ا قتراح الي كل مشتركي الدي اس ال في مصر ارجو من الكل المشاركة

[wody2003]

قبل ما اقول الاقتراح احب اوضح نقطة بسيطة بالنسبة لسرعة التحميل لمشتركي الدي اس ال في الشركات المختلفة


نوع الاشتراك



256(130جنيه)
سرعة التحميل مابين 20 الي 32 كيلو


512 من 40 الي 60 كيلو


1 ميجا
120 الي 150 كيلو




طبعا كلكم عارفين الاسعار بتبدأ من 130 جنيه وده اقل حاجة
طيب انتم عارفين المشترك في بلاد برة خلينا في امريكا بيدفع كام اشتراك والسرعة بتبقي عنده كام
المشترك في ادني فئة عندهم بيدفع ما يتراوح بين 30 الي 40 $
وبيحصل علي اشتراك يبدأ من ا ميجا
عارفين ادني سرعة داونلووود عندهم كام
400 كيلو في الثانية وانا متأكد من اللي باقوله ماحدش يقولي عرفت الكلام ده منين

يعني بيدفع مايقارب من 150الي 200 جنيه مصري وبيحصل علي خدمة تفوق الخدمة اللي عندنا 20 مرة
طيب ليه احنا ساكتين علي كدة مافيش حاجة نقدر نعملها
لأ فيه ممكن كل واحد يدخل علي موقع الشركة اللي مشترك فيها ويبعتلهم اعتراض
وهم هايسمعوا كلامنا
90% لا بس كل واحد يبقي عمل اللي عليه وهم لو لاقوا عدد كبير داخل وبيبعتلهم اعتراض علي مستوي الخدمة المقدم
ممكن
ممكن نكتب ايه طيب

ممكن كل واحد يدخل يقولهم انه مشترك في الشركة وانه مش عاجبه السرعة الفعلية للتصفح والدونلووود البطئ

وانه بيفكر بشكل جدي بالغاء اشتراكه في الشركة

تفتكروا لو عدد كبير من المشتركين عمل كدة وقالهم انه بيفكر بالغاء اشتراكه ايه ممكن يحصل


في ناس هاتقول موقع الشركة مش معايا انا حاطط مواقع الشركات اللي انا اعرفها وياريت حد يحط باقي المواقع

www.tedata.net
www.link.net
www.menanet.net
www.yallamisr.com


ويارب تتفاعلوا مع الموضوع

 

[wody2003]

ايه مافيش مصريين في المنتدي ده ولا ايه

 

[semsem22]

فعلا لازم كلنا نتفاعل ومانسكتش

 

[3la2]

ياجماعة الموضوع مش سهل كده 00 نعترض فيسمعوا الكلام
انت لو حاولت تقاطع الشركة اللى انت واخد منها الخدمة ومدفعتش الاشتراك
هيققدروا المبلغ المتراكم عليك ولو عايزين يدفعوك غرامة تأخير هيدففعوك
كللو بالقانون ياباشا00000000000000000000000000 وانت عارف الباقى :wall: :wall: :wall: :wall: :wall: وهكذا

 

[wody2003]

انا ماقلتش اننا مندفعشلا احنا ندفع بس زي محنا ندفع ممكن نعترض ولو مانفعش انا عندي حل تاني ممكن يخسرهم ملايين
بس مافتكرش ان في حد مستعد ينفذه لأني شايف ان اقل حاجة انتم مش عايزين تعملوها
نبدأ بارسال اعتراض الاول ونجرب محدش عايز ليه يجرب لو قدرنا نجمع عدد كبير يبعت خلال الاسبوع الجاي ممكن نعمل
حاجة

 

[3la2]

بقول لو تقوللنا فكرتك احسن لان موضوع الاعتراض ده مش جايب همه0000
كام مرة اعترضت على شىء وارغمت عليه فى النهاية

 

[sayednow]

طيب يا شباب الفكرة من قلبها كويسة وايجابية جدا وانا فاهم قصد أخي تماما ولدي توضيح ؟؟ سعر ال 256 خمسه وتسعون جنيه مصري فقط lol 95 يا أخي ...

من الممكن ان نتواصل الي عدد حوالي 100 عضو موافق علي ارسال رسالة للشركات ونقوم بارسال الرسائل لكل شركة علي حدا لنرغمهم علي الاهتمام بالامر وهذا جيد ولكن لنتفق أن اليات شبكة الانترنت في مصر وأي مكان اخر يكون بسرعة متفاوتة وذلك نظرا للامكانيات التقنية المستخدمة في كل دولة يعني مصر مش زي النيجبر كل دولة حسب امكانيتها ولكن من الواجب تفعيل الفكرة وانا سوف أقوم بالمتابعة الشخصية معك للموضوع لرسم تفاصيل الرسالة كما يجب ولضمان نشرها بأكبر معدل ممكن وضمان اكبر فاعلية ممكنة وانت ستكون المسئول عن اسلوب ترتيب الموضوع ونبدأ من :-

1- تجميع أسماء الشباب المشترك في ارسال الرسالة
2-تحديد نص متشابه ونموذج تقريبي في المضمون وكل واحد واسلوبه عشان ضمان تشتيت فكرة المظاهرة البريدية
3- تحديد موعد الارسال بعد وصول عدد المرسلين الي ما لا يقل عن 50 شخص او ما قارب​

 

[ay_mo_ka]

المفروض تحمد ربنا الى فى نت اصلا
انت شفت فى الاول كانت الاسعار عمله ازاى كانت 128كان ب150جنيه يعنى
توصل 265 الى 95 جنيه
الحمد لله

 

[sayednow]

المفروض تحمد ربنا الى فى نت اصلا
انت شفت فى الاول كانت الاسعار عمله ازاى كانت 128كان ب150جنيه يعنى
توصل 265 الى 95 جنيه
الحمد لله

انا معاك بس كمان من حقنا خدمة محترمة مش كده ولا ايه احنا بنتكلم في السرعة اللي مش هتقلل من فلوسهم لكن الافضل خدمة اعلي واحسن

 

[3la2]

طيب ممكن زميلنا العزيز wody يقوللنا ايه اللى ممكن يعمله عشان يخسر الشركات دى زى ما بيقول

 

[sayednow]

طيب ممكن زميلنا العزيز wody يقوللنا ايه اللى ممكن يعمله عشان يخسر الشركات دى زى ما بيقول

أخي علاء أرجو التاني في قرائتك للموضوع ولا تشغل بالك جانباً حتي تدرك القصد والقصيد

فصاحب الموضوع يطلب مراسلة الشركات بشكل جماعي

 

[3la2]

هو الاخ سيد عايز منى ايه كفاية مطاردات بين الاقسام مرة رسالة من القسم الرياضى ومرة تتهكم على كلامى اللى
انت فهمته غلط 000 انا اقصد فقط ايه وسيلة التأديب فى حالة رفض هذه الشركات

 

[sayednow]

هو الاخ سيد عايز منى ايه كفاية مطاردات بين الاقسام مرة رسالة من القسم الرياضى ومرة تتهكم على كلامى اللى
انت فهمته غلط 000 انا اقصد فقط ايه وسيلة التأديب فى حالة رفض هذه الشركات

أخي علاء هذا واجبي كما انك زميل لي في الموقع انا ايضا مشرف في الموقع ومهمتي متابعة الاعمال من الشباب وايضاح المبهم منها وقد كان لك تساؤل واضح وجليل ولكنك لم تنتبه لقراءة الموضوع جيداً

 

[wody2003]

الف شكر علي الردود ولتفاعل مع الموضوع انا كل اللي كنت عايزه ان احنا نطالب بحقنا وهو حرام نطالب بحقنا ولا ايه
ثاني شئ انا قلت ان اسهل حاجة الواحد ممكن يعملها هو ارسال رسالة اعتراض علي الخدمة بس في اقتراحات تانية
افتكر انها بالشكل ده غير قابلة للتنفيذ مثلا ممكن عدد كبير م المشتركين في الشركات المزودة يطلبوا ايقاف الخدمة
لمدة شهر مش ده هايخسرهم فلوس برضه ولا لأ بس ده طبعا مع المصريين شبه مستحيل انهم يعملوا حاجة زي كدة
وممكن عدد كبير من المستخدمين لشركة معينة يدخلوا يسجلوا اعتراضهم في الموقع في نفس الوقت ممكن ده يعمل ضغط
علي الموقع ويحسوا ان فيه حد بيعارضهم بشكل كبير لكن الواقع اننا مش بناخد الفكرة بجدية فيه ناس تسأل اسئلة
مالهاش لزمة وفي ناس بتعترض وبس من غير ماتفكر انها تعمل حاجة
اخيرا للعضو اللي كان بيسأل عن مشاركتي اللي كنت باقول فيها اننا ممكن نخسرهم مكانش قصدي بالمعني الحرفي
يعني انا قصدي اننا ممكن نخسرهم ده لو قمنا بعملية مقاطعة لمدة شهر وده مش هايضيع الاشتراك ولا حاجة بس شهر
ايقاف للخدمة بعد كدة ترجع تاني طبعا الموضوع ده صعب ان الاعضاء يوفقوا عليه خلينا في السهل اللي بتقولوا عليه مش
هاينفع

 

[MHMOODE]

انا معاكم ياوودي انت وعم سيد
لان الموضوع محتاج وقفة جامدة

 

[love&peace]

لا اقصد الاحباط لكن يا جماعة .............. انسوااااااااااااا

والسبب ببساطة انه مش من صفاتنا احنا المصريين الوقوف صف واحد للمطالبة بحق ضائع

دى حقيقة متأصلة وكلكم طبعا لمستم الحقيقة دى فى مواقف متعددة فى الحياة

 

[MHMOODE]

لا اقصد الاحباط لكن يا جماعة .............. انسوااااااااااااا

والسبب ببساطة انه مش من صفاتنا احنا المصريين الوقوف صف واحد للمطالبة بحق ضائع

دى حقيقة متأصلة وكلكم طبعا لمستم الحقيقة دى فى مواقف متعددة فى الحياة

للاسف هي دي الحقيقة

 

[sayednow]

طيب ايه رايكم انا هقوم بتجميع الشباب شخصيا واعداد الرسالة ومراجعتها معكم والي كل من يريد المشاركة ان يكتب كلمة

موافق علي المشاركة في رد وحيد وسوف نذكر اسمه ونجمع الشباب ويلا بينا ع الايجابية يا شباب

 

[MHMOODE]

موافق علي المشاركة

 

[wody2003]

طيب ايه رايكم انا هقوم بتجميع الشباب شخصيا واعداد الرسالة ومراجعتها معكم والي كل من يريد المشاركة ان يكتب كلمة

موافق علي المشاركة في رد وحيد وسوف نذكر اسمه ونجمع الشباب ويلا بينا ع الايجابية يا شباب

الف شكر للمشرف sayednow علي دعمه للموضوع طبعا انا اول واحد موافق علي المشاركة