استفسار عن كرت Tevii قبل الشراء

[alimysterio]

بعد ازنكم يا شباب انا قررت انى انزل اشترى كرت Tevii عشان انا جبت اخرى معا التوينهان بسبب عدم دعم الشركه للكرت واهمالها بس قبل ما انزل اشترى الكرت ان شاء الله لقيت فى كام نوع وطبعا هجيب s2 عشان كده حبيت اشوف رايكم فى الكروت اللى فى السوق النهرده من نوع الكرت ده عشان مجبش حاجه واندم عليها والانواع الموجده هى كالتالى ..

TeVii S464 DVB-S2 PCI

TeVii S470 DVB-S2 PCIe

TeVii S471 DVB-S2 PCIe

ارجو الافاده تحياتى ​

 

[The_SMB]

اخي الغالي انصحك بكرت
TeVii S464 DVB-S2 PCI
واما في حالة ان المذربورد بتاعك فيه شق PCI-E فأنصحك
TeVii S471 DVB-S2 PCIe
لان الPCI-E اسرع بالتعامل مع البيانات
تحياتي

 

[alimysterio]

شكرا اخى The_smb دائما الاول فى الرد والمساعده وبثق فى رأيك ديما عشان كده توجهت لكرت Tevii زى ما قولتلى تحياتى ليك

بس كان فى سؤال بسيط معلش انا ملاحظ ان الكرت TeVii S470 DVB-S2 PCIe فيه وحده تيونر كبيره واللى اسمعه ان وحده التيونر بتساعد على اللتقاط اشاره جيده

هل ده بيفرق فعلا ولا مش شرط ؟

 

[The_SMB]

بالتأكيد اخي الغالي فان وحدة التيونر هذه هي المهمة
وكما تلاحظ ان في النسختين 470 و471 نجد هذه الوحدة لكن كرت ال471 يوفر في استهلاك الطاقة فقط حسبما اطلعت من موقع الشركة Low power consumption DVB-S2 chipsets وهو احدث اصدارا
لذلك برأيي المتواضع لافرق يذكر بين الكرتين ولك الخيار حسب توفر القطعة والسعر
واعذرني على التقصير
تحياتي

 

[mhmd-f]

أخي علي ليش ما ياخد الكرت اللي فيه 2 توينر مو أحسن له

 

[alimysterio]

شكرا اخى The_smb على المعلومات والافاده

الصراحه اخى mhmd-f انا قلقان من الكرت اللى فيه اتنين تيونر ده لان كل ما الكرت الخواص بتعته زادت كل ما كان تقيل فى التعامل والتهنيج بتاعه بيكون كتير ده على حد علمى فى الحكايه دى عشان كده حتى مزكرتوش من ضمن الكروت اللى عايز اجيب منها

 

[The_SMB]

ابدا ياغالي بالعكس 2 تيونير لايعتمد على chipset واحد ولذلك كل تيونر منفصل بذاته ولاتظهر مشاكل
لكن يجب ان تجهز الحاسبة ببور عالي اقصد power supply بقدرة 600 واط فأكثر لان استهلاك الطاقة سيزداد
تحياتي

 

[alimysterio]

شكرا على الافاده يا شباب انا هنزل اشترى ان شاء الله الكرت انا حاسس ان مفيش فرق كبير بينهم عشان كده اللى هرتحله هجيبه وهبلغكم باللى جبته ان شاء الله

 

[eljerrari]

اذا كنت تستعمل الدايسك انصحك بعدم شراء 470 لانه لايدعمه بشكل جيد اما ان كنت لا تستعمله فهو كرت جيد انا املكه ولم اواجه اي مشكلة

 

[وليد999]

انا عندى 420 وشغال حلوووووو وكويس جدااااا

 

[zezo2007]

توكل على الله اخى الكريم

فكروت tevii اصبحت الان من الكروت الممتازة فى كل شئ واهمها الدعم المستمر من الشركة لها

تحياتى لك

 

[alimysterio]

شكرا يا شباب على المساعده والردود المفيده

 

[GeuvarA]

انا عندي كرتين من هذه النوعية واحد DVBs والتاني يدعم DVBs2

بصراحة الكروت ممتازة لم ارى فيها عيوب كبيرة... وثمنها مناسب للجميع

تحياتي

 

[alimysterio]

شكرا اخى geuvara على الرد تم شراء الكرت TeVii S471 DVB-S2 PCIe وهو الحمد لله حتى الان بحاله ممتازه فعلا وانصح الجميع بيه .... شكرا على المساعده يا شباب بالنسبه لسعر الكرت 350 جنيه لانه احدث الكروت الموجوده حتى الان هو والكرت الاخر صاحب الاثنين تيونر واعتقد ان كرت الاثنين تيونر 400 او 400 وكسور بسيطه لكن بالنسبه ليا انا عشان عندى طبق متحرك جبت TeVii S471 DVB-S2 PCIe فهو جيد بالنسبه ليا تحياتى للجميع