هذا الشرح فقط و حصرياُ من Dr-Net وبإهداء لمنتدانا العزيز
thumb:
يا جماعة ناس كتير فى مشاركة (ألأقمار التى يمكن استقبالها بالشرق الأوسط و كيفية استقبال كل قمر حصرياً من Dr-Net) استصعبوا موضوع الظبط و كانوا عايزين يفهموا الموضوع من الأول
الموضوع بسيط جداً
طبعاً لأنى مش ف السعودية ولا لبنان ولا اليمن ولا تونس وغيرها فمش هقدر أحكم على مدى استقبال الأقمار هناك و جودتها وكدة
بس انا كل اللى اقدر اقوله اننا ممكن ندخل اى موقع مختص بترددات الأقمار وانا برشح www.lyngsat.com
وندخل القمر اللى عايزين نشوف تغطيته هنلاقى جدول ترددات القمر وقدام كل تردد هنلاقى رابط لخريطة تغطية القمر ده
ونشوف هى بتوصل لحد عندنا ولا لأ
ثانياً بالنسبة لو عايز تظبط قمر جديد
أنا هقول لك الفكرة باختصار وانت تطبقها لو مش عايز تمشى بشرحى
بس للعلم الفكرة دى انا جايب خلاصتها ف الشرح اللى ف المشاركة المذكورة سابقاً
المهم ......
هتفتح صفحة جدول الترددات زى ما اتفقنا فى موقع Lyngsat
تنقى تردد يكون فى الصفات دى:
1- يكون بيقع فى أقوى نطاق تغطية ممكن للقمر (وممكن بعد ماتلقط القمر و تولفه كويس تشوف بقية نطاقات التغطية ايه اللى ممكن ييجى لك)
وناخد بالنا كويس ان القمر الواحد له اكتر من نطاق تغطية
وان ممكن نطاق تغطية واحد يفرق فيه تردد عن تردد فيا تخاللى الموضوع بالتجربة يا تاخد تردد من اللى انا كاتبهم
2- يكون مش فيد (وان كان ولابد يبقى لازم فيد ثابت مش بيقطع ف غير أوقات البث. وممكن ترجع لمشاركة الفيدات (شاهد جميع بطولات العالم حصرياً من Dr-Net علشان تعرف ايه الفرق و تعرف بعض الفيدات الثابتة للأقمار)
3- يكون معدل ترميزه كبير قدر المستطاع (يعنى كل ما كان معدل الترميز كبير القمر يتلقط بسرعة وبدون جهد)
4- يكون معامل تصحيح الخطأ FEC بتاعه كبير يعنى 1/2 أفضل من 2/3 اللى بدوره افضل من 3/4 اللى هو راخر افضل من اللى بعده وهكذا
طبعاً الشرط 1 أساسى علشان تلقط القمر اساساً و الشرط 2 علشان توقيت ظبط القمر و الشرط 3 علشان سهولة التقاط القمر والشرط 4 علشان ثبات الإشارة و قوتها مقارنتها بالترددات التانية
بعد ما تنقى التردد اللى فيه الميزات دى
شوف القمر ده ناحية الشرق ولا الغرب من النايلسات او العربسات اللى عندك
لو غرب النايلسات اتجه بريموت الموتور عكس ناحية قمر هوتبيرد ولو شرق يبقى ناحية هوتبيرد
ولو غرب عربسات اتجه بريموت الموتور ناحية الهوتبيرد ولو شرقه يبقى الناحية التانية
طب لو الطبق ثابت
سهلة بس متعبة شوية
اقف ورا الطبق ولو القمر ناحية الغرب من القمر اللى عندك حركه بالراحة خالص لاتجاه اليمين ولو القمر ناحية الشرق حركه برضه بالراحة خالص ناحية الشمال
العكس بقى لو دايسك بمسطرة يعنى هتمشى بنفس ال- سكيمة اللى فاتت (خد بالك انت هتمشى بنفس الاتجاهات يعنى الغرب يمين و الشرق شمال وانت واقف قدام الطبق يعنى ماتعكسش الاتجاهات) بس و انت واقف قدام الطبق علشان تشوف ال ال ان بى
وتاخد بالك ان لو عايز تظبط قمرين تراعى المسافة بينهم ماتزيدش عن 35 درجةوالطبق يبقى متوسطن بين القمرين دول
يعنى عند ظبط نايل و عرب بتوقف الطبق ناحية هوتبيرد
لكن لو نايل و يوتل سات 3 بيبقى واقف على انتل (1 غرب) بس ده ماعليهوش قنوات فبتوقفه تقريبى كدة
أما بالنسبة لقمر اتلانتيك بيرد 1 لهواة المصارعة الحرة فظبطه سهل قوى :
أولاً لو الدش بموتور فهتطبق الخطوات اللى فاتت بس الفرق ان التردد المستخدم لازم يكون تردد الفيد الثابت اللى ف مشاركة الفيدات
ولو الطبق ثابت برضه طبق نفس الخطوات على نفس التردد
أما بقى لو دايسك فالطبق لو انت واقف ناحية نايل فهتقف ورا الطبق و هتميله حاجة بسيطة جداً ناحية اليمين و اقف قدام الطبق و حرك ال ال ان بى بتاعة النايل ناحية اليمين برضه حاجة بسيطة قوى لحد ما تلقط نايل تانى و تخاللى ال ال ان بى التانيةقريبة منها جداً و باصة شمال عنها برضه حاجة بسيطة قوى لأن القمرين قريبين جداً من بعض واشتغل فى الاتلانتيك على تردد الفيد الثابت اللى مذكور فى مشاركة الفيدات وان شاء الله هييجى بس هيتعبك شوية علشان تقدير اليمين و الشمال ده صعب شوية
طب لو عايز تظبط الطبق من الأول خالص على نايل و هوتبيرد و عربسات يعنى 3 اقمار
الموضوع باختصار انك اول قمر هتظبطه طبعاً هو هوتبيرد و هتبصص الطبق عليه بأى تردد يعجبك وليكن 11747 أفقى و الخاص بباقة دبى
ثانياً تركب المسطرة و تبتدى تظبط على تردد 11785 رأسى و تحرك ال ال ان بى لحد ما يلقط معاك بعد ما يلقط اعمل بحث لو طلعت باقة دبى فانت دلوقتى نايلسات
ولو طلع الباقة اللبنانية فانت دلوقتى عربسات
القمر اللى يطلع ثبته
وحرك ف ال ال ان بى التالتة بنفس التردد لحد ما يلقط لو لقط يبقى القمر التالت
وبس
وكفى الله المؤمنين شر القتال
طب لو عايز اتأكد ان دى اقوى اشارة للقمر اللى انا واقف عليه؟
بص ياعم . كدة انت طلباتك كترت قوى بس قريب ان شاء الله انتظروا مشاركة تانية فيها طريقة التركيب و زيادة الكفاءة بس اول ما افضى بس لأن دى هى اللى محتاجة حوارات كتيييييييييير قوى.
أنا كلامى كان فى المشاركة دى موجه للفئة اللى الدش عندهم متركب و مظبوط او الى حد ما مظبوط و عايزين يغيروا القمر اللى الدش متثبت عليه او يزودوا او يغيروا قمر.
أرجو ان كلامى المرة دى يكون أسهل منه فى المشاركة اللى فاتت و تكون المعلومة وصلت زى مانا عايز أوصلها
طبعاً الموضوع كبير قوى بس انا حاولت انجز فيه بقدر المستطاع علشان مادخلش ف حوارات كتير و تتوهوا منى
مش هفكركم تانى ان المشاركة دى حصرياً من Dr-Net فى جميع المنتديات العربية و الأجنبية ولا يجوز نقلها كلياً او جزئياً الى أى منتدى أخر بصورة مباشرة او غير مباشرة أيا كانت الوسيلة و تحت أى ظروف من قبل أى شخص
جميع الحقوق محفوظة
Dr-Net 2005
ncom:
thumb:
يا جماعة ناس كتير فى مشاركة (ألأقمار التى يمكن استقبالها بالشرق الأوسط و كيفية استقبال كل قمر حصرياً من Dr-Net) استصعبوا موضوع الظبط و كانوا عايزين يفهموا الموضوع من الأول
الموضوع بسيط جداً
طبعاً لأنى مش ف السعودية ولا لبنان ولا اليمن ولا تونس وغيرها فمش هقدر أحكم على مدى استقبال الأقمار هناك و جودتها وكدة
بس انا كل اللى اقدر اقوله اننا ممكن ندخل اى موقع مختص بترددات الأقمار وانا برشح www.lyngsat.com
وندخل القمر اللى عايزين نشوف تغطيته هنلاقى جدول ترددات القمر وقدام كل تردد هنلاقى رابط لخريطة تغطية القمر ده
ونشوف هى بتوصل لحد عندنا ولا لأ
ثانياً بالنسبة لو عايز تظبط قمر جديد
أنا هقول لك الفكرة باختصار وانت تطبقها لو مش عايز تمشى بشرحى
بس للعلم الفكرة دى انا جايب خلاصتها ف الشرح اللى ف المشاركة المذكورة سابقاً
المهم ......
هتفتح صفحة جدول الترددات زى ما اتفقنا فى موقع Lyngsat
تنقى تردد يكون فى الصفات دى:
1- يكون بيقع فى أقوى نطاق تغطية ممكن للقمر (وممكن بعد ماتلقط القمر و تولفه كويس تشوف بقية نطاقات التغطية ايه اللى ممكن ييجى لك)
وناخد بالنا كويس ان القمر الواحد له اكتر من نطاق تغطية
وان ممكن نطاق تغطية واحد يفرق فيه تردد عن تردد فيا تخاللى الموضوع بالتجربة يا تاخد تردد من اللى انا كاتبهم
2- يكون مش فيد (وان كان ولابد يبقى لازم فيد ثابت مش بيقطع ف غير أوقات البث. وممكن ترجع لمشاركة الفيدات (شاهد جميع بطولات العالم حصرياً من Dr-Net علشان تعرف ايه الفرق و تعرف بعض الفيدات الثابتة للأقمار)
3- يكون معدل ترميزه كبير قدر المستطاع (يعنى كل ما كان معدل الترميز كبير القمر يتلقط بسرعة وبدون جهد)
4- يكون معامل تصحيح الخطأ FEC بتاعه كبير يعنى 1/2 أفضل من 2/3 اللى بدوره افضل من 3/4 اللى هو راخر افضل من اللى بعده وهكذا
طبعاً الشرط 1 أساسى علشان تلقط القمر اساساً و الشرط 2 علشان توقيت ظبط القمر و الشرط 3 علشان سهولة التقاط القمر والشرط 4 علشان ثبات الإشارة و قوتها مقارنتها بالترددات التانية
بعد ما تنقى التردد اللى فيه الميزات دى
شوف القمر ده ناحية الشرق ولا الغرب من النايلسات او العربسات اللى عندك
لو غرب النايلسات اتجه بريموت الموتور عكس ناحية قمر هوتبيرد ولو شرق يبقى ناحية هوتبيرد
ولو غرب عربسات اتجه بريموت الموتور ناحية الهوتبيرد ولو شرقه يبقى الناحية التانية
طب لو الطبق ثابت
سهلة بس متعبة شوية
اقف ورا الطبق ولو القمر ناحية الغرب من القمر اللى عندك حركه بالراحة خالص لاتجاه اليمين ولو القمر ناحية الشرق حركه برضه بالراحة خالص ناحية الشمال
العكس بقى لو دايسك بمسطرة يعنى هتمشى بنفس ال- سكيمة اللى فاتت (خد بالك انت هتمشى بنفس الاتجاهات يعنى الغرب يمين و الشرق شمال وانت واقف قدام الطبق يعنى ماتعكسش الاتجاهات) بس و انت واقف قدام الطبق علشان تشوف ال ال ان بى
وتاخد بالك ان لو عايز تظبط قمرين تراعى المسافة بينهم ماتزيدش عن 35 درجةوالطبق يبقى متوسطن بين القمرين دول
يعنى عند ظبط نايل و عرب بتوقف الطبق ناحية هوتبيرد
لكن لو نايل و يوتل سات 3 بيبقى واقف على انتل (1 غرب) بس ده ماعليهوش قنوات فبتوقفه تقريبى كدة
أما بالنسبة لقمر اتلانتيك بيرد 1 لهواة المصارعة الحرة فظبطه سهل قوى :
أولاً لو الدش بموتور فهتطبق الخطوات اللى فاتت بس الفرق ان التردد المستخدم لازم يكون تردد الفيد الثابت اللى ف مشاركة الفيدات
ولو الطبق ثابت برضه طبق نفس الخطوات على نفس التردد
أما بقى لو دايسك فالطبق لو انت واقف ناحية نايل فهتقف ورا الطبق و هتميله حاجة بسيطة جداً ناحية اليمين و اقف قدام الطبق و حرك ال ال ان بى بتاعة النايل ناحية اليمين برضه حاجة بسيطة قوى لحد ما تلقط نايل تانى و تخاللى ال ال ان بى التانيةقريبة منها جداً و باصة شمال عنها برضه حاجة بسيطة قوى لأن القمرين قريبين جداً من بعض واشتغل فى الاتلانتيك على تردد الفيد الثابت اللى مذكور فى مشاركة الفيدات وان شاء الله هييجى بس هيتعبك شوية علشان تقدير اليمين و الشمال ده صعب شوية
طب لو عايز تظبط الطبق من الأول خالص على نايل و هوتبيرد و عربسات يعنى 3 اقمار
الموضوع باختصار انك اول قمر هتظبطه طبعاً هو هوتبيرد و هتبصص الطبق عليه بأى تردد يعجبك وليكن 11747 أفقى و الخاص بباقة دبى
ثانياً تركب المسطرة و تبتدى تظبط على تردد 11785 رأسى و تحرك ال ال ان بى لحد ما يلقط معاك بعد ما يلقط اعمل بحث لو طلعت باقة دبى فانت دلوقتى نايلسات
ولو طلع الباقة اللبنانية فانت دلوقتى عربسات
القمر اللى يطلع ثبته
وحرك ف ال ال ان بى التالتة بنفس التردد لحد ما يلقط لو لقط يبقى القمر التالت
وبس
وكفى الله المؤمنين شر القتال
طب لو عايز اتأكد ان دى اقوى اشارة للقمر اللى انا واقف عليه؟
بص ياعم . كدة انت طلباتك كترت قوى بس قريب ان شاء الله انتظروا مشاركة تانية فيها طريقة التركيب و زيادة الكفاءة بس اول ما افضى بس لأن دى هى اللى محتاجة حوارات كتيييييييييير قوى.
أنا كلامى كان فى المشاركة دى موجه للفئة اللى الدش عندهم متركب و مظبوط او الى حد ما مظبوط و عايزين يغيروا القمر اللى الدش متثبت عليه او يزودوا او يغيروا قمر.
أرجو ان كلامى المرة دى يكون أسهل منه فى المشاركة اللى فاتت و تكون المعلومة وصلت زى مانا عايز أوصلها
طبعاً الموضوع كبير قوى بس انا حاولت انجز فيه بقدر المستطاع علشان مادخلش ف حوارات كتير و تتوهوا منى
مش هفكركم تانى ان المشاركة دى حصرياً من Dr-Net فى جميع المنتديات العربية و الأجنبية ولا يجوز نقلها كلياً او جزئياً الى أى منتدى أخر بصورة مباشرة او غير مباشرة أيا كانت الوسيلة و تحت أى ظروف من قبل أى شخص
جميع الحقوق محفوظة
Dr-Net 2005
ncom:
