مشكلة بخصوص إشارة النايل سات .. ممكن مساعدتكم ؟

[T-Bag]

هلااا

أنا عندي مشكلة تعبتني ومش لاقيلها حل ..

ممكن مساعدتكم لو حد عنده فكره ؟ ..

أنا جيبت كارت ستالايت في الكومبيوتر وجيبتله طبق 100 نايل سات بس .. المشكلة عندي ان الكواليتي بتاعة القنوات بتبقى عالية أوي بس شدة الاشاراة او الانتنسيتي بتبقى من واحد لتلاته .. والقنوات الي بتبقى كده بتكون شغاله تمام وساعات بتشتغل وتكون شدة الاشاره صفر .. المشكلة عندي بأه ان فيه قنوات بتقطع ومش بتشتغل .. زي قنوات مودرن وبانوراما دراما ودريم سبورت .. الي تاعبني بأه ان القنوات دي كواليتي 99 وشدة الاشاره بتكون 98 و95 وحاجات عالية كده ومع ذلك مش بتشتغل .. قومت جيبت الريسيفر الي عندي في البيت ووصلته على الطبق بتاع كارت الستالايت فلقيت كل حاجه تمام والاشاره في معظم القنوات كواليتي وشدة عالية وكل القنوات شغاله تمام جداً وخصوصاً مودرن ودريم سبورت وبانوراما دراما .. قولت ان العيب من كارت الستالايت .. روحت جربت الكارت على الطبق بتاع الريسيفر الي هو 60 سم نايل سات بس .. لقيت كل القنوات شغاله تمااام جداً ومفيش أي مشاكل والكواليتي كويس .. طيب ايه المشكله الي مش مخليه كارت الستالايت شغال على الطبق 100 ؟؟؟!! مع انه شغال تمام على الطبق ال60 .. وجربت الريسيفر على الطبق ال 100 لقيته شغال تمام جداً .. وهل مممكن يكون العيب ان الطبق 100 وعلى نايل سات فالاشاره بتكون داخله لكارت الستالايت قوية جداًفبتعدي ال100% والكومبيوتر بيطلعلي انها 3% و1% وكده فعايزه تقل شوية .. بمعنى اني اذا ركبت هوت بيرد مثلاً مع النايل فقوة اشاراة النايل هتقل شوية فمش هتحصل مشاكل معايا الي حكيتها دي ؟


شكرأً لمساعدتكم مقدماً

 

[ahmed3]

عزيزي لدي طبق 90 سم نوع جي جارد تايوني وعليه نايل سات و هوت بيرد و كل شي تمام. أنا لدي نفس كرتك MS20S و أحصل على قوة اشارة عالية جدا مثلك تماما دون مشاكل بس مع progdvb 5.13 وليس نسخة قديمة.
أظن انك تستعمل progdvb 4.7 حاول استعملا 5.13 حيث طورت بشكل افضل.
هل حاولت اغلاق برنامج التشغيل واعادة تشغيله حاول أكثر من مرة.
هل الكرت تشتغل على اقمار اخرى دون مشاكل قد تكون المشكلة بشبك الكيبل بالكرت.

تقبل تحياتي.

 

[T-Bag]

أهلاً أحمد ..


أنا معنديش الا النايل سات على الطبق ال 100 البريفيكس

وعندي على الرسيفر والتليفزيون طبق 60 نايل سات بس برده

المشكله باختصار ...

ان الكارت شغال تمام اما بوصله على الطبق الستين بتاع الريسيفر ..

والريسيفر شغال بامتياز على الطبق 100 بتاع كارت الستالايت ..

لكن اما بوصل الكارت على الطبق ال 100 .. بتحصل المشكله دي ..

ودي صورة من المشكله

وللعلم .. القنوات بالشكل ده شغاله تمام جداً .. لكن بعض القنوات زي مودرن سبورت مثلأً .. بتبقى كواليتي وليفل عالي والقناة بتقطع جداً .. وقناة زي بانوراما دراما مش بتشتغل أصلاً والكواليتي بتاعها 85 بس اليفل زيرو ومش بتشتغل .. مشكلة غريبة جداً .. وعلى فكرة المشكله دي موجوده في البرنامج الأصلي يعني مش مشكله برنامج .. بس مش عارف
لأن الكارت جربته على على سيستم تاني واشتغل 100% .. وجربت النظام بتاعي على ريسيفر واشتغل برده مليون الميه ..

مش عارف أنا احترت !!

 

[ahmed3]

مجرد توقع. أنا استعمل دايزك والامور تمام بالنسبة ل quality and level. لكن اتذكر عندما حاولت تعديل وضع الدش على هذا الكرت مباشرة بدون دايزك كانت ال level حوالي 3 و مرات صفر مثلما قلت تماما. اقتراحي من setting ثم diseqc اختار switch ثم عرف النايل سات على رقم 1 و الباقية empty. أتمنى ان تحل مشكلتك لانك ساعدتني كثيرا بتعريف md20s.

 

[rawdvb]

أخي الكريم T-Bag الإحتمال الكبير الذي أرجحه لمشكلتك ان العيب إما في Lnb الخاص بطبق 100 سم أو بالكابل الذي يصل هذا الطبق بكرتك جرب استبدال lnb طبق 100 بlnb طبق 60 إذا لم يتغير شيئ غير الكابل وجرب ... والله أعلم . أخبرنا بالنتائج بعد التجربة أخي الكريم .
تحية لك .

 

[WaaaaaW]

مدام الاشاره واصله

حاول تجيب ملف قنوات جاهز وتحطه داخل البرنامج بدل الملف القديم

وان شاء الله تزبط معاك


انا حصلت معاى قبل كذا وحليتها بهذي الطريقه

تحياتي

 

[T-Bag]

والله يا جماعه كل حلول السوفت وير جربتها ومفيش نتيجه !!

بس هجرب باه تبديل الال ان بي ..


بس هل ممكن يكون ال ان بي ميشتغلش كويس على كروت الستالايت ويشتغل كويس على الريسيفرات ؟!!

 

[T-Bag]

هلاا


الحمد لله حليت المشكله بتبديل ال LNB

الLNB من نوع هاريكانس طلع مش بيشتغل حلو على كروت الستالايت وبيشتغل تمام على الريسيفرات

انا حطيت لكارت الستالايت واحد من نوع ترومان واشتغل تمام

وعلى فكره بصيت على لارقام بتاعة حاجه اسمها Noise تقريباً كانت مختلفه في الترومان عنها في الهاريكانس

مع ان الاتنين يونيفرسال

شكرأً لمساعدتكم

 

[ahmed3]

مبروك حل مشكلتك. (ما حك جلدك مثل ظفرك)

 

[rawdvb]

وعلى فكره بصيت على الارقام بتاعة حاجه اسمها Noise تقريباً كانت مختلفه في الترومان عنها في الهاريكانس
مع ان الاثنين يونيفرسال

Noise أو معدل التشويش في اللاقط مهم في تحديد قطر الطبق اللازم لاستقبال إشارة مناسبة وكلما قلت هذه القيمة احتجت إلى طبق أقل نسبيا ... لتفاصيل أكثر عن هذه النقطة يمكنك أخي مراجعة الموضوع التالي :
http://stardvb.com/stardvb-t38587.html
تحية لك .



...