هل هذه القصة حقيقية ام لا ؟!

[randomind]

رجل وزوجته ذهبا الى السينما..كما يبدو ان الفيلم كان مملا فغط الرجل في نوم عميق..حلم الرجل انه ما زال يشاهد الفيلم الذي كان به مشهد لشخص مكبل بالسلاسل يهجم عليه المجرم ويقطع رأسه بالسيف..عندما مس السيف رقبة الضحية..بالضبط في هذه اللحظة.. قامت الزوجة التي تجلس جانبه بصالة السينما بوضع يدها على رقبته وهو نائم..فمات الرجل على الفور..

هل من الممكن ان تتحقق هذه القصة ؟!

تحياتي ​

 

[air_man707]

الله أعلم

أعتقد إنها ممكن أن تكون حقيقية ..
هذا إذا قد كان فعلاً فى عقله الباطن قد أطلق كيانه كله تجاه ذلك الحلم المرعب ولحظة أن تضع زوجته يدها على رقبته فإنه ينتقل لحظياً من وضع الحلم إلى وضع الحقيقه ولازلت صورة المجرم فى رأسه فيتوقف قلبه إما من الرعب أو لأحساسه بإنه قد طارت رأسه فعلاً وتحدث لحظتها سكته دماغيه وطبعاً الأعمار بيد الله .
عفانا الله وعافاكم جميعاً

 

[DrNet]

القصة دى ممكن تكون واقعية.......ممكن
بس نظريا

بمعنى
ان الانسان مثلا لو حلم انه وقع من فوق جبل فإنه من حكمة ربنا بيصحو من النوم فورا
كذلك لوحلم ان طلع له عفريت مثلا فى الحلم بيصحو فى نفس اللحظة اللى بيشوف فيها العفريت مفزوع
وده ليه.....؟
لأن العقل الباطن اثناء الحلم بيبقى هو المتحكم الاساسى فى سلوك الانسان وردة فعله
فلو مثلا انت اتخبطت على راسك فى الحلم يا هتصحى قبل ما الخبطة تيجى فى راسك يا اما لو ماصحيتش هتصحو مصدع
وده ردة فعل فى علماء بيفسروها تفسيرات نفسية ومنهم من بيفسرها تفسيرات كتييييييرة قوى انا مش فاهم معظمها ومش مقتنع ببعضها
يعنى.......؟
زى مثلا لو واحد مش مذاكر خالص وعنده امتحان صعب قوى ...... ايه اللى ممكن يحصل؟؟؟؟؟؟؟
ممكن ايديه او رجليه يتشلوا ولو امتحان شفوى ممكن يتخرس يعنى يبقى اخرس ....... وبجد مش تمثيل
ليه .......؟ هو كدة هيبقى لقى العذر المناسب انه مايروحش الامتحان و انه مايردش على الممتحن وف نفس الوقت هيكسب تعاطف اهله بدل ماكانوا هيطردوه لو ماحلش فى الامتحان (الشر برة وبعيد يعنى)
يعنى حصل تأثير جسدى كرد فعل للعقل الباطن و رغباته

بالمثل اثناء النوم
بيصبح العقل الباطن هو المايسترو فى غياب العقل اثناء النوم
الانسان فى الحلم بيمشيه عقله الباطن ولو اتخبط على راسه بيحس العقل الباطن ان ردة الفعل الطبيعية هى الصداع فبيصحو الانسان من النوم مصدع (ردة فعل جسدية للعقل الباطن)
كذلك فالانسان ممكن يموت مثلا !!!!!!!!!!! لو حلم انه وقع من فوق جبل فى الحلم (طبعا علشان حاجة بنسميها فى الطب Shock بمعنى ان الانسان اللى بيقع من فوق الجبل فى الواقع ممكن يموت قبل مايوصل الأرض اساسا من ال Shock او تجاوزا من الخضة
وده حسب حالة قلب الانسان و أعصابه (يعنى ممكن وممكن)
بس زى ماقلت نظريا
ليه بقى؟؟؟؟؟؟
علشان فعليا او فى الواقع الانسان بيصحو من النوم فور حدوث حاجة زى كدة وده طبعا من حكمة ربنا وكرمه علينا والا فكان كل يوم كل واحد يصحو مصدع ومدغدغ وحالته حال
الحمد لله
وحكاية الايد اللى على رقبته دى ليها تفسير تانى خالص ومش هتبقى هى السبب فى موته وانما هى كانت السبب فى الحلم ده
مثلا انت ممكن تحلم ان التليفون بيرن وانت مش بترد عليه لأن فيه تليفون بيرن جنبك وممكن تحلم انك فى فرح لأن فى راديو شغال جنبك أغانى كذلك لو انت مثلا نايم على طرف السرير ووقعت ممكن تحلم انك بتقع من الشباك وهتصحو برضه .كذلك وضع الايد على الرقبة ممكن تحلم معاها ان حد بيخنقك (بس مش قوى كدة يعنى)

النوم ده لغز كبير لسة محير كل العلماء وملكوت تانى أكبر بكتير من ان حد يفسره او يترجمه ببساطة كدة

اتمنى انك تكون فهمت قصدى واكون وصلت لك معلومة

ورمضان كريم
ويجعله عامر
Dr-Net

 

[randomind]

يعني الصراحة.. ما توقعت ردود متعمقة الى هذه الدرجة.. وخاصة الرد السابق.. عجبني كثير

لكن..

تذكروا اني وضعت القصة في قسم تسالي والغاز .. وقد قصدت ذلك طبعًا .. لقد رويت عليكم قصة معينة اعلاه
ركزوا جيدًا واخبروني هل من الممكن ان تتحقق ؟؟

وانا بالانتظار..​

 

[Mak]

مين اللي مات ياعم

 

[totoman01]

ادا كان الشخص ميت فكيف وصلتنا تفاصيل حلمه

 

[FOXTROT]

ممكن توضح أكثر والف شكر

 

[randomind]

ادا كان الشخص ميت فكيف وصلتنا تفاصيل حلمه

thumb:

هذا هو الجواب يا جماعة الخير .. صحيح بان القصة تبدو منطقية..( انه الانسان النائم قد اختلط عليه الامر وكذا)
ولكن تكمن الخدعة في معرفة تفاصيل سبب الوفاة.. هناك تناقض منطقي.. لو مات الرجل فعلا لما عرفنا اصلا تفاصيل حلمه اصلا !!
ولو مات فعلا لما ادركنا ان حلمه هذا كان سبب وفاته ابدًا..

اليس كذلك ؟؟


تحياتي لمن شارك..​

 

[forzajuve]

oui ta raison