ما الجديد
ستار دي في بي | StarDVB

أهلاً وسهلاً بك من جديد في ستار دي في بي StarDVB. تم في الاونة الاخيرة تطوير وتخصيص الموقع ليشمل IPTV و SMART TV بشكل أوسع من السابق. إذا كنت مسجل سابقا يمكنك الدخول باسم المستخدم السابق نفسه، وإن كنت غير مسجل مسبقاً، يمكنك التسجيل الان. نرحب بمشاركاتك واقتراحاتك في أي وقت، نتمنى لك وقتاً ممتعاً معنا.

مميز حصرياً من Dr-Net طريقة التسجيل من التوينهان مباشرة الى أى امتداد غير الMPG2

DrNet

ستار جديد
طريقة جديدة و حصرياُ من Dr-Net تقدر من خلالها انك تسجل من الكارت مباشرة الى أى امتداد أخر غير MPG2
بس...
بس بشروط
أولاً لازم يكون الكمبيوتر بتاعك قوى جداً علشان يقدر يسجل و يضغط لنوعية أخرى
MPG1 - AVI - MPG4 - DIVX - ASF - WMV - RM - MOV - 3GP
يعنى تقدر تسجل مباشرة لإمتداد 3GP بتاع الموبايل و RM بتاع الريل بلاير و MOV بتاع الكويك تايم و غيره و غيره
وطبعاً كل ما ازداد تعقيد الكوديك المستخدم كل ما احتجت لكمبيوتر أقوى و خاصة لو هتستخدم كمان كودك للصوت مثلاً MP3 أو WMA غير كوديك الفيديو
أه و نسيت أقول لكم ان ممكن تسجل الصوت لوحده لأى امتداد فى الدنيا
MP3 - WAV - WMA - RM - OGG - AU
و غيرهم (ودى أخف شوية من تسجيل الفيديو معاه

يعنى اللى يجرب الطريقة دى و يلاقيها عاملة مشاكل يتأكد ان الكمبيوتر بتاعه هو السبب أنا أول ما فكرت فى الفكرة دى نفذتها على كمبيوترى و هو مش قى كفاية و كانت النتايج مش قد كدة
أما لما جربتها على كمبيتر واحد صاحبى وده ما شاءالله عليه قوى جداً جداً فكانت النتايج مبهرة و طبعاً المساحة الفاضية على الهارد لازم تكون كبيرة علشان ملف الTemp بيبقى حجمه كبير و بعدين يبقى يتمسح بعد اكتمال التسجيل

طيب كفايانى رغى بقى و ندخل فى المفيد

الفكرة ببساطة هى استخدام ملف الـTemp اللى البرنامج بيستخدمه أثناء التسجيل ببرنامج معين يكون فيه خاصية التحويل من ملف فيديو ناقص الى امتداد أخر بدون ما يعمل مشاكل و اللعب بيبقى ف الحتة دى

طيب ازاى؟
أنا دخت السبع دوخات لحد ما لقيت البرنامج الوحيد اللى فيه 3 خواص من غير أى واحدة منهم ماكانتش العملية كلها نجحت
الأولى انه يقدر يحول ملف الى كودك أخر فى وقت يكون الملف ده مفتوح فيه من قبل برنامج أخر لأن غالباً لوحاولت تفتح ملف فيديو أصلاً الملف ده انت مشغله فى الميديا بلاير مثلاً أو تفتح ملف فيديو يكون لسة بيتسجل مش هيرضى يتفتح أساساً
التانية انه يقدر يحول ملف فيديو ناقص الى امتداد أخر من غير ما يقول ان الملف ده ناقص
التالتة انه يقدر يعرف نوعية الملف اللى انت بتفتحه حتى لو امتداده غلط يعنى لو غيرت مثلاً امتداد mpg لامتداد تانى أى حاجة TMP هيعرف ان أصل الملف ده MPG ويتصرف بناءاً على كدة
المهم أنا الحمدلله لقيت البرنامج اللى ممكن يعمل كدة

لحد دلوقتى واضح و أظن كتير من الناس فهموا الفكرة اللى أنا بتكلم عليها

المهم نبتدى بقى بعد كل المقدمة اللى كان لابد منها دى

البرنامج اللى بيعمل كل ده لأ و كمان يقدر يحول لأى امتداد فى الدنيا كمان اسمه
Xilisoft Video Converter
اضغط على اسم البرنامج لتحميله
بعد كدة شغل برنامج العرض Twinhan DVB و يفضل نسخة 2.43 اتأكد من المكان اللى مظبوط انه يسجل فيه
وتأكد ان المساحة الفاضية مناسبة
دلوقتى بقى افتح برنامج Xilisoft Video Converter و خليك جاهز بإنك تختار من تحت الإمتداد اللى عايز الملف يتحو ل له ومن على اليمين اختار حجم الصورة و الكوديك المناسب و كدة يعنى
ابتدى التسجيل عادى من برنامج الكارت لما تيجى الحتة اللى انت عايز تسجل منها
ارجع للبرنام التانى ثم اضغط على ADD لإضافة ملف جديد
ثم اختر من Files Of Type الإختيار الأخير All Files (*.*) وبعدين روح بسرعة على المكان اللى برنامج العرض مظبوط يسجل الملف فيه
هتلاقى ملف اسمه عبارة عن أرقام و امتداده TMP و حجمه 0 بايت
افتح الملف ده ثم دوس على Encode هتلاقى فوراً ظهر عداد نسبة مئوية هتكمل بسرعة لحد 100%
سيبك منها و ارجع للبرنامج بتاع العرض اللى انت بتسجل بيه أساساً لحد ما تحب توقف تسجيل دوس Stop هيطلع لك رسالة يطلب فيها اسم للملف المتسجل أو الغاء الملف من أساسه. سيبه دلوقتى عند الخطوة دى و هنرجع له تانى
ارجع لبرنامج التحويل هتبص تلاقى فى نفس اللحظة عداد ال 100% اتحول لكلمة Completed
ارجع بقى للرسالة بتاعة اسم الملف و دوس Cancel
خلاص ياعم
الملف اتحول و بقى بالإمتداد المطلوب و ملف الTemp اتمسح و خلاص و أصبح بس اللى موجود الملف المتسجل

يبقى باختصار بقى هتعمل ايه؟
- افتح برنامج X.Video و اظبط الأمتداد المطلوب
- افتح برنامج العرض و ابتدى التسجيل
- ارجع لبرنامج X.Video و افتح ملف الـTemp فى الفولدر اللى بيسجل فيه برنامج العرض و اضغط زر التحويل
- بعد انتهاء التسجيل دوس ستوب و سيب رسالة اسم الملف لحد برنامجX.Video ما يقول لك Done ودى هيقولها فى ساعتها و بعدين دوس فى الرسالة دى Cancel

وبس
وبكدة هتلاقى عندك ملف متحول و جاهز

طيب لو عايز تسجل الصوت بس؟
نفس الخطوات بس اختر امتداد الصوت المطلوب فى برنامج X.Video و امشى نفس الخطوات هتلاقى كل حاجة بقت تمام و فى النهاية بقى فى ملف صوت من غير صورة

طيب لو كمبيوترك بطئ ايه اللى هيحصل؟
سؤال منطقى جداً
ببساطة نفس الخطوات هتتم و هتنجح ان شاء الله بس اللى هيحصل ان البرنامج X.Video هياخد وقت شوية على ما يطلع كلمة Completed يعنى هياخد شوية وقت قبل ما يكمل ضغطه و يخلصه
طب ايه الحل؟
عادى جداً استناه شوية الوقت دول و بعد ما يخلص ابقى دوس Cancel يعنى ماتدوسش Cancel غير لما البرنامج التانى يقو لك Done
هو ده الفرق
يعنى الكمبيوتر القوى وظيفته انه يخلى التحويل فى نفس وقت التسجيل مش أكتر منه زى لو الكمبيوتر تعبان

باقى حاجتين
الأولى ان البرنامج المذكور يقدر يحول ملفات الMPG2 المتسجلة قبل كدة لأى امتداد أخر و سريع جداً
التانية ان البرنامج بيحل بس لمدة 5 دقايق مش أكتر بدون Registeration Code

طب و الحل؟
البيانات موجودة فى الملف المرفق و فيه نسخة من الخطوات حتى يتسنى للجميع الإحتفاظ بيها على الكمبيوتر حتى تراجع جميع الخطوات بالراحة Offline

حاجة أخيرة بس هى اللى فاضلة
ان الفكرة و الطريقة و التطبيق و البرنامج و بيانات تسجيله ليعمل كامل كلها حصرياً بإهداء من
Dr-Net
ولا يحق بأى شكل من الأشكال نقل الفكرة أو اقتباسها بشكل مباشر أو غير مباشر فى أى منتدى أخر عربى أو أجنبى وأياً كانت الظروف

فقط و حصرياً من Dr-Net
-----------------------------------------------------------
تم شرح الموضوع بالصور

سجل بأى إمتداد وبأى كارت دش حصريا علىstarDVB
 
التعديل الأخير بواسطة المراقب:

air_man707

كبار الشخصيات
مشكوريييييين

عزيزى DrNet بأمانه شديده ومطلقه أنت رائع جدا ومثابر وصبور للغايه لأنه طلع عينى فى الموضوع ده مع برامج أخرى ولكن لم أجرب Xilisoft Video Converter أو قد يكون جهازى تعبان جدا .
ولكن سأجرب وأخبرك بالنتائج وإذا أفلحت سيتم تثبيت موضوعك وسيتم عرضه بالشرح المصور الوافى ووضع إسمك على الموضوع لأنك فعلا تستاهل .
جارى التجربه
(ملحوظه : ممكن تستخدم الــ progDVB ولا لأ؟؟ هو كمان له مجلد خاص بالمواد المسجلة ..عموما سنقوم بالإختبار على كل الأوضاع)

تحياتى لك
thumb: thumb: thumb:
تشكرات


تم نقل الموضوع إلى برامج الكمبيوتر الهامه لمستخدمى كروت الستالايت
 
التعديل الأخير:

air_man707

كبار الشخصيات
تمام

عزيزى DrNet تمت تجربة الفكرة مع برنامج الـ progDVB وهى فعاله جدا ولكن يجب على الراغب أولا أن يكون جهازه قوى بالفعل وإختيار إمتدادات لها برامج تشغلها على جهازه وينتظر بعض الوقت بعد توقف التسجيل حتى يتم إنشاء ملف فيديو بشكل صحيح فى برنامج Xilisoft Video Converter .
تهانئى القلبية لك
thumb: thumb: thumb:
ونتمنى أن تقوم بالشرح بالتفصيل المصور كى يستفيد الجميع من تلك التجربه

تشكرات


تم تثبت الموضوع
 

romany

ستار جديد
يابني و الله معلم تسلم ايدك ايه الخلاوه دي
جربته و نفع ميه ميه رغم اني امكانيات جهازي متوسطه لكن تخويل افيديو كان بمجرد اني دوست stop للتسجيل
الف الف الف شكر يا باشا و ننتظر منك المزيد و المزيد تسلم لنا
thumb: thumb: thumb: thumb: thumb: thumb: thumb: thumb: thumb: thumb: thumb: thumb: thumb: thumb: thumb: thumb:

اخوك/romany
 

romany

ستار جديد
تستحق التثبيت مدي العمر هههههههههههههههههههههه
الموضوع علي فكره عاجبني جدا جدا و انا كنت بدور عليه من ذماااااااااااااااااااااااااااااااان
فعلا مش عارف اقوللك ايه غير اني بشكرك جدا
تقبل مني تحياتي
lol lol lol lol lol lol lol lol
thumb: thumb: thumb: thumb:
:D :D :D :D :D
;) ;)

و الله دكتور فعلا
 

GeuvarA

Love You Palestine
الف شكر اخي DrNet على هذه الفكرة الرائعة والجميلة

وبصراحة عمل متعوب عليه

وربنا ما يحرمنا منك

ونتمنى منك التواصل

تحياتي
 

almuhajr

كبار الشخصيات
ألف شكر لك أخي DrNet على الفكرة العبقرية

موضوع مميز وتستحق كل الأحترام على المجهود الكبير

مع إنني تعبت حتى نجحت في تنفيذها وتستهلك قدر كبير من مساحة الهارد ديسك

المهم هو نجاح الفكرة

تقبل فائق الأحترام والتقدير

أخوك
 

elamy

ستار جديد
كل التحية والسلام أخى الكريم DrNet
على البرنامج الرائع والهايل الذى بحثنا عنه الكثير والكثير
وفرت علينا جهد كبير جدا فى ضغط التسجيل
يا حبذا لو كان الشرح مدعم بالصور
لك منى كل تقدير واحترام
 

elamy

ستار جديد
استفسار:
أخى الكريم DrNet
هل من الممكن استخدام هذا البرنامج مع البروج مثلا
أرجو الافادة ولك جزيل الشكر
 

rajawi

ستار جديد
تستحق التثبيت مدي العمر هههههههههههههههههههههه
الموضوع علي فكره عاجبني جدا جدا و انا كنت بدور عليه من ذماااااااااااااااااااااااااااااااان
فعلا مش عارف اقوللك ايه غير اني بشكرك جدا
تقبل مني تحياتي



عزيزى DrNet تمت تجربة الفكرة مع برنامج الـ progDVB وهى فعاله جدا ولكن يجب على الراغب أولا أن يكون جهازه قوى بالفعل وإختيار إمتدادات لها برامج تشغلها على جهازه وينتظر بعض الوقت بعد توقف التسجيل حتى يتم إنشاء ملف فيديو بشكل صحيح فى برنامج Xilisoft Video Converter .
تهانئى القلبية لك

ونتمنى أن تقوم بالشرح بالتفصيل المصور كى يستفيد الجميع من تلك التجربه


ممكن الشرح على برنمج البروق مع الصور لو سمحتم
 

emadalzouk

ستار جديد
جارى التجريب والتنزيل وشكور اخى الكريم على تعبك ومججهودك فى كتابة كل هذا الشرح والله تعبتلك
 

osama410

ســــتار فعال
مشكووووووووووور يا غالي .....
تم التجريب والتنفيذ.... الاداء عالي جدا جدا ... والنتائج 100/100
والف شكر والى الامام يا أخي ... الى كل ما هو جديد..

تم التجريب على جهاز :
المعالج: 1600/ 256
رام: 256 ريم
هارد : 60 / دورة7200

اللوحة الام 850 انتل باي انتل
*****************************
يعني الطريقة ممتازة على الاجهزة المتوسطة السرعةوالعالية السرعة .......
 

elamy

ستار جديد
الأخ الكريم drnet
بعد التحية
البرنامج يعمل بكفاءة
ولكن هناك مشكلة أن الصوت لايتطابق مع الصورة
حتى التسجيلات التى سجلتها من قبل على الكارت عندما حاولت ضغطها على البرنامج ظهرت نفس المشكلة
علما بأن البرنامج قام بضغط كليبات بصورة رائعة لكن لم أكن قد سجلتها على الكارت
هل من حل لهذه المشكلة
جزاكم الله خيرا
 

aymankhiry

ستار جديد
السلام عليكم اخى العزيز لوكان هذا البرنامج كما تفول
فسوف تكون جدير بالقب دكتور نت
 
أعلى