تابع التحميل من الغروب الروسي من جوالك

[ahmedyu]

بسم الله الرحمن الرحيم


مرحبا أخوان حبيت شاركم هالموضوع يلي بساعدكم تعرفوا شو عم يتحمل و شو بدو يتحمل عن طريق جهاز الموبايل الخاص فيكم.....
الفكرة بتطلب انترنت على الجهاز ..مو مهم نوع الانترنت المهم يكون شغال..
الموضوع انا عاملو على جهازي و هو جهاز من الجيل الخامس بس بظن بتقدر تعمل الموضوع على اي جهاز فيه خاصية قراءة الفيد أو ال RSS..

RSS هي اختصار ل Really simple syndication
و هالخدمة بتخليك تحصل على كافة التحديثات من المواقع يلي بتدعم هالخدمة ...
و انا رح دلكم كيف اتحطوا رابط الفيد تبع الغروب الروسي و تعرفوا شو بدو يتحمل أو عم يتحمل..

متل ما ذكرت بالبداية انا طبقت الفكرة على جهازي بوساطة متصفح النوكيا الأصلي بس انا السوفتوير عندي محدث و ما بعرف اذا الخدمة موجودة بس على الأغب موجودة على كل الأجهزة....
المهم منشغل المتصفح الافتراضي و مندور فيه على كلمة Web Feeds
أناعندي بزاوية المتصفح بضغط على زر القائمة تبع الرنامج و بختار more

و بعدين Web Feeds

من هالنافذة منختار option بعدين web feed option بعدين new feed

طبعاً هالشي بيعتمد على نوعية موبايلكم و نظامه فيكم تلاقوا كلمة new feed بأي طريقة بتعرفوها

المهم بعد ما نضغط كلمة new feed بيصير كلشي واضح من هون

الخيار الأول هو اسم الفيد و سميتو zone214
التاني هو عنوان الفيد و بدو يكون هيك:​

http://www.satfishing.com/RSS/FB.php

الخيار التالت بيتعلق بالتحديث الاتوماتيكي ..برأيي خليه off مشان ما يتصل الجاز بالنت لحالو و يحدث..

بعد ما تخلص من ملى القلين اضغط back واذا سألك مشان يحفظ الحقول اضغط نعم أو save على حسب جوالك..

هلأ بتكون رجعت للواجهة الرئيسية و حتلاقي تم اضافة zone214 للواجهة...
هلأ بدك تضغط على زر refresh بالواجهة الرئيسية أو فيك تضغط فتح للفيد بعدين خيارات بعدين refresh

هلأ الجهاز رح يطلب منك تتصل بانت اذا ما كنت متصل و بيبدأ تحديث الفيد.. بس ينتهي التحديث رح تلاقوا ضهور الملفات نفسها الموجودة على الموقع و يلي عم تتحمل

و اذا بتغطو على اسم الملف رح تلاقوا معلومات عن الملف و سرعة التحميل و المدة المتبقية...يعني متل الموقع تمام.
هي الطريقة ما بتصرف انترنت كتير يعني فيك تستعملها بدون ما تخاف على وحداتك أو ليراتك لأن صرف الانترنت كتير فيها قليل..

و أخيراً هدا فيد موقع ايراني بتشوف منو قوائم التحميل و كلمات السر بتضيف العنوان بنفس الطريقة من خلال new feed و بتسميه بالاسم يلي بدك ياه​

http://2afb.mihanblog.com/post/rss/

و هدا فيد لموقع الجزيرة كتير مفيد:​

http://www.aljazeera.net/AljazeeraRss/Rss.aspx?URL=RSS-news.xml

بتمنى انكم اتكونوا استفتدتوا من الشرح يلي شوي صعب بس انشالله اتكونوا فهمتوا علي
تحياتي​

 

[The_SMB]

اشكرك اخي احمد .... شرح واضح وسهل
مشتاقين لمواضيعك الجميلة
تحياتي

 

[Abdo85]

مشكور احمد الحقيقة انها شغلة مفيدة اذا الواحد بدو يشوف على السريع اذا في شي تحميل مهم او لا
منستنى رجوعك بالسلامةة
​

 

[mhmd-f]

اهلين أخي احمد وين هالغيبة
اشتقنالك يازلمة
الف شكر لك على الشرح الجميل
بس بدك الصراحة ما فهمت شي ههههه
لا تتركنا هيك فترة طويلة ,طلطل علينا كل فترة
سلامات

 

[ahmedyu]

الله يسامحك يا زلمة اشو القصة كيميا ؟؟؟ هههه على كل هدا الموضوع اذا كنت بعيد عن الكمبيوتر تبعك او الانترنت مو شغال مشان تعرف شو بدك اتحمل و ايمتى اتشغل البرنامج اذا حبيت تساوي هيك قلي شو نوع جوالك لحتى دلك شلون...
تحياتي

 

[mhmd-f]

أخي احمد جوالي أيفون 3g وعندي متصفح سفاري واوبرا والاثنين ما لقيت فيهم Web Feeds
انا المتصفحات عندي بالعربي ,شو معنى Web Feeds بالعربي
انا لقيت اشارات مرجعية وما لقيت قنوات الويب
شو رايك؟

 

[ahmedyu]

تفضل أخي محمد هي برنامج لقراءة ال feed خاص بال iphone لا تواخذني انا ما عندي خبرة بالجهاز لحتى دلك كيق بتشغلو بس القصة مو كتير معقدة

http://itunes.apple.com/us/app/id333925239?mt=8&ign-mpt=uo%3D4

تحياتي

 

[mhmd-f]

شكرا أخي احمد
بس ما قلت لي وين هالغيبة ؟؟
لتكون رحت زيارة لبيت ؟؟؟؟؟؟ وما بدك تقول لنا ههههههه

 

[FBI]

مشكور اخي احمد .. فكرة جميلة ..
تحياتي​

 

[ahmedyu]

ههه وحياة عينك ما زرت حدا بس كنت مشغول شوي بغير قصص و صرلي من وقت ما انقطعت ما عم حمل فضائي ...و ما عم تابع الأخبار تبع الغروبات.....

 

[cisema]

و هدا فيد لموقع الجزيرة كتير مفيد:

اخي بظن مافي داعي لهالحركات و الالتفافات السخيفة ( اكيد فهمان عليّ )

هذا قسم لمتابعة التحميل الفضائي و ليس مكان لتنشر فيه ما يعجبك

ملاحظة هامة : اظن ان اسم المنتدى يوحي بوضوح عن الامور التي يهتم بها , لمحبي متابعة الامور السياسية هناك مواقع كثيرة تهتم بهذا المجال

يمنع منعا باتاً التطرق الى الامور السياسية في هذا القسم ​

 

[S.A.R]

بدعم رأيك أخي ايلي يعني بيجوز صار بيني وبين الأخ وديع حساسية من ورا هالموضوع وماكاتو والخ
مابدنا يصير بالمنتدى حساسية وأحلاف كل واحد الو اتجاهو السياسي

 

[cisema]

مابدنا يصير بالمنتدى حساسية وأحلاف كل واحد الو اتجاهو السياسي

اشكر تفهمك اخي سومر

كل شخص لديه قناعته و توجهه السياسي و يجب احترام الامر , و بما ان المنتدى ليس غرض وجوده هو الامور السياسية فيجب غلق هذا الباب تماماً حتى لا ندخل في مهاترات نحن بغنى عنها و غالبأ ما توصل الى طرق مسدودة ​

 

[mhmd-f]

طول بالك أخي ايلي ,هي أول مرة بشوفك عصبت لهالدرجة
والله الأخ أحمد كتير محترم وقدم فائدة كبيرة للمنتدى
وانا ما خطرت ببالي هالقصة نهائيا فأنا سررت بعودة الأخ أحمد أكثر من الموضوع بحد ذاته
ويمكن لو كنت انا صاحب الموضوع حط هذا الفيد بس مو بأي قصد كان
على كل حال انا بعتذر بالنياية عن الأخ أحمد
ففي النهاية نحن أخوة وأعز باذن الله ولا يجب ان نختلف لمجرد موضوع سواء كان بقصد او بغير قصد
تحياتي لك أخي ايلي وللأخ سومر وأرجو منك ان لا تاخذ على خاطرك وكأن شي ما صار
سلامات

 

[S.A.R]

طول بالك أخي ايلي ,هي أول مرة بشوفك عصبت لهالدرجة
والله الأخ أحمد كتير محترم وقدم فائدة كبيرة للمنتدى

نحنا هون لنقدم الفائدة وبعتقد ماحدا عم يقصر كل واحد حسب خبرتو عم يساعد الكل مني وجر
أنا لما اجيت للمنتدى ماكان فصدي اني احتكر أو بين خبرتي لحتى يرفعوني متل ماتعلمت من المنتدى بدي فيدو بقدر استطاعتي وتحياتي لكل الشباب بالمنتدي والصبايا كمان

 

[ahmedyu]

أخي ما بيحقلك تحكي معي هيك انا كنت بدي حط فيد للسيريا نيوز كمان بس ما لاقيت رابط و انا عم حط الموضوع بموقع عربي مو بموقع سوري و بيحقلي حط شو ما بدي..و حياة عينك مو انا تبع الحركات لأني لو بدي حط شي موضوع كنت حطيته وحياة عينك..وانا ما كان خاطر ببالي شي لما حطيته .انا حطيته مشان ورجي العالم فائدة الخدمة و الامكانيات يلي فيك تشوفها عليها لأن الخدمة مجانية....بس على كل الله يسامحك لأنك غلططت معي بدون أي خطأ مني ...
مشكور أخي محمد على ردك الحلو بس انا ما غلططت بشي لحتى أعتذر يعني مو معقول كل ما حط موضوع يصير فيه حساسية فبدال ما يكتب يكتر خيرك على الموضوع بيكتبلي بهدلة؟؟ على كل الله يسامحن ....

 

[T D P]

كيف الشباب احبابي ...
في البداية شكرا جزيلا لك اخي احمد على الموضوع الجيد وعلى تعبك ....
بس بالنسبة لي في طريقة اسهل واقل تكلفة وجهد ... اذا كان عندك متصفح موبايل مختص على موبايل مثلا opera او ucbrowser او اي شيء من هذا القبيل فمباشرة فيك تحط موقع المتابعة بالمفضلة وبس تفتحه ما رح يأخذمنك اكثرمن 6 كيلو بايت ويمكنك المتابعة بهذه الطريقة ...
بالنسبة للخلاف الذي لا ارى خلافا فيه فمافي داعي لاي خلاف ينشأ من اي قصة لها علاقة باي شيء غير كروت الستالايت
ام كروت الستلايت فاذا اختلفتم فيها معلش ... هههه
تحياتي للجميع والله مشتقلكن ....

 

[FBI]

طولو بالكم اخي ايلي واخي احمد انتم اخوة وياريت تنسو هالموضوع ( مو محرز ) .. .. اخواني السياسة ما وراها الا التعب وخربان بيوت ...
اخي ايلي واخي احمد منشاني انسو هالموضوع انتو اكبر من هالقصص
تحياتي​

 

[ahmedyu]

مشكور أخي ابراهيم على مداخلتك و على طريقتك التانية ههه الاسهل بكتير وما عرفت انها كتير بتوفر ...و متل ما تفضل الأخ نواف ما لازم يكون في مشاكل بيناتنا مشان مواضيع ما بتخصنا و انا بعتذر على على ردي لأن ضجت شوي و ما بدي حدا يزعل مني مشان هيك شغلة....
تحياتي

 

[cisema]

أخي ما بيحقلك تحكي معي هيك انا كنت بدي حط فيد للسيريا نيوز كمان بس ما لاقيت رابط و انا عم حط الموضوع بموقع عربي مو بموقع سوري و بيحقلي حط شو ما بدي..و حياة عينك مو انا تبع الحركات لأني لو بدي حط شي موضوع كنت حطيته وحياة عينك..وانا ما كان خاطر ببالي شي لما حطيته .انا حطيته مشان ورجي العالم فائدة الخدمة و الامكانيات يلي فيك تشوفها عليها لأن الخدمة مجانية....بس على كل الله يسامحك لأنك غلططت معي بدون أي خطأ مني ...
مشكور أخي محمد على ردك الحلو بس انا ما غلططت بشي لحتى أعتذر يعني مو معقول كل ما حط موضوع يصير فيه حساسية فبدال ما يكتب يكتر خيرك على الموضوع بيكتبلي بهدلة؟؟ على كل الله يسامحن ....

اخي احمد , غايتي و مهمتي هي تفادي اي باب يسبب خلاف و تضارب اراء بين الاعضاء ( القصة مو قصة موقع معارض او مؤيد ) , فلنتكلم بشفافية جميعنا يعرف مدى الاحتقان في الوضع الراهن ( هذا هو الموضوع الساخن في الساحة حالياً ) وانا في اغلب الاوقات اقضي وقت فراغي في المنتدى للابتعاد قليلاً عن هذا الموضوع لأقضيه بشيء مفيد و لا اريد ان يتحول القسم الى مسرح اخر لهذا الصراع

ارجو تفهم الامر من الجميع


و اشكر كل الاصدقاء على مداخلاتهم ( مافي اي حساسية انشالله )

و الف شكر على الموضوع المفيد اخي احمد و لست مجبر على الاعتذار لي لأنك لم تخطئ بحقي شخصياً

تحياتي للجميع
​