استفسار بخصوص كروت tevii

[GROW]

السلام عليكم ورحمة الله وبركاته
كنت ناوى اشترى كارت ستالايت جديد S2
فكنت عايز اعرف رلااى الاخوة الافاضل بكروت tevii 471 او 472
هل الكروت دى فيها مشاكل ولا ايه وانهى الافضل 471 ولا 472
بصراحة قلقت لما تصفحت القسم من كثرة المشاكل والاعطال
هل فعلا الكارت ده صينى؟
هل يوجد اى بدائل للكارت ده فى مصر مثل توينهان او kworld ؟؟
وشكرا
​

 

[power_man16]

الكرت فعلا صناعته صينى
وبعد ارتفاع سعر الدولار بالنسبة للجنيه المصرى تضاعف سعر الكرت فالكرت مثلا الذى كان سعره 450 ج اصبح سعره 800 ج
الكرت مشاكله كثيره ومتنوعه وغير جيد
الكروت البديله يقال ان هناك كرت توينهان 3000 ولكنى سمعت عنه ولم اجربه​

 

[GROW]

شكرا لك اخى الكريم على الافادة
والغريب فعلا ان سعر الكارت غالى بصورة مبالغة..ده فى رسيفرات صينى بمميزات كتير وب 200 جنيه تقريبا!!
بس اللى محيرنى ان على المواقع المختلفة الكل بينصح ب تيفى كافضل كارت فى مصر
فى نفس الوقت فى اعضاء ذكروا ان الكارت حصل فيه مشاكل وتم ارساله الضمان اكتر من مرة ودى حاجة تقلق
بصراحة الواحد محتار
وياريت باقى الاعضاء يشاركونا تجاربهم ورايهم فى tevii 472

 

[power_man16]

انا كنت قلت لك ان الموجود هو توينهان 3000 ولكن صحته هو الفيجن بلس 3000
وممكن تجده فى مولات الكمبيوتر الكبيره زى اللى فى البستان بالتحرير او مول السخاوى بروكسى ويمكن فى مول الكيت كات
بس فى الغالب ان صناعته صينى وانا لم اجربه
فقط جربت عدة كروت من التيفاي وواجهتنى معهم مشاكل متنوعه
والان لدى كرت تيفاى ولا يأتى بمعظم اشارات القنوات رغم ان مر عليه فقط سنتين
وان وصلت الكابل من مخرج الرسيفر للكرت
بيخرف ويأتى باشارات لقنوات ليست حقيقتا موجوده على هذا التردد
بل المفترض والصحيح ان تكون بدلها قنوات اخرى
وان وصلت الكابل مباشرة من الطبق للكرت اجد ان هناك كثير من القنوات ليست لها اشارة
والطبق لدى 180 سم ومتحرك
فاحركه سنه شمال او يمين وبردو لا اجد اشاره لكثير من القنوات مع انها لها اشاره على الرسيفر
مفيش افضل من كروت زمان كانت اصيله بس للاسف لا يمكن بها مشاهدة القنوات الاتش دى 2
ولدى كرت فيجن بلس احمر قديم مر عليه اكتر من 16 سنه ومازال شغال عال
​

 

[GROW]

شكرا لك اخى اكريم على سرد تجربتك مع كروت تيفاى
اتفق معك ان كروت زمان هى الافضل على الاطلاق
ساحاول ان ابحث عن كروت فيجن بلس والتى على ما اعلم
انها تتبع توينهان!
على الرغم انى قرات ان كروت فيجن بلص الجديدة يتم تعريفها بتعريف تيفاى!
حتى انى اذكر احدهم قال انه نفس كرت تيفاى ونفس الاسطوانة
لكن بعلبة مكتوب عليها فيجن بلص!

 

[power_man16]

شكرا لك اخى اكريم على سرد تجربتك مع كروت تيفاى
اتفق معك ان كروت زمان هى الافضل على الاطلاق
ساحاول ان ابحث عن كروت فيجن بلس والتى على ما اعلم
انها تتبع توينهان!
على الرغم انى قرات ان كروت فيجن بلص الجديدة يتم تعريفها بتعريف تيفاى!
حتى انى اذكر احدهم قال انه نفس كرت تيفاى ونفس الاسطوانة
لكن بعلبة مكتوب عليها فيجن بلص!

فعلا انت ذكرتنى فقد سبق وقرأة نفس هذا الكلام
اذن تفهم من ذلك ان زيد مثل عبيد ولا اختلاف
ارى انك تشترى رسيفر اتش دى وعليه اشتراك سيرفر سنه يكون هو الافضل​