كيف بعرف اذا الدش موجه للقمر الصحيح ؟

[GOLDEN_#1®]

الله حيو الشباب
و تحية للجميع ( فردا فردا ) على هالموقع الاخو اخته


و احلى معلم StarDVB يلي دائما عم عزبه معي باسئلتي السئيلة






انا حبرتي 0 بالدشات ,, ومابعرف غير انو في قمرين ( عرب سات و نيل سات )

لذلك ,, عم اقراء باحد المشاركات انو ( ثم انتقل للقمر - يوتلسات - و قم ب ... الخ )


المهم , اذا انا عندي دش متحرك , كيف بدي اعرف وين القمر UtelSAT موجود , او وين الـ NileSAT ؟؟
كيف بحسن قله يتجه لل 55 درجة مثلا ؟؟

شكرا

 

[AMIL ABDELILLAH]

هل لديك محرك للدش ا اخي ؟

 

[GOLDEN_#1®]

لا والله ,, عندي دش ثابت بس بدي اعمله متحرك ,, ومالي عرفان بعدين كيف ممكن وجه الدش للقمر الصحيح

 

[sameer6]

قمر يلوستات دبلو 3
يقع بين الهوت بيرد والنايل سات

 

[StarDVB]

ما بيفهم عليك احد غيري غولدن باشا

شوف اخوي - اول الشي روح جيب معلم الدش - لأن بكل الاحوال بدك تستعين فيه لحتى يعيرلك القوس عالمضبوط

تاني شي قوله القمر على 7 درجات وعليه محطات تركية - وقوله اسمه W3 بيطلع قبل الهوتبيرد بنتفه - وهوه بيحطلك اياه لا تاكل هم

بالمرة قولو : معلم جاي وجاي ركبلنا شو بيطلع معك اقمار وثبتهون بماعيتك ههههههههههههه عمبمزح بس عنجد هادا احسن الشي - لأن بكل الاحوال لما تركب الموتور رح تستعين بمعلم الدشات - فخليه يثبتلك اياه عالتمام

وازا انت حابب تطالعه - شغل ريسيفرك العادي بالبيت : وحط التتردد 11262 H وحرك الدش يدوي على مهل وانت طالع من النايلسات باتجاه الهوتبيرد - وقبل ما تصل بشوي بتلاقي تلة بتهدي عليها - رح تعطيك اشارة حتى عالريسيفر لأن هادا التردد عليه كمان محطه اعلانية للاوين سكاي

بس لا تنسى - eutelsat w3 لأن في 2 وفي 1 وفي 6 - دير بالك - المطلوب الاساسي هو 3 - ولو بيطالعلك البقية كمان مافي مشكلة بيكون احسن

بالتوفيق حبيب

 

[GOLDEN_#1®]

حلو حلو


يعني انا قله وجه الدش بحيث شوف القمر يوتلسات 3 و يكون معه العرب سات و النيل سات ,, و اذا بيطلع بالمعية غيرن بيكون منيح
بس المهم هدول التلاتة مهيك سيدي !!



اي ههه هلئ فهمت


انا لا بعرف وين الهوت بيرد و لا الكولد بيرد,,, اانا بعرف انو كيلو البرتقال الابو صرة شيت العصير ب40 ورقة ,, غير هياك مبفهم
:d

عراسي ابو الرييم

 

[AMIL ABDELILLAH]

اذا في هذه الحالة اخي يستوجب تدخل خبير في الدش ونرجو لك الحصول على ماتريد والموقع في خدمة الجميع٠٠

 

[StarDVB]

ههههههههههه والله زمان يا برتقال ابو صرة

خيو منشان الاقمار - الهوتبيرد يعني الاوربي - اكيد سمعان بالاوربي لا تقولي لأ ها - بزعل منك بعدين

بعدين انت بدك تحدد شو بدك من اقمار - ما رح تلقطهون كلون مع بعض بدش ثابت ! الا لو استعملت دايزك ولازمك صحن كبير على هالحالة - وبيبني وبينك رح تحط مصروف ماكن - يعني سوي حسابك لكل قمرة ابرة ( لاقط ) وشريط من الدش للكرت - فلو ركبت موتور - هيك بيسير تحرك عالرقم - كل رقم بتكبسو بجهاز التحكم بيعطيك قمر وهيك ... - بنصحك بالموتور احسن واسهل وبلا تعقيدات - وقولو بدي اياه قمري - رح يعطيك ورقة بعد ما يخلص - بتلاقي فيها كل قمر ورقمو - انت حط رقم القمر بيلف معك الدش عالقمر اللي بتريدو وبيوقف عليه وبتحسن تشتغل فورا - احسن من لبكة الدايزك والاوتوماتيك وهالشغلات - وفينك تحط عدد كبير من الاقمار وكمان بتقدر تضيف عليهون بالمستقبل لو حبيت غير اقمار .. يعني امورك احسن من الثابت والديزك بتصير - - والجهاز الصغير ( ابو ال 200 ورقة ) اللي رح ينحط مع الموتور ( لاقط الاشارة ) فينك كمان تحطو بالصالون لو كنت عمبتستعمل نفس دش البيت - وتستعملو كمان للدش من LnbOut يعني - لو ما بتستعملو الدش بالبيت كتير - لو تقدر تاخد راحتك من دون ما تضايق اهل البيت : هيك بتوفر دش جديد - طريقة التوصيل ومعلومات عن lnbout وهالامور بتلاقيها بالفضائيات العامة في موضوع بالمواضيع المهمة تبع القسم بهالخصوص - ولو ما لاقيته او اي معلومات تانية ترانا بالخدمة

بالتوفيق ان شاء الله

 

[AMIL ABDELILLAH]

استاذنا ستار دمك خفيف وكلامك حلو٠٠بارك الله فيك

 

[GOLDEN_#1®]

الله يخليلنا ياك معلم



Laaaaaaaaaaaaarge انت Laaaaaaarge



و صدرك Large كمان لانو عم تستحملنا


وصلت المعلومات سيدي .. كتير خيرك و خير الشباب

 

[FOXTROT]

شكرا على المعلومات اللي أستفدت منها كثير