ماشي يابو السيد بس خللي بالك بفلافيو وكاستلو برضوا بنفوز , الدور والباقي على مرتضى وعلى رأي أورتيجا مرتضى با حببنا اوعى تمشى وتسبنا .
أما مانويل خوسيه فده شيخ المدربين الأجانب في مصر هو ملك الستات , من قبل فريق الأحلام الأهلوي الحالي وهو نشكم ستة وإتعادل مع الإسماعيلي البطل حينها ده غير إنه وضع حجر أساس نادي الستة اللي كل الأندية الأن تشرف بأنها لديها كارنيه العضوية فيه .
ومانويل خوسيه من قبل فريق الأحلام هو اللي جابلنا دوري الأبطال الأفريقي سنة 2002 ووراه السوبر الأفريقي بأعلى سكور في تاريخ أفريقيا وهو اللي خلانا نفوز على ريال مدريد , شفت بقى المسألة مش حكاية لعيبة وبس ده مدرب وإدارة ونادي محترم وفوقهم جمهور أعظم.
عيبك يابو السيد وعيب كل الزملكاوية إنكم بترددوا كلام رموزكم المفلسين زي فاروق جعفر اللي إتاخد على سكة السلامة رايح جاي وكلام أصحاب الأقلام الصفراء من كتاب مجلة الزمالك الصديقة العزيزة لمحلات الفول والطعمية , إلا بالمناسبة صحيح يابو السيد هي لسه بتتطلع ولا بتوع نادي الزمالك إتكسفوا على دمهم ووفروا فلوس النادي في حاجة أفيد !.
أصحاب الأقلام الصفراء يريدون زعزعة جوزيه و جعل الأهلي يتنازل عنه ويدوروا هما من الباب الخلفي ويتعاقدوا معاه لكن هيهات جوزيه أهلاوي قلبا وقالبا وهو أذكي بكتير من كتاب الفول المدمس والفلافل .
