كيف أنظم الى عالم النت الفضائي؟

[الشرس]

السـ عليكم ورحمة الله ــلام
اما بعد ...
كيف حالكم جميعاً انشالله بخير ...
كما تعلمون مشاكل الدي اس ال وشركة الاتصالات السعودية ...
فنريد ان نتحرر من هذه الخدمة الرديئة ولكن بتقنيات افضل ...
انا لدي كرت SkyStar 2 واريد ان استخدم النت الفضائي الثنائي الاتجاة ...
علماً بأني من سكان المنطقة الشرقية بالمملكة العربية السعودية ...
فما هي الشركة التي تنصحوني بها ؟؟؟
اريد سرعة محترمة ودون لود مفتوح وقمر ممكن ان التقط اشارته من المنكقة الشرقية ...
وهل توفر هذه الشركة خدمة التجربة >> بعني اقدر استخدم اشترك تجريبي قبل ان اشترك ؟؟؟
وما هي البرامح اليتي يجب ان توجد في الكمبيوتر لكي اتمكن من استخدم النت بشكل صحيح ...
وهل هناك اعدادات متخصصة لذلك؟؟

آسف على الاطالة واتمنى ان تفيدوني فيما تسائلت عنه ...
مع خالص شكري وامتناني لهذا المنتدى الرائع واعضائه العاملين ...


والســ مسك الختام ــلام​

 

[مرسال]

انا وصلت متاخر لسبب انشغالي مع بداية الصيفية

لاكن ياخي الشرس حسب اطلاعي على ردودك في هذا القسم اتضح لي انك تعرفت على الانترنت الفضائي بل انك استاذ ماشا الله عليك

لاكن اللي اقدر اقوله انه لايوجد للاسف في السعودية انترنت تو ويه الا من اوربت والامتصاصات وكلهم غالين
واوربت ارحم شوي من االامتصاصات ارخص اشتراك عندهم سعرة 520 ريال شهري


ولاكن اوصيك اشترك في احد شركات الون ويه واشترك في باقات موبايلي وانا اشوف باقة موبايلي ون قيقا رخيص وجيد الا اذا كانك تستخدم الشات بكثرة فزودة الى خمسة قيقا
وانشاالله تدعي لي


لك من اجمل تحية استاذي الشرس

 

[الشرس]

تسلم اخوي مرسال ..
انا لا استاذ ولا شئ ..
انا رجال على قد حالي متخرج من الكلية الصحية وجالس على امل ان يجيني الدور في التوظيف ...
وربعي الي لاهي بدراسته واشغاله وانا ما عندي غير هالنت ...
وانا الصراحة استفدت من هالمنتدى كثير كثير ..
فقلت لازم افيدهم ...
وانا مجرب الون وي بس التو وبي عيبه انه غالي ويحتاج مواصفات خاصة مو مثل الون وي ...
اما على طاري اوربت فخبرك عتيج ..
وصل الاستراك الشهري للانتر نت تو وي الى 600 ريال ...
والان غلت الاسعار ...
يعيني الباقة الازم الاشتراك فيها علشان تحصل على اشتراك في النت زادو سعرها ..
فسعر الباقة من قنواتها واشتراك النت سابقاً صار بس حق القنوات ومو شامل للنت ..
والله ياخوي هالشركات نهب ...
واذا سويت اشتراك ون وي واستخدمت مبايللي او الانفصالات ...
فما تضمنهم يقطعون عليك الاشتراك وانت ما تدري ام متخلف او حد أأتماني او ان مافيه كردت ...
اما اشتراك التو وي فمثل ما قلت غالي ولا شان فكنه من هالمعاناه ..
وتسلم اخوي على هالرد .. صج متأخر لكن فعال ..

 

[NO-1]

أخي العزيز نصيحتي
النت الفضائي ذو تكلفه عاليه
وان وجدت الشركه راح يحددو لك الدون لود
من الأفضل اذا كنت من سكان السعوديه
الإنتظار باستخدام adsl
هو افضل الشرور
الى ان يأتي الفرج من عند الله

 

[مرسال]

الشرس الله يوفقك دنيا واخرة وتستاهل كل خير انت واي شاب يخدم وطنة وشعبة

اما عن موبايلي فكثير اعرفهم شاغلين عليها تقدر تقول جيدة لاباس فيها بس بعد ماشافوا الاقبال عليهم وقفوا اشتراك ون قيقا وخمسة قيقا وارغموا المشترك على الاشتراك في خدمة الباقة المفتوحة وشراء الكرت من عندهم بقيمة 1000 ريال رحت لشركة وجلسة مع موضف وقال تريدني اصراحك قلت ايوالله مافيه احسن من الصراحة قال الشركة شافت الاقبال عليها والان سوف نطور السرعة الى 3.8 قيقا والكروت اللي عندنا قديمة حقت 1.8 قيقا فاكيد ا لناس رايحين يشترون الكروت الجديدة ويتركون القديمة فقررت الشركة اجبار اي مشترك جديد يريد الاشتراك ان يشتري الكرت ( شوفوا الاستغلال )
قلت في نفسي كنا نصيح من الانفصالات واثر سعيد اخو سعيد ماكو فرق بين الاثنين يعني بالعربي اهم شي الربح المادي وهذا شي معروف في شركة تجارية اكيد تبي الارباح

على العموم انا شغال على الجوال نت ارسال والاسبقبال على اوبن سكاي ولاباس فية تقدر تقول تكلفة الساعة من ريالين ونصف الى ثلاثة ريال يعني نفس تكلفة الدايل اب
بس عيبة ماتقدر تدخل الشات او البالتوك اوالماسنجر لان كميات الارسال تكون كبيرة وكذا رايح صرف صرفية شقة مفروشة لحالها


لك مني اجمل تحية

 

[مرسال]

no-1

المشكلة الدي اس ال مايصل الى جميع الاماكن اما بسب البعد او عدم تحمل المقاومه اومناطق نائية فينجبر المستخدم على الفضائي
لاكن الان الون ويه رخيص بس المشكلة في الخط اللي يرسل اما جوال او دايل يعني من جرف لدحديرة

 

[الشرس]

تسلم اخوي مرسال على هالرد الرائع والمععلومه المفيده ...
احنا فرحنا بموبايلي بس بيني وبينك الحال من بعضه ...
الشركة اذا شافت الاقبال واذا رادت السعر ما في شي يتغير فليش تسوي العروض وهو ماشي ؟؟
انا والحمدلله حالياً استخدم اشتراك الوالد " أرامكو" ...
بس ارامكو ماراح تدوم ..
ونا حسبتها لو باخذ اشتراك في الاوبن سكاي واتراك دي اس ال من الانفصالات 64 حق ارسال بس ..
يطلع تكلفت النت في الشهر مع رسوم الهاتف والاشتراك المحلي والفضائي من 300 -350 ريال في الشهر ...
وصحيح ما راح اتحرر من الانفصالت بس مثل ما قلت اهون الشرور ..
ولكن احنا في منطقتنا ما يمر اسبوع إلا النت مقطوع مرة او مرتين على الاقل ...
واذكر قبل كم يوم انقطع لمدة 3 ايام ممتاليه ...
نتصل على مزود الخدمة يقول كلشي اوكي ...
نتصل على الانفصالات يقول شنو نوع المودم شنوع الاشتراك .. اشبك الخط دايركت من الكبينه .. شل المصفي .. كلام مأخوذ خيره .. بس مانقول غير الله كريم ...
وغير احنا منطقتنا شبكة الدي اس ال ما تقطي الضغط عليها >> يعني الخطوط ماتجيب راس للمشتركين ..
بس يلا مالنا إلا الصبر ...
ومشكور اخوي مرسال ويعطيك الف عافية ..