يلا هنوا :الحكم على رئيس نادي الزمالك بالحبس 6 شهور لصالح رئيس وجماهير النادي الأهلي

[DVB Master]

الحكم على رئيس نادي الزمالك بالحبس 6 شهور لصالح رئيس وجماهير النادي الأهلي

المحامي مرتضى منصور لم يستطع الدفاع عن نفسه

شنبو في المصيدة

قررت محكمة جنح العجوزه الحكم على رئيس نادي الزمالك السيد مرتضى منصور بالحبس لمدة 6 شهور مع الشغل في القضية التي رفعها السيد حسن حمدي رئيس النادي الأهلي ضد مرتضى منصور بسبب إهانة مجلس إدارة النادي الأهلي وجماهيره عبر القنوات الفضائية بعد مباراة الفريقين في قبل نهائي بطولة دوري أبطال أفريقيا العام الماضي.

كما قررت المحكمة خروج المتهم مرتضى منصور بكفالة 1000 جنيه بعد ثبوت التهم الموجهة إلى المتهم مرتضى منصور وتأكد المحكمة بالدليل الدامغ وقوع حالة السب والقذف من المتهم المذكور ووصفه لجماهير الأهلي بالجماهير "الحقيرة" كما ثبت من أشرطة الفيديو تهجم رئيس نادي الزمالك على أعضاء مجلس إدارة النادي الأهلي والعديد من رموز النادي.

وكان مرتضى منصور قد تعدى بالقول على جماهير النادي الأهلي بالسب والقذف في العديد من الفضائيات والقنوات التلفزيونية بعد حادثة التعدي على فيلته الواقعة في شارع احمد عرابي بالمهندسين وذلك عقب هزيمة الزمالك بهدفين دون مقابل من النادي الأهلي في الدور قبل النهائي لدوري رابطة أبطال أفريقيا العام الماضي.

الحكم في قضايا السب والقذف اذا كان غيابيا فيقوم الشخص بتقديم طعن في الحكم وتتم اعادة المحاكمة من البداية مرة أخرى اما في حالة وجود المتهم او من ينوب عنه فيقوم بدفع الكفالة وتقديم استئناف في الحكم المقام عليه مع خروج المتهم الى حين الحكم في الاستئناف وهو الامر الذي حدث في قضية المحامي مرتضى منصور .. وسوف يكون لوجود شرائط فيديو تدين المتهم عامل كبير في رفض الاستئناف المقدم من مرتضى منصور بإذن الله.

=============================================

هههههه رئيس الزمالك عنده جنحة في صحيفة سوابقه , وعلى مجلس إدارة الأهلي عندما يأتيهم مرتضى منصور راكعا طالب الصفح أن يفيشوه ويبصموه من إيديه ورجليه لا ربما يختفي شيء من النادي ولا كاس يتسرق من خزينة النادي الأهلي فيبقى عندنا بصماته .

والله يازمن خليت أرباب السوابق والجنح رؤساء أندية وطالما فيها الفساد هنوصل عمرنا كأس العالم ـ أبقوا غنوا ظلموه أحسن .

 

[sayednow]

هههه رئيس النادي اخد حكم وسيتم استئنافه ماشي

رئيس ناديكم بتاع الاعلانات قريب ممكن ياخد مؤبد لو ما سابش البلد دي الديون لوحدها حكايا ربنا معاكم

مهاجم فريقكم البلطجي اللي ضرب امين الشرطة عارفينه ولا ايه ممكن يبقي زميل تامر حسني مش تامر عبد الحميد

ها كفايا القضايا دي يا مؤمن ولا تحب اقول لمرتضي منصور يرفع عليك قضيه

 

[r.a.m1]

ملعوبه ............................... لا تعليق

 

[romany]

عموما عدم و صولنا لكاس العالم مش سببه مرتضي ياباشا احنا من قرن موصلناش غير مرتين منهم مره كنان بنصفي مع نفسنا:d :d :d :d :d
انا مش بدافع عن مرتضي طبعا لان اللي عمله يستحق عليه الحقاب و ليست الشماته في النادي
ده شخص مختل و انا كزمالكاوي شايف انه مودي النادي في داهيه
لكن لو تكلمنا علي كره القدم المصريه و ايه اسباب عدم و صولها العالميه هنلاقي 80% من نادي القيم النادي الاهلي
و احتقاره للاعيبه و عمل عسيل المخ ليها
انا مش عارف لاعيبه كتير تفضل البقاء في النادي بدون لعب ثم الاعتزال و هم في مجدهم و عندنا طبعا مثال قريب
و لاعيبه اخري يجيلها الاحتراف و طبعا كلنا عارفين اهميه الاحتراف و النادي يرفض
عموما هنسيب الناس تحكم حبيبي

 

[maximos]

بسم الله الرحمن الرحيم

يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْراً مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْراً مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ [الحجرات : 11]


هاه!!!!! وصلت وللا لسه؟

اتمني ان نقول جميعا سمعنا و اطعنا يا رب
بلاش الروح دي يا اخوتي الكبااااااااااااااااااااار

 

[sayednow]

جزاك الله خير يا اخي

بس نعمل ايه مع الاهلوية واخدين الدوري ومش عاجبهم كمان

 

[maximos]

لا اله الا الله!!!!!!!!!!
يا اخواااااااااااااان! ايييييه احنا بندن في مالطه؟

 

[romany]

بعد اذن السيد ماكسيموس ؟؟
يا حبيبي احنا بنهرج يعني بنعمل جو مرح الموضوع كله هزار ياباشا اعضاء المنتدي هنا اكتر من خوات


بس بردوا يا sayednow ما عندكش حق ازاي تقول الكلام الجارح ده لالالالالالا انا فعلا زعلان
تجيب سيره الاهلي بسؤ يا نهار الوان
ده الاهلي يا باشا فاهم و لا اجيب لك الحكام بتوع الدوري يفهموك؟؟؟؟؟؟

 

[sayednow]

لأ هات لي واحد ليمون مثلج في الحر ده
:ra: :ra: :ra:

 

[المارد الابيض]

ههههههههههههههههههههههههههههههههههههههههههههههه

مالكوايا جماعة هدوا الانفس
بس تعالوا قبلوني اذا مرتضي انحبس والاهلي فتح على نفسه النار

 

[DVB Master]

إخوانا الزملكاوية أهلا بيكم ومبروك عليكم مرتضى قليل الأدب صاحب السوابق وأظن أخي الحبيب maximos التسجيلات كلها تثبت معدن هذا الإنسان الـ... ولا بلاش.

شوف يابو السيد إحنا الأهلوية مش بنعبد مرتضى ولا حسن ولا هباب إحنا بنعبد الله عز وجل ده أولا وبالتالي كله يستوي حسن حمدي ولا مرتضى كله في البطيخ لكن..... أنت ترى حسن حمدي كسب القضية وهذا يدل على أن مرتضى زعرور لم يكن لديه ادلة على كلامه وبالتالي لم يكن كلام مرتضى زرزور سوى ردة فعل على الكسفة اللي كسفهاله الأهلي لما خسف بفريقه الأرض مع الإعتذار على اللفظ لكن هذه الحقيقة وكمان الهليلة إياها اللي طلعت كلام فاضي وهي حصول الأهلي على ملايين من الرعاية والإعلانات في حين تحصل الزمالك على ملاليم و الناصح نسي إن الموضوع ده كله تم بمناقصة عامة علنية السعر فيها يعكس مكانة الأهلي وشعبيته وكلنا نعرف بالمنطق عندما سنقوم بإعلان سنختار اى فريق لنعلن أثناء مبارياته أو نرعاه !!!! واللي مش عاجبه مايدفعش أظن وصلت .

وحتى الأن أذكرك أن حسن حمدي مازال يسير على رجليه يمارس مسئولياته الكاملة شوف بقى مين اللي فطيس مرتضى ولا حسن.

أما متعب والتجاوز اللي حدث منه فمتعب أولا وأخير لاعب صغير السن في الأهلي وليس قيادي مسئول وتصرفاته رأيناها كثيرا بل مع العديد من نجوم العالم ثم أن الولد ليس بطبيعته مشاغب بدليل عدم تكرار أى تجاوزات مرة أخرى مش زبالة الأهلي اللي بتأووها والمسماه إبراهيم سعيد .

والبلطجة لها عنوان واحد بس نادي الزمالك للألعاب الرياضاية بميت عقبة ....

بالنسبة للعزيز روماني أذكرك رغم أني متفق معك جزئيا في رأيك أن كل إنجازات مصر تحققت بفضل الأهلي وفقط بلاعبي الأهلي عندما يصبح قويا لكن العيب ليس في الأهلي تحديدا بل في المناخ والنظام الكروي الأعرج.

بس همسة في أذنك ياروماني بلاش تردد كلام المفلسين والضعفانين بإن الحكام لهم دور في إنجازات الأهلي لأننا نتحدث عن 31 دوري مش مباراة ولا إتنين وتحدينا أكثر من مرة والكل بيهرب عندما نقول إثبتولنا كلامكم الفشنك.

هذا رأيي الشخصي وحق الرد مكفول ! :ra:

وعذرا للإطالة

 

[DVB Master]

إضحك مع الزمالك ومرتضى :

مرتضى منصور : عيب الزمالك أن نصف أعضائه من الأهلوية (العربي 97) عندما علق على ثقة الجمعية العمومية في الدكتور كمال درويش اللي كنسه أكثر من مرة من النادي!.

التاريخ : مرتضى منصور لم يكن في حياته عضوا في الزمالك أو يعرفه أو يمت له بصلة سوع عام 1992 وعندما إشترك في ناديا كان الأهلي ! مما يدل على أنه اساسا لم يكن زملكاويا بل هو أهلوي مرتد عندما فشل في تحقيق أطماعه وبث أمراضه في الأهلي تحول إلى الزمالك.

إلى اللقاءفي حلقة قادمة من :

إضحك مع الزمالك ومرتضى

للإعلان رجاء مخاطبة الموقع

:ra:

 

[momomo]

الظاهر ياجماعه جيت متاخر ، بس حبيت اهنى مرتضى منصور على الحكم وعقبال مليون سنه مش سته اشهر ، اعتقد ان سبب انهيار نادى الزمالك هو ذلك الرجل حتى وان كنت اعترف له بنظافه اليد الا انه فعلا كلمنجى اوى قول بدون فعل يكفى انه فى خلال فتره رئاسته اتغلبنا من الاهلى حوالى 5 مرات والفتره الى تم استبعاده اتعدلنا وكدنا ان نحقق الفوز ، انا مش عارف الزملكاويا بيحبوا الراجل ده على ايه معندنا فى نادى الزمالك رموز واعلام اكثر منه حنكه ومهاره وخوفا على النادى ، يكفى هذا الذى يدعى ممدوح عباس رجل يعمل يحب الزمالك بجد ويعطى بلا مقابل ... مش عارف بجد نفسى ربنا يخده ونستريح بقى

اما حكايه حسن حمدى فانا مش هتكلم منعا لاثاره الاخوه الاهلويه وفى اعتقادى ان كل واحد يتكلم عن نفسه احسن وبلاش نتكلم على بعض فتاريخه معروف جدا للجميع ولا داعى لان نحكى مره اخرى
دمتم سالمين

 

[sayednow]

إضحك مع الزمالك ومرتضى :

مرتضى منصور : عيب الزمالك أن نصف أعضائه من الأهلوية (العربي 97) عندما علق على ثقة الجمعية العمومية في الدكتور كمال درويش اللي كنسه أكثر من مرة من النادي!.

التاريخ : مرتضى منصور لم يكن في حياته عضوا في الزمالك أو يعرفه أو يمت له بصلة سوع عام 1992 وعندما إشترك في ناديا كان الأهلي ! مما يدل على أنه اساسا لم يكن زملكاويا بل هو أهلوي مرتد عندما فشل في تحقيق أطماعه وبث أمراضه في الأهلي تحول إلى الزمالك.

إلى اللقاءفي حلقة قادمة من :

إضحك مع الزمالك ومرتضى

للإعلان رجاء مخاطبة الموقع

:ra:

علي فكرة يا مؤمن من الوجاهة الاجتماعية انك تكون عضو في كل الاندية عشان شغلك اوك اما نجاح مرتضي منصور في الوصول الي رئاسة النادي دا نجاح جيد وكمان هو المحامي الاول في مصر وكمان هو اللي شتم جمهور الاهلي واحد واحد ورموز الاهلي واحد واحد ومحدش في البلد كلها قدر يرد عليه قال ايه شطبوا عضويته طيب امال الريس اتصل به كذا مرة ليه حد عارف حاجة طيب كان عايزه معاه في الحزب ليه رجال السياسة عارفين بواطن الامور واصبر علي جار السوء يا يغور يا تيجي مصيبة تاخده يعني حسن حمدي بخ بس لو مرتضي حطه في دماغه مش هيخليه ينام وان غداً لناظره قريب وحال الكرة مش هيدوم خصوصا ان معظم نجوم الاهلي عايزين يحترفوا و والله العظيم لو ابوتريكة مشي الاهلي يختار له مركز غير الاول خالص والاول هيكون محجوز للزمالك من البداية للنهاية وخصوصا ان ابو تريكة واللي محدش واخد باله منه من الاهلوية مستني ماتش اسبانيا يوم الجمعة القادم 3/6/2006 عشان يشوف اخر اخبار العقود ايه وكمان عشان يقرر وشوف هيعمل في نفسه ايه في الماتش .

ها يا مؤمن تشرب شاي :ra: :ra: :ra: :ra: :ra:

وتحياتي يا مؤمن 100100 اشوفك بكرة حبيبي

 

[r.a.m1]

قفلوا الموضوع لانه ماله داعي كبرتوها كثير نحن العرب كدا مش فالحين غير نمسك على بعض وفي الأخير أختيار أي فاشل أحسن من فاشل سبحان الله في خلقه

 

[Dont*PlayWith*Me]

اقسم بالله لو مرتضى منصور ساب الزمالك هيكون عامل تاريخى منة وهيرجع الزمالك الى مستواة الحقيقى

 

[sayednow]

ايه يا ممدوح انت بتحب الزمالك ولا ايه ولا خايف من مرتضي منصور ايهما وضح يا عسل ؟
عندك ثلاث وسائل مساعدة تكلم مؤمن او تكلم مرتجي او تكلم نفسك
ولا تنسحب وتاخد بالك من نفسك

 

[romany]

ههههههه يا جماعه انا قولت قبل كده ان المنتدي ده معظمه زمالكاويه و مش هتقدروا تسدوا هههههه
و اعتقد ده السبب في ان منتدي ستار متميز
الله ينور عليك يا ابو السيد يا نجم اه الكلام الجامد ده كلنا وراك
lol lol lol lol

 

[sayednow]

اهلا بيك ياروماني منور حبيبي لما نشوف مؤمن الاول يشرب ايه هو والضيوف حبايبنا

 

[romany]

الاهلي تقولون عنه فريق الارقام القياسيه كيف وهو الاعور الوحيد وسط عميان
هل فيه دوري في العالم اول المجموعه الفارق بينه وبين القاع الذي لم يهبط الفريق الحادي عشر 45نقطه اين هذا التكافء
الاهلي صاحب الارقام القياسيه في التعاقد ودفع ملايين لاحصر لها في مقابل ان يكتب عليه فريق السوبر
انما تعالو نشاهده امام فريق قوي او من غير اتنين او تلت لاعيبه تجده قطه ليس لها انياب
الاهلي اتحسب له هذا العام 21ضربة جزاء
الاهلي الاوحد بسبب قتله لكل الفرق وسرقة افضل لاعبيه
لما الاهلي هو فارس عصره لاماذا لايعتمد علي ابنائه
حسن مايسرق الناس
احتراف دي اكذوبه
مفيش لاعب جديد كل لاعيبي مصر بتبدل الفرق كل موسم والاهلي طبعا يااخد الافضل يستنفذه ويرميه للعميان اللي تحت
الاهلي لو فعلا فريق السوبر كان خد الدوري بدراعه مش بدراع الناس التانيه