mA]

أعطيني حتى وقت الظهر وسأكتب لك معلومات المكثف على الكرت عندي
على العموم حط في بالك مشكلة عدم توافق ماذربورد أو بيوس !

في انتظارك أخي

بالنسبة للتوافق؛ لديه لوحة MSI G31-TM P21 ؛ وشغال عليها اكثر من كرت مثل توينهان 1025 / Real View / ......... ؛ وأنا لدي لوحة حديثة ASUS عليها كرت TBS8920 جربت تركيبه عندي ونفس المشكلة. لذلك الاغلب انها بسبب المكثف

 

[coolsky mA]

للرفع أخواني

 

[coolsky mA]

يا اخوان المشكلة بسيطة ؛ يلي عندو كرت نفس الاصدار ما يبخل علينا ويحكيلنا قيمة المكثف المبين في الصورة.

 

[Frozen]

لدي الموديل 2.6d
والمكثف نفسه 25 فولت / 47 مايكرو فاراد، لكن رقمه يختلف

لدي كرت آخر وهو الآن ليس عندي 2.6c الألماني الأصلي، لا أستطيع أن أجلب لك قيمته الآن

لكن واضح أن المكثفين بنفس القيمة

 

[coolsky mA]

لدي الموديل 2.6d
والمكثف نفسه 25 فولت / 47 مايكرو فاراد، لكن رقمه يختلف

لدي كرت آخر وهو الآن ليس عندي 2.6c الألماني الأصلي، لا أستطيع أن أجلب لك قيمته الآن

لكن واضح أن المكثفين بنفس القيمة

مشكور جدا أخي

ان شاء الله سأقوم بالبحث عن المكثف في (صندوق العدة ) يلي عندي هههه أو سأشتري واحد جديد

بالنسبة للكرت الذي عندي اعتقد بأن المكثف تضرر اثناء عملية التغليف للشحن ؛ لأنني قمت بطلبه من ebay. وهذا مجرد احتمال لا اكثر

 

[coolsky mA]

صباح الخير

اليوم رحت لمحلات القطع الالكترونية ؛ وما لقيت مكثف معدني بنفس القيمة. لذلك احضرت مكثف بلاستيكي بنفس القيمة .

والان سأقوم بالتركيب وان شاء الله تتيسر الامور ؛ وسأوافيكم بالنتائج بعد الانتهاء

 

[coolsky mA]

الحمد لله الان الكرت مستقر ؛ وكذلك النظام مستقر ايضا واختفت مشكلة الشاشة الزرقاء

هذه صورة المكثف الذي قمت بتركيبه مكان القديم

وهذه صورة من الديفايس مانيجر بالاضافة إلى برنامج DVB Dream ؛ حيث يظهر فيها ان الكرت معرف بآخر تعريف WDM وهو 4.6.0

وبالنسبة للاشارة تعتبر نوعا ما ممتازة بسبب استخدام دايزك رباعي


شكرا لكل من ساهم في هذا الموضوع

 

[FBI]

معلم اخي هشام

الف الف مبروك

تحياتي

 

[coolsky mA]

معلم اخي هشام

الف الف مبروك

تحياتي

الله يبارك فيك أخي

 

[Frozen]

مبروك هشام؛

طيب الآن لو كل القطع موجودة والكرت لا يستقطب الإشارة فجأة، كيف يمكن التصرف؟

أتكلم عن كرت SkyStar HD2

 

[coolsky mA]

مبروك هشام؛

طيب الآن لو كل القطع موجودة والكرت لا يستقطب الإشارة فجأة، كيف يمكن التصرف؟

أتكلم عن كرت SkyStar HD2

الله يبارك فيك أخي والفضل كله يعود الك

بالنسبة لسؤالك : انت بصراحة كأنك كنت معي ؛ بصراحة لما جبت المكثف البديل للتركيب ؛ اشتريت ملتي-ميتر للفحص ؛ وعندي كرت قديم تالف بدي اجرب عليه ههههه.

هي الشغلة اتوقع حلها سهل لكن بدك تستعين بفني صيانة ستلايت ؛ لكن بدك تكون واقف فوق راسه لحتى تشوف شو بده يعمل لأنه الاغلب بيحكي ما بعرف وابصر شو ؛ رغم انه 90% من القطع متشابهة تماما ما بين الرسيفرات وكروت الستلايت.
لذلك الاغلب بتكون مشكلة في احد الدوائر المرتبطة بالتيونر نفسه ؛ احيانا مكثف واحيانا مقاومات ؛ مثلا : الكروت الصينية Real View حلها سهل : تقوم بتغيير الفيوز + قطعة رقمها Q6 بجانب اي سي الباور

 

[Frozen]

كيفك هشام، هل من جديد بخصوص كرتك القديم التالف؟