نكت

[ahmicph]

----------
واحد بلدينا استضفوه في برنامج الكاميرا في الملعب قالوله بتشجع مين؟ قال نادي المقاولون العرب -قالوله بتحب مين في المقاولين-قال- الجماعه بتوع المحاره
-----
واحد بلدياتنا اشترى تاكسى ولما الناس بتنده عليه فى الشارع و تقول تاكسى يرد عليهم من شباك التاكسى ويقول ايوه تاكسى
--------
مره تلاته اعدين يحششوا في عشه فراخ
جت كبسه كل واحد اسـتخبه في شوال جه الظابط
ضرب الشوال الاول برجله خرج واحد منهم و اعد يكاكي
وعمل نفسه فرخه
ضرب التاني خرج واعد يدن وعمل نفسه ديك
ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس
انت مابتفهمش
------------
ناظر عزبه قال لفلاح اقعد هنا وخلى بالك من الثور اللى بيلف بالساقيه ماتخليهوش يبطل ولا يقف.. الفلاح قال له حاضر ومشى ناظر العزبه ورجع له بعد ساعه لقاه نايم قال له ازاى تنام وتسيب الشغل اللى كلفتك بيه .. قال له الفلاح ما انا مركب جرس فى رقبه الثور وانا سامع الجرس بيرن علطول ... قال له ناظر العزبه :ياسلام يا فالح ما هو ممكن الثور يقف ويهز راسه وتسمع صوت الجرس برضو .. قال له الفلاح : ما هو مش كل التيران بتفكر زى سعادتك


----------
مرة ارنب اتجوز سحلفة بعتها تجيب اكل خرجت و الارنب استنى قعد يستنى ساعة مجتش سلعتين مجتش اسبوع مجتش شهر ماجتش شهرين ماجتش ستة اشهر ماجتش الارنب قلق خرج يدور عليها لقاها في نص الطريق زعألها و قال ايه ستة اشهر بتجيبي الاكل قالتلوا اده انت بتزعألي طب مش راحة
---------
واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تصير اسم عالم ذرة، أم التاني قله أنا غلب ****ي، آم الأول قله: الدولة هي قطر ولما تحط نقطة حتصير قطز، أم التاني قاله هو قطز عالم ذرة؟؟؟؟؟ فرد عليه الأول يعني هي قطر دولة أوروبية؟؟؟؟ ها ها ها
-----------
مدرس تاريخ واقف فى الفصل بيشرح, دخل علية موجة,دخل بيسال الطلبة,الموجة بقى بيسال اول واحد قوم يا بنى مين ال قتل كليبر؟؟رد الولد وقال انا مليش دعوة بالموضوع دة,قالة اقعد ,قوم يا بنى انت مين ال قتل كليبر؟؟قال الولد انت هتجيبها فية؟؟قالة اقعد ال جنبة مين يا بنى مين ال قتل كليبر؟؟قالة يا بية المدرس ال واقف دة بيدرسلينا بقالة 3 سنين اسالة عمرة شاف علية حاجة؟؟الموجة زعل جدا وخرج من الفصل طلع المدرس بيجرى وراة وبيقولوة" حضرة الموجة انت متاكد ان ال قتل كليبر موجود عندى فى الفصل ...
----------




واحد بلديتنا بيقول للتانى لو قولت اية ال فى الصندوق دة هديلك منة برتقالتين..رد قالة جوافة؟؟

----------
واحد بلديتنا ماشى فى الشارع بيقول للتانى محمدين الست ال ماشية هناك دى اسمها نفيسة قالة ايش عارفك يا بتاع الحريمات انت؟؟قالة ماهى مراتى!!!!ا

--------
واحد مسطول قعد علي القهوه وهو لابس فرده جزمه سوداء وفرده بيضاء..
قابله مسطول تاني وقاله:
"ايه ياواد الجزمه الشيك دي??"
راح المسطول الاولاني حط رجل علي رجل وقاله:
"وشرفك إنت.. عندي جوز جزم تاني فى البيت شبهه بالظبت !"
-----------
مره استاذ.تربيه فنيه حب يختبر التلاميذ..فقل لهم انا عيزكم ترسموا **** غيبا.....فاوقف تلميذ وقال طيب لو سمحت يااستاذ..اخرج بره علاشان محدش يغش
----------
مره واحد بلديتنا بيراسل واحد امريكانى
اتعنطظ عليه الأمريكانى و قاله الأمريكان أول ناس طلعوا القمر , سأله بلديتنا و لجيتوا إيه هناك ؟ رد الأمريكانى بعنطظه و قاله صخور و تراب ؛قهقه بلديتنا و قاله ما إحنه إللى طلعناهم فوج .

-----------
مرة واحد بلدياتنا شغلوه عامل أسانسير
دخل بيه في شجرة
----------
واحد بورسعيدي راح يسأل عن صحبه فبينادي عليه ابو العربى ..ابو العربى طلعت مرات ابو العربي تقوله ابو العربي مش موجود اما يجي هنقوله... رد عليهاوقال قولي له..هوه احنا بنخاف
--------
نزل أحد المساطيل من بيته و هو يلبس فرده جزمه بني والتانيه سوده وقعد في غرزه لما شافوا المسطول التاني ضحك و قال: عليه النعمه أول مره أشوف واحد حاطط رجله علي رجل اللي جنبه
---------
واحد قصير داس علي مسمار شكه في ذقنه ..

--------
مرة تاجر مواشي إتبنى عجل
----------
واحد نذل أبوه طرده من البيت.... كتب على البيت وهو خارج... مقر حركة طالبان
--------
مرة واحد قاعد في القطر ورا اتنين بلدياتنا و كل شوية بيسمع صوت دوم دوم دوم
فقال لواحد فيهم ايه يا عم الصوت ده
قاله ده ابن عمي ارفني مطلع دماغه بره الشباك و عمال يخبط في العواميد
-------------
مرة واحد أهبل سمع عن دورة مياه سجل فيها

------------
نشره الاخبار السودانى:-
نشرة الاخبار:سافر الرئيس النميرى....
الاخبار بالتفصيل::سافر الرئيس النميرى بالطائرة......
موجز الانباء:سافر ....
----------
ذهبت سيده لعيادة طبيب و هى تشتكى فقالت
دكتور من فضلك، لدى مشكله فى الغازات، انها ليست مشكله كبيره و لاتزعج من حولى ولكنها تؤرقنى قليلا وذلك لكثرة الغازات مع أنها بدون صوت و بدون رائحه فعلى سبيل المثال منذ أن دخلت حجرتك قمت باخراج الغازات اكثر من عشرين مره
الدكتور: مشكله بسيطه، من فضلك تواظبى على الدواء المكتوب فى الروشته لمدة اسبوعين
بعد اسبوعين عادت المريضه للدكتور قائله
لست أدرى ما حدث و لكن الغازات كما هى من حيث العدد وعدم اصدار رائحه و لكنها صارت ذات صوت مرتفع
الدكتور: عظيم جدا الآن بعد أن عالجنا داء السمع يمكننا البدء فى علاج داء الشم

-------------
----------
مسطول سأل سائق تاكسي : تاخد كام وتودينى فين؟؟ قال السائق هات كل اللي معاك وخليك واقف هنا
-----------
واحد اسمة محمدين خبط فشجرة كل محمد راح فى ناحيه
------------
مره واحد بلدياتنا نزل الترعه البلهارسيا طلعت تحلل

تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!!
------
مرة واحد بلدياتناوقع فى حفرة نزلولوا حبل طلع مخنوق
----------
واحد احول امه ماتت دفن ابوة
---------
مره واحد بيحب يمشى ويمشى مبيحبوش
---------
مره واحد احول بيعاكس واحده حوله بيقولها والله انتوا الاتنين احلى من بعض انتو الاتنين زى الامر فاتعصبت وقالت :جرى ايه ياشله قليله الادب
-----------
واحد بلدينا حط حجرين للراديو المذيع انسطل
----------
مره كان في قط بيجري وراء قطه اعد يجري وراها لحد ما خبطتها عربيه قال لها احسن ابقي خالي الشرف ينفعك
مرة مدرس كيمياء خلف عيل سماه
سامى اكسيد الكربون
==========
وحدة تقول لحبيبها أهلى مسافرين والبيت فاضى قالها أقرئى قرأن ومتخافيش
----------
مرة أتنان بلدياتنا حبوا يسرقوا بنك سرقوا بنك الدم
بلدياتنا الصغير بيسأل أبوه : ليه يابا ربنا خلج لنا الودان فرد الأب : علشان نعرف العمة بتاعتنا ها تجف لحد فين
-------------
اثنين عازين يشربوا سجاير و مش معاهم قالوا ندخل ميتم بيوزعوا سجاير هناك. دخلوا قعدوا جنب واحد كان فى الصوان يدخن قال الأول أنفاس معدودة و الثانى كلنا لها رد عليهم الراجل محدش واخد منها حاجة
---------------

[FOXTROT]

lol lol lol lol

[aleain]

مشكووور جدا أخى الكريم على هذة النكت الرائعة التى نكون بحاجة إليها بعض الأحيان

تقبل أرق تحياتى ونتمنى منك دوام المشاركة

[الجنرال]

هههههههههههه

مشكور يا غالي على النكت الجميله