اخي العزيز مروان 80 حقيقي انا مفهمش كتير في كروت الدش... بس حبيت اشرحلك تجربتي الخاصه مع كارت kworld 100 s
الموضوع اني أشتريت جهاز كمبيوتر جديد بدل الي عندي وقررت شراء حاجه جديده لاول مره وهي كارت ستالايت ..لعدم خبرتي في الموضوع استشرت ااصدقاء والاغلب نصحني بكارت فيجين بلاس الي هو التوينهان الجديد ( الاحمر) ...بس للاسف لما نزلت السوق أقنعني البائع ( الي عاوز مصلحته واكبر ربح طبعا ) بأنه في كارت جديد اسمه kworld 100s وامكانياته عاليه واحسن من التوينهان وفيه مميزات من كارت المونتاج يعني ممكن تسجل من الفيديو او التلفزيون و و و و و و بالعربي زي ما بنقول ( لعب في دماغي ) المهم حصل واشتريت الkworld oh: :wall: , أشتغلت فتره على الجهاز بدون ما اكون ركبت صحن استقبال عليه ( روعه مفيش مشاكل وسريع وحلو وتمام )
بدأت المشكله اول ما ركبت الصحن وال ال ان بي والعده وعاوز اتفرج بقى .....
أولا : الصوره بتقطع على البرنامج الاصلي للكارت .. وعلى البروغ وعلى ماي ثيتر ولو انها على برنامجه التقطيعه اخف
ثانيا : الكارت تقيل اوي لما يفتح والتغيير بين القنوات مقولكش بطئ جدا جدا
ثالثا : على البروغ الكارت مقري وتمام وفي اشاره بس ابحث ....مفيش قنوات ... طيب بحث يدوي على تردد واحد ..بيبحث ويجيب القنوات الي على التردد ويتنح عليهم ..يعني غير التردد ..مفيش فايده هما هما القنوات
طبعا لاني معايا ضمانه على الكارت وعلى اللوحه الام نوع انتل عليها ( intel chipset 845) وكارت Geforce 5200 fx 128 ...رجعت الجهاز للبائع لحل المشكله .....غير 4 كروت kworld مفيش فايده ... قال يبقى العيب من اللوحه الام غير 3 من الكروتونه ( نفس النوع ) ومفيش فايده
غير الكارت وركب الفيجين بلاس 1025 الاحمر ....الصوره تمام على برنامج الكارت , على البروج شغال تمام وبيبحث بس في تقطيعه خفيفه
المهم اني قررت اغير نوع اللوحه الام من اساسه
(لاني انسان شكاك) واجرب الكارت عليها ..وغيرتها ل pc partner /bus 800/via chipset/sata driver
وده بصراحه خلا دماغي تلف ...يمكن الاخ مؤمن عارف ليه انا بقول كده لاني كنت عرضت عليه الموضوع في مشاركه سابقه بس مش بالتفصيل ده ..... بقول خلت دماغي تلف لانه الكل كان بيقول انه كروت الستالايت مش بتشتغل كويس مع ال via chipset والاخ مؤمن اقنعني فعلا في موضوع من مواضيعه لما جاب المقارنه الفنيه بين كروت عديده .. لكن عليها الكارت اشتغل 100/100 ( صوره قزاز ومفيش ثانية تقطيع وحده بدون مشاكل) واحتفظت بيها لحد دلوقتي .
(كانت بتواجهني مشكله تانيه لكن طلعت من غبائي وقلت خبرتي مش من الكارت نفسه )
المهم اخ مروان عشان مطولش عليك ..الي ياكد اكتر انه كارت kworld سيئ . من وجهة نظري على الاقل.. وخصوصا مع البروغ .... هو انك لو فتحت برنامج البروغ وفتحت device list وعلمت على ال kworld هتلاقي انه البروغ بيدعم 3 حاجات بس هي الدايسك وال ال ان بي باور ( الطاقه لراس الدش) وموجة البحث ....قارنها بالدعم للتونهان وانت تعرف الفرق .... واحنا المهم لينا البروغ والبرامج الي زيه لانه منغيرها يعني مفيش plugins يبقى ايه الفايده منه ازا مشتغلش على البروغ... يعني بالعربي عاوز kworld انسى البروغ.. واحمد ربنا لو اشتغل على برنامجه من غير مشاكل
في الاخر انا عاوز اقول حاجه ....وهي اقتباس من مواضيع المنتدى ...الاخوه مره قالو في موضوع عن مقارن بين الكروت انه اي شركه بتصنع كارت لاول مره بتكون فيه عيوب في المنتج الأول ...وده صحيح
واكيد kworld dvb_s 100 المنتج الاول لشركته وفيه عيوب اول مره
انصحك تقول صديقك يتخلص من الكارت ...وينضم للقبيله التوينهانيه العالميه
وشكرا جدا واسف على التطويل lol
