برجاء المساعدة عندي مشكلة بكارت azurewave

[loveingu]

المشكلة عندي بدأت منذ أيام قليلة كانت الكارتة تعمل 10/10 لاحظت فجأة بعض القنوات لا تعمل
قررت تحديث الترددات وتفاجئت بالتالي بعض الترددات لا تعمل وبعضها يعمل ولكن ينزل قنوات وقنوات لأ
على سبيل المثال تردد 12284 رأسي عليه قنوات زي الجزيرة الرياضية وشوية قنوات زي الغدير مثلا المهم لما بدور على التردد ده بينزل القنوات كلها الإ الجزيرة
وده طبعاً ينطبق على قنوات كتير جداً تقريباً نص القمر
المهم عشان أختصر ليكم رحلة التجارب بتاعتي
- حطيت الكابل على رسيفر أشتغلت كل القنوات زي الفل
- نزلت برامج ترددات زي ترانس إيديت وفاست سات فايندر نفس المشكلة حتى في البحث الأعمى
- شغلت برامج أخرى غير الدي في بي فيور ... منها الدريم والبروج ونفس المشكلة
- شلت التعريف وعرفت الكارت من جديد
- جربت على طبق تاني أساساً برده نفس المشكلة
- وأخيرا اخدت كابل من lnb out من الرسيفر للكارت أشتغلت القنوات كلها بس المشكلة أني لو جايب على الرسيفر قناة رأسية لازم الكارتة تبقى مشغلة قناة رأسية وهكذا بالنسبة للأفقى

أرجوكم حد يفيدني بالحل لاني بخبط دماغي في الحيط من الكارت ده ومش لاقي حل

 

[FBI]

اهلاً اخي العزيز

الكرت usb ام داخلي ؟

اذا كان usb تاكد من المحول الذي يوصل بالكهرباء

اما اذا كان داخلي فعلى الاغلب المشكله بالتيونر وهذا الامر مشهور مع كروت توينهان

اخي ياريت تعطينا بعض الترددات الشغاله بواسطة الكيبل المباشر من الطبق ودرجة الاشرارة لانه كما هو معروف لتيونر الرسيفر اقوى بكثير من لتيونر الكرت

تحياتي

 

[Frozen]

كلام الحبيب نواف صحيح

في البروج
من خيارات others داخل الإعدادات تجد هذا الخيار Send diseqc command in every tuner look، ضع عليه صح إن لم يكن كذلك والعكس صحيح

هناك خيار في برنامج Smartdvb اسمه Force LNB power on tune احتمال يفيدك !

 

[loveingu]

أولا شكراً للإستجابة السريعة
ثانياً التفاصيل
الكارت pci مش usb وأنا بأستخدم dvbviwer وبرنامج الترددات transedite ومعلش أنا مش مبتدئ فيا ريت تستحملوا أسألتي الكتير ... يا ريت توضيح إزاى أقدر أظبط الباور بتاع ال lnb
بالنسبة لنقطة الترددات هي كانت شغالة من كام يوم يعني المشكلة مش من التردد أو الطبق
وبعدي كمثال تردد 12284 رأسي يعمل وجايب قنوات من على التردد زي 5555 movies وأزهري ولكنه مش جايب قنوات الجزيرة مثلاً ... بمعنى أن فيه ترددات مثلا عليها 10 قنوات بتلاقيه منزل منها 6 قنوات والباقي لا ... أفتكرت أنها قنوات dvb-s2 لكن لاقيت أن منها كده ومنها عادية وعندي قنوات dvb-s2 شغالة كويس

ودي صورة لتحليل التردد ده ... وده تردد الجزيرة الرياضية وبعض القنوات الاخرى

 

[Frozen]

صديقي التردد 12284 فقط يوجد عليه قنوات للجزيرة ولا شيء آخر، حتى في التحليل التردد الموجود 12283
والقنوات التي ذكرتها حضرتك توجد على التردد 11430 v

الآن بخصوص الفولطية فهي تتحكم بالقطبية إن كانت أفقية أو عمودية وقيمة الفولطية تُرسل من الرسيفر بالأصل وعليها يتصرف اللاقط
لكن هناك ضبط للاقط لتقليل الضجيج عن طريق تدويره في نفس موضعه

بناءً على ما قدمته من معلومات كل المؤشرات تفيد أنّ التلف حاصل في الكرت
يمكنك تجريبه على جهاز آخر لتتأكد ...

 

[loveingu]

السلام عليكم ورحمة الله وبركاته
أخيرا عرفت أن الكارت هو المشكلة لأني جبت نفس نوع الكارت من عند أخويا كنا شارينه سوا ... وأشتغل تمام فعرفت أن العيب في الكارت نفسه لا سوفت وير ولا باور جهاز
المشكلة مش في ترددات أفقية ولا رأسية المشكلة أن أغلب الترددات ومن النوعين الرأسي والأفقي مش بيشتغلوا ودي تقريباً على قدر ما فهمت مشكلة تيونر اللى مش بيطلع الباور كفاية للlnb
المهم أنا عايز أصلح الكارت بدل ما أضطر أشتري جديد وأساساً أنا خايف أجيب جديد من كتر مشاكل الكروت ... فهل ممكن أغير أى سي التيونر ده أو في طريقة لصيانته ... أو مكان يصلحة بس يكون في الاسكندرية ... يا ريت حد يجاوبني على الحل وأكون شاكر ليه

 

[Frozen]

وعليكم السلام

يمكن أخي إن كان هناك شخص متمكن في الإلكترونيات وقادر على فحص الأجزاء بشكل دقيق وليس اعتباطي
إضافة إلى ضرورة تغيير القطعة بقطعة أخرى بنفس الرقم ولا شيء آخر

أيضاً يمكنك تجريب طريقة خبز الكرت التي قد جربتها سابقاً

http://stardvb.com/forum/t-79168.html#post766042