سعدونى فى مشكلة كارت tvii s660

[magoo_2003]

اشتريت الكارت وشغلتوة لقيتوة جايب 200 قناة فقط على النيل سات و وقف معايا فى بعض القنوات فا روحت التوكيل والناس زوق جداا رغم ان الكارت اشتغل هناك كويس بس بدلهولى بكارت تانى

المهم الكارت التانى دة تمام اوى فى البحث والاشارة جاب حوالى 648 على النيل سات وكلوة ميت فل وعشرة بس فى مشكلة جنينتنى وانا مشغل القناة الصورة تقف واللمبه الخاصة بالاشارة بالون الازرق تثبت ومفيش ولا قناة تشتغل مهما اغير القناة الصورة سودة وسعات بسمع صوت الوندوز وهو بيتعرف على دفيس جديد اتركب فى الوندوز و سعات اقفل برنامج العرض وافتحة تانى يقولى ان الدفيس s660 مش موجود .. وديته التوكيل جربوة يوم كامل معملش حاجة انا اتجنينت معا انى جربتوة عند اتنين من زميلى وعمل نفس المشكلة الى حصلتلى المهندسين فى التوكيل قالولى سيبوة يوم كمان نجربه فية ): مش عارف اعمل اية دلونى على اى حل انا تعبت


والمشكلة دية حصلت معايا على برنامج بورج و الماى ثيرتى

الوندز بتاعى windows 7 32bit و كنت منزل 64 bit وبردة حصل المشكلة
امكانيات الجهاز رام 4 جيجا كارت شاشة 9600 جى فورس 512 وبيعلى ل جيجا ونص والبرسيسور 2,5 كورتديو

 

[Frozen]

مبروك الكرت وان شاء الله تنحل مشكلتك

======

أولاً احذف التعريف واعمل ريستارت للجهاز
ثانياً استخدم هذا التعريف
http://www.tevii.com/Driver.20120315.rar
ثالثاً حمل برنامج Smartdvb من هنا
http://stardvb.com/forum/t-79866.html
رابعاً تجد هنا شرح إعداد البرنامج مع الكرت
http://stardvb.com/forum/t-80700.html

 

[magoo_2003]

اولا انا سعيد ان حضرتك رديت عليا بجد فى منتديات تانية حطط المشكلة من ايام ومحدش عبرنى

انا جربت تعريف Release.20100422 و Release.20120315 بس مش فاكر انى جربت Smartdvb لتجربة المشكلة دية كنت مهتم بالبروج كا برنامج مشهور ومعلوش غبار وبرنامج mytheatre لانه بيجى معا الكارت
انا دلوقتى الكارت فى التوكيل جربوة يوم الخميس وكلمت المهندس المختص وقالى شغلتوة 3 سعات متوصلين ومحصلش المشكلة وقالى سيبوة ليوم الحد نجربة تانى الى عاوز افهمه انا جربت الكارت على جهازين واحد لاب توب والتانى بى سى وطبقين مختلفين بس الجهازين عليهم وندوز سيفن الى عاوز افهمة هنا لو رحت يوم الحد ولقيته شغال !! اعمل اية اية ردت فعلى ساعتها

 

[magoo_2003]

واستفسار بسيط اخر انا لما بمسح التعريف وبعمل رستارت الجهاز لما بيدخل على وندوز بيعرف الكرت اتوماتيك مبلحقش احط التعريف الى انا عاوزه !! فى حل للمشكلة دية ؟

 

[Frozen]

واحنا سعيدين بوجودك أخي الكريم

السمارت اقتحم ساحة البرامج بقوة ويمتاز بخليط جميل يجعله واحد من أفضل البرامج المجانية وفي رأيي الغير مجانية !
لو قلّك الكرت سليم ( على ذمته وأمانته ) لا يوجد حل سوى تجريبه بنفسك كما أشرت لك

يبقى أمر واحد، إذا كان هناك برنامج أو شبه تعريف خاص بمنافذ الـ USB:
-في حال أنه مثبت لديك ==> قم بإزالته
-في حال أنه غير مثبت لديك ==> قم بثبيته

وكآخر كل يفضل تحديث الـ Bios لديك وأن يكون الـ Power Supply لديك قوي

 

[Frozen]

واستفسار بسيط اخر انا لما بمسح التعريف وبعمل رستارت الجهاز لما بيدخل على وندوز بيعرف الكرت اتوماتيك مبلحقش احط التعريف الى انا عاوزه !! فى حل للمشكلة دية ؟

في هذه الحالة اعمل update للتعريف من الـ Device manager

 

[magoo_2003]

واحنا سعيدين بوجودك أخي الكريم

السمارت اقتحم ساحة البرامج بقوة ويمتاز بخليط جميل يجعله واحد من أفضل البرامج المجانية وفي رأيي الغير مجانية !
لو قلّك الكرت سليم ( على ذمته وأمانته ) لا يوجد حل سوى تجريبه بنفسك كما أشرت لك

يبقى أمر واحد، إذا كان هناك برنامج أو شبه تعريف خاص بمنافذ الـ usb:
-في حال أنه مثبت لديك ==> قم بإزالته
-في حال أنه غير مثبت لديك ==> قم بثبيته

وكآخر كل يفضل تحديث الـ bios لديك وأن يكون الـ power supply لديك قوي

طيب فى حاجة غريبة حصلت معايا ولحاد دلوقتى عقلى مستوعبهاش ! كنت مشغل الكرت وقمت اغلق نور الغرفة لحظت بعد ضغطى على كبس النور الشاشة توقفت جربتها تانى توقفت تانى وعلشان كدة خت الكارت ورحت عند صحبى علشان شكيت فى كهربا البيت بس عمل نفس المشكلة عند صحبى وصحبى ساكن بعيد عنى بحوالى كيلو متر تقريبا !! لو عندك تفسير ليها قولى علية ؟

تمام فهمت انا مصتب تعريف الريال تك لليو اس بى واما بخصوص البور سبلاى انا شغال بجهاز لاب توب معا العم ان البطارية بايظه :d
بأذن الله سوف اخبرك بالى هيحصل معايا يوم الحد بأذن الله واسف على اى اوزعاج عملتهولك وجزاك الله خيرآ

 

[Frozen]

والله غريب موضوع الكهرباء، لكن بما انّ البطارية معطلة لديك، احتمال أن كهرباء الكبسة الخاصة بالنور مشبوكة توالي مع القابس الذي تشحن منه !
مجرد فكرة ولا أفهم كثيراً في كهرباء المنازل

ننتظر منك الخبر اليقين ... واذا لقيت الحل يا ريت تكتبه ليستفيد الجميع

 

[magoo_2003]

ما دة الى فكرت فية وغيرت مكان شاحن اللاب توب لفيشه كهربا مختلفة عن كبس النور وبردوة نفس المشكلة

حاضر بأذن الله اول ما اوصل لحل واكون لسة دماغى سليمة :d هكتبها هنا اكيييد

ويارب محدش يشوف المشكلة الى انا فية دية​

 

[magoo_2003]

جبتوة من الشركة وقالوى انوة سليم وشغال تمام وومفيش اى مشاكل
وجربتوة زى ما قوتلى ونفس المشاكل انا صورتليك كل الحلات فى صور وارفقتها فى المرفقه​

 

[Frozen]

طيب جرب هذا الحل داخل الويندوز

Start ثم ابحث عن power options ثم اختار Power Options ثم اختار Change plan settings
ثم Change advanced power settings ثم ابحث عن USB settings واضغط على علامة +
تظهر لك USB selective suspend setting ثم اضغط على علامة +
اعمل disable بدل enable ثم ريستارت للجهاز

=====
كما طبق الخيارات في الصور داخل السمارت

في هذه الصورة تختار نوع كرتك في الخانة الأولى

اذا كان لديك دايزك اعمل الآتي

ما نوع الماذربورد لديك بالتفصيل؟ اذا كنت مثبت أي خاصية Power saving أو dynamic energy امسحها سريعاً

 

[magoo_2003]

تمام اوى كدة شغلتوة حوالى ساعة او اكتر ومقطعش بس لما بدوس على كبس النور بيقطع مش عارف مين يفدنى فى الملعومة دية !
بس عاوز اعرف USB selective suspend setting وظيفتها اية ؟

وجزاك الله خيرآ على تعبك معايا

 

[Frozen]

هذه الخاصية تعمل على تعليق الباور الواصل لمنفذ usb غير مستخدم ... فإحتمال أن هناك "سوء تفاهم" يؤدي إلى تعطيل الباور الواصل للكرت أثناء استخدامه
ان شاء الله يكون الحل في هذه العملية

بخصوص موضوع الكهرباء لا أستطيع مساعدتك كثيرا لكن سأسأل عن الموضوع

 

[FBI]

ما اروعك اخي مهند والله انك مبدع ما شاء الله عليك
تحياتي

 

[magoo_2003]

جزاك الله خيرآ و مستنى منك الرد بخصوص الكهرباء على الاحر من الجمر يا يكون مشكلة جهاز او مشكلة كهرباء البيت معا ان جميع الاجهزه الكهربيائية مابتيتأثرش غير الجهاز الtvii بس