دورة مدفوعة جديدة لغروب netoffline على التردد 10770

[mhmd-f]

أعلن غروب netoffline عن دورة جديدة على التردد 10770
بعد الفشل المتكرر للدورات على التردد 10720
وستكون الدورة مدفوعة بماك واحد فقط
والاشتراك بحساب لمدة شهر بأحد المواقع التالية
hotfile
fileserve
filesonic
وقد تم الاشتراك بالدورة بأعلى سرعة على حسب الموقع

DVB-S
مسیر دانلود :
Eutelsat W3A
Frequency : 10770
Symbol Rate : ​

15731​

Polarization : H
Pid : 100​

 

[FBI]

كبير اخي محمد ... جهد واضح تشكر عليه
ان شاء الله نلاقي حل
تحياتي​

 

[ahmedyu]

مشكور أخي محم على الخبر و فعلاً هالدورة بظن تكون حضارية لأن النت أحسن على التردد هدا ..و على فكرة يدي قول كل سنة و كل الأعضاء بخير و انشالله تكون السنة حلوة على الكل إلا بعض جماعة هههه عم امزح انشالله السنة تكون حلوة على كل الشباب ...انشالله ما حدا يلاحظ انو اتأخرت 17 يوم لحتى باركلكم بسالمنتدى كان عم يعمل صيانة و بصراحة داق خلقي من الرسالة تبع الصيانة.....أخي محمد لاحظت كيف الأسعار تبع الحسابات غليت؟؟كان لازم نعمل مونة....

 

[lopez_7]

انا اقدر اشتري حساب في hotfile لمدة شهر لكن ما هي طريقة التفهام مع موقع القروب الايراني

 

[mhmd-f]

أهلين اخي أحمد وين هالغيبة يا رجل
قاطعنا من زمان شو قصتك
والله مبارح كنت عم احكي لواحد عم يسألني انو ما بدك تشترك فقلت له الحسابات غليت كتير ويمكن ما اشترك مع انه هلأ صار الواحد لازم يشترك بعد ترك الأوبن سكاي ومشاكلها .
أخي lopez منشان التفاهم مع المدير هي شغلة سهلة ,بس لتشتري الحساب بترسل الفوتشر الى مدير عندهم اسمه netoffline برسالة خاصة وهي هي كل القصة

 

[The_SMB]

الف شكر اخي محمد جهد واضح ومتابعة ممتازة
حتما ستكون دورة رائعة يعني 18 ماك بأعلى سرعة التكلفة ستكون 18*2900 دولار مبلغ خيالي
منور اخوي أحمد مشتاقين والله
كل عام وانت بألف خير وربي يحقق كل ام****
تجياتي

 

[ahmedyu]

والله يا أخي محمد في عندي شغل و امتحانات و عم اتقاتل مقاتلة مع الوقت يعني اليوم خف علي شوي الضغط و تحميل صرلي من شي 20 سنة ما عم حمل و ما رح حمل قريباً لأن بدو شوية فضاوة ..بس الجانب المنيح من القصة انو شغلي هلأ بمحل نت يعني فيني دبر الشغلات يلي محتاجها xD
و بالنسبة لحكي الأخ علي كلامك كتير صحيح يعني هالدورة فعلاً مكسب و سيدي بلا 550 ليرة هههه ..بس المشكلة انو هي الدورة اجت بوقت مو كتير منيح لأن هالفترة كتير ناشفة و ألعاب جديدة متل الخلق...بس بتضل فرصة للتجريب
تحياتي

 

[mr_algaber]

الله يلعن ابو الدولار كان الاشتراك ب 450 ليرة

 

[The_SMB]

حياك الله اخي احمد
ربي يوفقك ويرزقك الوقت والتوفيق والنجاح والموفقية
تحياتي

 

[mhmd-f]

العفو أخي علي
انت قلت ب 18 ماك وانا قلت أول الموضوع ب 12 ماك معناها لتبلش الدورة بصيروا على هالحالة شي 50 ماك هههههههه
أنا طلعت مخربطت بالترجمة تبع اعلان الدورة الجديدة ,والدورة لح تكون بماك واحد بس سرعته 6-12 ميغا
وانا لما شفت انو 12 مكا (هيك مكتوب) فكرتها 12 ماك فطلعت 12 ميغا
لهيك أرجو التصحيح لكي لا يقع أحد بالالتباس
على كل حال 12 ماك أو ماك واحد المهم حجم التحميل بالدورة بكون بحدود 500 غيغا لمدة شهر تقريبا أو أقل شوي
وأخي أحمد الحساب اليوم مو 550 ليرة أنا اشتريته من شهر للهوتفايل ب675 ليرة واليوم عملت نظرة على الاسعار ولساتها متل ما هي ما تغيرت يعني 675 ليرة
بقى لحق حالك واشتري من هلأ لانو الدولار اليوم كتير غالي
سلامات

 

[mr_algaber]

حبيبي ابو حميد يسلمو كتير للرد بس انا كنت اشتري الحساب 450 ليرة قبل الازمة مو 550
و ع كل حال ان شاء الله رح اشتري واحد و ابعتلك ياه مشان تشتركلي

 

[sattorrent]

السلام عليكم

الدورة غير مجانية وبماك واحد وعلى تردد الجروب الروسي

لا اعلم ولكن اتوقع ان تكون فاشلة لان كل جروب ينقل الى dsl بيفشل

وياريت حده يخبرنا متى تبدا الدورة لنشوف شو رح يصير معهم​

 

[ahly2010]

السلام عليكم

الدورة غير مجانية وبماك واحد وعلى تردد الجروب الروسي

لا اعلم ولكن اتوقع ان تكون فاشلة لان كل جروب ينقل الى dsl بيفشل

وياريت حده يخبرنا متى تبدا الدورة لنشوف شو رح يصير معهم​

يبدو ان مدير الجروب سمع كلامك وغير رائيه وستعود الدوره للتردد الايرانى والسبب فى وجهه نظرهم هو الديزك فى التردد الروسى لانه لو بقى واحد فقط سينقطع التحميل لانه يستخدم بيد واحد فقط وهو 100 لذلك قروروا العوده للتردد الايرانى لانه بيه اكثر من بيد ومه ارتفاع الديزك يتم استكمال الملفات​

 

[ahly2010]

سيتم تحميل الان مجموعه افلام تبع نت اوفلاين ولكن مجانيه بعد نصف ساعه من الان الان الساعه 1.30 ظهرا بتوقيت القاهره يعنى 11.30 بتوقيت جرينتش​

دانلود خارج از برنامه سایت


سلام


تا شب دو تا فیلم با حجم خوب می زنیم کاربران که دوست دارند اسکای نت باز بزارند فیلم دانلود نیم ساعت دیگه اعلام و شروع به دانلود می شه فایلهای ارسالی رایگان هست

 

[The_SMB]

اشكرك اخي محمد على التوضيح
تم تعديل الموضوع
تحياتي

 

[TheGame]

السلام عليكم

اولا شكرا اخ محمد

ثانيا شباب ياريت شوية توضيحات لاني تارك التحميل العشوائي من فترة بسبب الامتحانات

سوال هل بدات الدورة

هل يمكنني الاشتراك بحساب فايل سرف بريميوم مسجل بايميل الخاص ؟ .

 

[mhmd-f]

وعليكم السلام اخي the game
الدورة لسه ما بدأت وتم التصويت من قبل الاعضاء على بدء الدورة والاغلب أجمع بعد 15 يوم م انتهاء الدورة الحالية اللي انتهت من شي يومين
وانا ما بتوقع هالشي يعني بتوقع بعد شي شهر من هلأ والله اعلم
على كل حال لا تتقيد بكلامي و اذا بدك تشترك فينك تشترك من هلأ وبتفوت وبتابع معهم بالمنتدى وبتراسل المدير تبعهم
ومنشان الاشتراك هم بدهم فوتشر ل 30 يوم لفايل سيرف أو فايل سونيك أو هوتفايل
وما بعرف شغلة الايميل باسمك وبتوقع ما بيمشي الحال
وللعلم تم الغاء التحميل على التردد 10770 الذي كان مقرر بماك واحد سريع
وتم الاعلان عن دورة جديدة ب 15 ماك وسرعة التحميل من 500كيلو الى 1.3 ميغا وبحجم تحميل يومي من 20 الى 40 غيغا
وبنظام سي سي كام (هالنقطة ما عرفت شو قصدهم فيها )
على التردد 10720
وبحجم تحميل كلي من 650 الى 750 غيغا لمدة شهر
تحياتي

 

[TheGame]

شكرا اخي محمد على التوضيح

ان شاء الله راح احاول اشترك اذا قدرت

بالنسبة سي سي كام هذه يعطوها هدية اعتقد + شفت بروكسي socks اعتقد هدية لليشترك بالدورة

 

[mhmd-f]

معناها قصدهم سيرفر سيسيكام هدية ,والله ممكن
طيب البروكسي socks شلون الواحد بيستفاد منه لأن الدورة الماضية كان في هيك قصص بس ما عرفت شو غرضهم

 

[The_SMB]

اخي محمد حسب اعتقادي انها تستخدم داخل الinternet browser كبديل للبروكسي لفتح المواقع اسرع وفتح بعض المواقع المغلقة
يعني لاستخدامها مع الفايرفوكس اذهب الى option------> advanced ----->network كما في الصورة



ولاتنس اختيار النوع اما 4 او 5 وعلى الاغلب هو 5
تحياتي