بورسعيد بتحبك يا اهلي " علم الأهلي العملاق يتصدر رحلة قافلة مئوية النادى ببورسعيد

[mmortega2002]

وصلت بسلامة الله قافلة مئوية الأهلى لمدينة بورسعيد الباسله تحيطها مشاعر الجماهير وتدعمها الهتافات الحاره من قلوب كل الشعب البورسعيدي المحب للنادي الأهلي الذين التفوا حول علم رابطة مشجعي الأهلي العملاق والذي يبلغ طوله 1500 متر
​

وقام السيد اللواء مصطفى كامل محافظ بورسعيد والساده ممثلى القيادات الشعبيه والتنفيذيه بالمحافظه بإستقبال ضيوف الأهلى وعلى رأسهم السيد محمد الغزاوى عضو مجلس إدارة النادى الأهلى

وقامت جماهير الأهلى الحبيبه فى بورسعيد بمختلف أعمارها بالمشاركه فى رفع علم المئويه الضخم أمام مبنى المحافظه وعلى إمتداد بلغ 1500 متر هو طول العلم والتي قامت بأنتاجه جمعية مشجعي الأهلي برعاية كل من شركة لينك دوت نت وموقع يلا كورة حتى يتجمع نحو هذا العلم أكبر عدد من الجماهير الأهلاوية وكل الجماهير بمختلف انتمائتهم وميولهم

بعدها وفى المساء أحيا الشاعر الكبير الأستاذ أحمد بخيت أمسيه ثقافيه وشاركه فيها عدد من شعراء بورسعيد ونالت الأمسيه إعجاب الجميع لما فيها من ثقل أدبى متنوع واقيمت فى مكتبة مبارك تحت إشراف السيد طارق محمود عباس مدير مكتبة مبارك العامه ببورسعيد والسيد أسامه محمد صادق رئيس قسم العلاقات العامه بالمكتبه اللذان أحاطوا مراسلي الرابطة احمد شهاب من القاهرة و وائل بيومي المسئول عن فرع الرابطة ببورسعيد ونائبه اسماعيل مستجير بكل إهتمام أثناء التحضير للندوه وعملوا على ان تخرج الندوه بشكل يليق بإسم النادى الأهلى وجماهيره العريضه

وفى اليوم التالى ( الأربعاء ) كانت المباراه المرتقبه من زمن الفن الجميل بين قدامى الأهلى وقدامى بورسعيد بصالة مبارك للألعاب الرياضية فى أعقاب إنتهاء بطولة إبراهيم مصطفى للمصارعه الحره على نفس الصاله

وتمتع كل من ذهب للصاله بالمباراه والتى بدأها فريق المصرى بهدفين أحرزهما فى أول عشر دقائق من اللقاء أحرزهما عماد العمده وسيف داوود الى ان أعلن قدامى الأهلى عن تواجدهم وبادلوا قدامى المصرى فاصل من المهارات إنتزعت أهات الجماهير وإنتهت المباراه بفوز الأهلى على المصرى 9 / 3 وأستمتعت الجماهير من نجوم الأهلى من وليد صلا وسيد عبد الحفيظ وهادي خشبة وربيع ياسين ومحمد رمضان وكذلك لاعبى المصرى وخاصه الكابتن السانجا والكابتن مسعد السقا أصحاب التاريخ الكبير والكابتن سيف داوود الذى مازال فى كامل لياقته البدنيه وخرج اللقاء فى أجواء إحتفاليه وجو أخوى نال إستحسان الجميع

وفي لافتة طيبة من جماهير بورسعيد العاشقه لكرة القدم وبخاصة رابطة مشجعى المصرى فقد قاموا بالهتاف "عايزين دقيقه حداد على روح عبد الوهاب" وقامت جماهير الأهلى بالتصفيق لهم وكذلك جميع اللاعبين من الفريقين وأمتثل الجميع لرغبة جماهير المصرى المحترمه وقام جميع من فى الملعب بالوقوف دقيقه حداد على روح فقيد الرياضه المصريه الراحل محمد عبد الوهاب أسكنه الله فسيح جناته

بعدها تبادل الجميع التحيه وأخذت الجماهير الصور التذكاريه وكأن الأهلى مهتم ليس بلإحتفالات وحسب وإنما بلم الشمل وتصفية الأجواء من أى بغيضة او تعصب يفتعلها قلّه غير متفهمه للمعنى الحقيقى للرياضه بل وعمل الأهلى أيضا على إرجاع زمن الفن الجميل

عاش الأهلى وعاشت جماهيره الوفيه فى كل مكان وكل الشكر لشعب بورسعيد الذى أحسن إستقبال الضيوف ونلقاكم فى رساله قادمه من دمياط أحد اهم معاقل الجماهير الأهلاويه العاشقه لفريقها
"الأهلي .. ليس مجرد نادي"

صور علم رابطة مشجعي الأهلي العملاق وبعض صور رحلة القافلة ببورسعيد

السيد محافظ بورسعيد مصطفى كامل محمود والسيد محمد الغزاوي عضو مجلس اداراة الأهلي في استقبال قافلة المئوية

محافظ بورسعيد وتوقيع تذكاري على كرة المئوية

ا/ وائل بيومي مسئول فرع الرابطة ببورسعيد ونائبه ا/ اسماعيل مستجير ودور قوي وفعال في احتفالية قافلة الأهلي ببورسعيد

كل طوائف الشعب تشارك في احتفالات الأهلي

احمد شهاب مراسل الرابطة من القاهرة مع نجوم الأهلي القدامى

مع سيف داوود نجم نادي المصري السابق

رابطة مشجعي المصري استقبلت قافلة الأهلي اروع استقبال

جماهير الأهلي ببورسعيد والأحتفال بلاعبي الأهلي القدامى

"حنخلي .. الدنيا حمرا"

​

 

[*silence]

كل 100 سنة وإنت طيب يا أهلي

 

[momomo]

مين ضحك عليك وقالك ان بورسعيد بتحب الاهلى .... طيب قول حاجه ممكن الناس تصدقها ...هههه والله ضحكتنى

 

[zamalekwebas]

عاوزين نشوف علم الاسماعيلية بتحبك يا اهلي كمان:ra: :ra: :ra: :ra: :ra: :ra:

 

[momomo]

كمان هو فين العلم والنبى يا عم مضحكنيش اكتر من كده انا كنت معدى بالصدفه جنب المحافظه لقيت شويه اطفال مسكين قماشه حمرا فكرتهم والله موكب المولد النبوى الشريف المعتاد ان يقام فى هذه الاثناء ... طلع الاولاد مخرجنهم من المدرسه علشان يمسكوا حته القماشه ..قصدى العلم

وكمان انا ملاحظ ان العربيه واقفه فى شارع فاضى مفهوش غيرها ... يمكن باقى العربيات وراها وانا مش اخد بالى

احب ان اؤكد لك عزيزى ان افشل محافظه قامت فيها المئويه هى بورسعيد فلم يشارك فيها الى شرزمه قليله من المشجعين الاهلويه ... ومتفتكرش كلمه شرزمه دى شتمه ده تعبير عن قله القله التى شاركت

 

[zamalekwebas]

شاهد دليل حب الاهلي في كل محافظات مصر

http://www.stardvb.com/showthread.php?p=293274#post293274

 

[momomo]

عاوزين نشوف علم الاسماعيلية بتحبك يا اهلي كمان:ra: :ra: :ra: :ra: :ra: :ra:

لا اصل الاهلى اخدها من قاصرها ومش هيعمل المئويه بتاعته فى الاسماعليه اصل الثلاثيه لسه واجعاه :ra:

 

[zamalekwebas]

بس الصور بتوضح ان بورسعيد مهجورة الفترة دي من السنة واضح ان كلهم راحوا الخليج

 

[momomo]

بس الصور بتوضح ان بورسعيد مهجورة الفترة دي من السنة واضح ان كلهم راحوا الخليج

بالرغم ان مدينه بورسعيد صغيره جدا الا انى اقسم بالله لم اعلم بهذه المئويه واحتفالتها الا بالصدفه البحته وهذا حال كل البورسعيديه

 

[zamalekwebas]

بالرغم ان مدينه بورسعيد صغيره جدا الا انى اقسم بالله لم اعلم بهذه المئويه واحتفالتها الا بالصدفه البحته وهذا حال كل البورسعيديه

خد دي بقي علي صدرك

 

[*silence]

بس شوطة صغيرة لحبايبنا الزملكاوية ...... كلنا شفنا السوايسة اللي أنا ليه جذور منها في ماتش الأهلي والأسمنت ويفط الترحيب بالأهلي العملاق فمش يافطة هيكتبها كام زملكاوي من الحقودين إياهم هتهمنا وبالنسبة للمحلة فشعبية الأهلي مش محتاجة لكلام وحكاية إن يافطة بيعلقها شوية لايمكن تعميمها على جمهور المحلة الكبير اللي معظمه بيكره الزمالك أساسا , ولو إن جمهور الأهلي في كل محافظات مصر عمل زي الناس الغير محترمة دي كانت شعبية الزمالك إتفضحت في كل حتة ,,, وشوطة للأخ زملكاوي أنا بس عايز تكون شجاع في كلامك ونفسي تقولي إن الهدف من موضوعك المغلق مثلا إنك تقول الأهلي ليس الأكبر شعبية في كل محافظات مصر؟؟؟؟ قولها لو تقدر هههههههههه

ثانيا لأخ المشرف اللي إسمه سيد ناو اللي يسمحلي إني أنبه لسقطة وقع فيها إزاي يسيب موضوع في منتدى صاحبه طلب بإغلاقه بدون حذفه وإزاي تتفهم يعني إن واحد يعمل موضوع مغلق ,,,, الحاجة الوحيدة إنها معمولة مجرد إثارة لجمهور الأهلي يبقى الكلام ده تروحوا تعملوه في منتديات الزملكاوية هناك هتلاقوا ناس تصفق لأى مهاترات مثل هذه...

أطلب من الإدارة حذف الموضوع مراعاة لشعور الأهلوية مش عشان هما الأكثر عضوية و الأكبر جماهيريا لكن من باب مراعاة الشعور وعدم الإستفزاز في منتدى يوصف بالمحايد وأتمنى من إدارة منتدانا الحبيب تاخد بالها من السقطات الغريبة دي وخصوصا أنه تورط فيها مشرفين!!!!!!

 

[zamalekwebas]

بس شوطة صغيرة لحبايبنا الزملكاوية ...... كلنا شفنا السوايسة اللي أنا ليه جذور منها في ماتش الأهلي والأسمنت ويفط الترحيب بالأهلي العملاق فمش يافطة هيكتبها كام زملكاوي من الحقودين إياهم هتهمنا وبالنسبة للمحلة فشعبية الأهلي مش محتاجة لكلام وحكاية إن يافطة بيعلقها شوية لايمكن تعميمها على جمهور المحلة الكبير اللي معظمه بيكره الزمالك أساسا , ولو إن جمهور الأهلي في كل محافظات مصر عمل زي الناس الغير محترمة دي كانت شعبية الزمالك إتفضحت في كل حتة ,,, وشوطة للأخ زملكاوي أنا بس عايز تكون شجاع في كلامك ونفسي تقولي إن الهدف من موضوعك المغلق مثلا إنك تقول الأهلي ليس الأكبر شعبية في كل محافظات مصر؟؟؟؟ قولها لو تقدر هههههههههه

ثانيا لأخ المشرف اللي إسمه سيد ناو اللي يسمحلي إني أنبه لسقطة وقع فيها إزاي يسيب موضوع في منتدى صاحبه طلب بإغلاقه بدون حذفه وإزاي تتفهم يعني إن واحد يعمل موضوع مغلق ,,,, الحاجة الوحيدة إنها معمولة مجرد إثارة لجمهور الأهلي يبقى الكلام ده تروحوا تعملوه في منتديات الزملكاوية هناك هتلاقوا ناس تصفق لأى مهاترات مثل هذه...

أطلب من الإدارة حذف الموضوع مراعاة لشعور الأهلوية مش عشان هما الأكثر عضوية و الأكبر جماهيريا لكن من باب مراعاة الشعور وعدم الإستفزاز في منتدى يوصف بالمحايد وأتمنى من إدارة منتدانا الحبيب تاخد بالها من السقطات الغريبة دي وخصوصا أنه تورط فيها مشرفين!!!!!!

يا راجل يا طيب انت زعلان علي موضوع حصل فعلا وبتقول انه بيستفز مشاعر الاهلاوية ليه بقي محدش زمالكاوي اشتكي من الموضوع العبيط بتاع الاهلي سنة 2030 مع ان فيه اهانة للزمالك واستفزاز اكثر لجماهيره

 

[*silence]

يا راجل يا طيب انت زعلان علي موضوع حصل فعلا وبتقول انه بيستفز مشاعر الاهلاوية ليه بقي محدش زمالكاوي اشتكي من الموضوع العبيط بتاع الاهلي سنة 2030 مع ان فيه اهانة للزمالك واستفزاز اكثر لجماهيره

لا ياعم زملكاوي الموضوع بتاعك محصلش في الحقيقة بالشكل اللي بيرضيك إنت نفسيا واللي بتحاول جاهدا تفرضه في المنتدى لأن شعبية الأهلي في مصر إنت نفسك عارفها وحتى إخواننا العرب عارفينها قبلنا إحنا كأهلاوية بنتكلم عليها وخصوصا جوه مصر!!!! , ثاني شيء موضوع الهزار بتاع 2030 لو هو مضايقك قوي للدرجة دي متخلي مشرف الرياضي يشيله ولو إنه مبني على معطيات اليوم !!!!

أما تجيبلي كام يافطة خصوصا يافطات السويس والمحلة والأخيرة بالذات اللي هي جزء من الغربية اللي هي كمحافظات مصر معقل للأهلي فده كذب على نفسك وعلينا لما تقول حب الأهلي في جميع محافظات مصر وتحاول تعمم في الزحمة ! وأظن عيب جدا لما الواحد يخدع نفسه

مرة ثانية أطلب من المشرف المحترم سيد ناو حذف موضوع النقاش المغلق ! المنسوب للمشرف المحترم زملكاوي لأنه لا يصح فعل هذا في منتدى محترم يلتزم بالحيادية وياريت أسمع رأي إخواننا الأهلوية المحترمين والعقلاء من مشجعي النوادي الأخرى في الحذف ومراسلة إدارة المنتدى في حال عدم تحقيق أبسط حقوقنا في إحترام الحقيقة و الإنتماء....

 

[*silence]

صحيح بخصوص موضوع أهلي وزمالك 2030 فهو يخصنا نحن كأعضاء ممكن نغلط و ممكن نصيب والمشرف هنا بنظرة المحترف في عمله يقيم ويعدل لأنه مسئول عن كل الأعضاء بمختلف إنتمائتهم .......

ولا انا عايز أعرف ياعم زملكاوي إنت متعين مشرف للزمالك بس ولا إيه طب فين مشرف الأهلي :ra:

 

[momomo]

صحيح بخصوص موضوع أهلي وزمالك 2030 فهو يخصنا نحن كأعضاء ممكن نغلط و ممكن نصيب والمشرف هنا بنظرة المحترف في عمله يقيم ويعدل لأنه مسئول عن كل الأعضاء بمختلف إنتمائتهم .......

ولا انا عايز أعرف ياعم زملكاوي إنت متعين مشرف للزمالك بس ولا إيه طب فين مشرف الأهلي :ra:

انت بعدت ليه عن الموضوع الاساسى ...

س الموضوع يتكلم عن احتفالات الاهلى فى بورسعيد ومرفق معاه صور ..
ج ولا حاجه من الى مكتوبه دى حصلت وياسيدى انا من بورسعيد وباكد ليك

س الموضوع يتكلم عن علم الاهلى العملاق
ج لو حته القماشه دى علم يبقى ايه هو علم المصرى البورسعيدى :ra:

ده يا عزيزى ردى على الموضوع .. وكمان احب اقلك ان بعد حبيبنا مؤمن مفيش مشرفين اهلويه ...ولن يكون

 

[*silence]

بص يا اخ مومومو أنا مش بتكلم على الموضوع في حد ذاته ولا بنكر إن في محافظتين في مصر الأهلي ليس صاحب الشعبية الكبرى فيهم وهما بورسعيد و الإسماعيلية ولا بعدت عن الموضوع ولا حاجة أنا بس مش راضي عن الإسلوب , لأن ببساطة مش ده مكانه يعني لما في فصل به 26 طالب ويغيب إتنين وأقول الفصل كله لم يحضر أحد فده تلفيق وأظن وجهة نظري واضحة ..........

وبعدين الأخ زمالك حر في رأيه إن شالله يشوف الزمالك شعبيته في مصر 100% ... هو حر , بس عشان يعرف يقول الكلام ده,,,,, فيه مكان واحد بس يقدر يقوله فيه هو موقع من مواقع الزمالك و هناك إحتمال يكدبوه ويقولوله بس يا جدع شعبية الزمالك 154.3 % ويتكوا قوي على 0.3 دي كمان , زي مانا برضه لو حبيت أقول إنجلترا دي أهلاوية وإن رونالدينهو يعشق تراب الأهلي مفيش غير مكان واحد بس أقدر أقول فيه الكلام ده هو موقع من مواقع الأهلي , مظبوط ياعم مومومومو ......

لكن يشكك في الأهلي وشعبيته و كمان إنجازاته قدامنا فمعلش ده مرفوض لأننا مش طراطير , زي ما إحنا برضه مطالبين بإحترام غيرنا .... غيرنا مطالب أكتر مننا بإحترامنا نظرا لموقعه المسئول

أتمنى إني اكون خاطبت صوت العقل فيكم يا مشرفي الزمالك ,,,, ووحشتنا أيامك يا مستر مؤمن

يالا ربنا يرحمنا أجمعين والسلام عليكم

 

[mmortega2002]

يا راجل يا طيب انت زعلان علي موضوع حصل فعلا وبتقول انه بيستفز مشاعر الاهلاوية ليه بقي محدش زمالكاوي اشتكي من الموضوع العبيط بتاع الاهلي سنة 2030 مع ان فيه اهانة للزمالك واستفزاز اكثر لجماهيره

اولا عيب عليك تغلط فى موضوعى وبعدين لو عايز تتكلم قوله ان الموضوع مضيقوا وانا اشيله علشان مشاعركم وانا طلبت راى المشرفين فى الموضوع نفسه .

ثانيآ احنا محدش غلط فى الزمالك ولا قال على الزمالك اى شئ ليه انت تبدا فى الاستفزاز من تانى ومحدش بيحبك يا اهلى وانت مالك يحبوه يكرهوا ملكش دعوة طالما محدش جرح ناديك باى شئ .

وبعدين شوفوه مين اللى بيدء بالغلط

 

[zamalekwebas]

وكمان احب اقلك ان بعد حبيبنا مؤمن مفيش مشرفين اهلويه ...ولن يكون

هو مفيش اي اخبار عنه دا احتى مش بيدخل ماسنجر

عموما ربنا يرجعه بالسلامة

 

[zamalekwebas]

اولا عيب عليك تغلط فى موضوعى وبعدين لو عايز تتكلم قوله ان الموضوع مضيقوا وانا اشيله علشان مشاعركم وانا طلبت راى المشرفين فى الموضوع نفسه .

ثانيآ احنا محدش غلط فى الزمالك ولا قال على الزمالك اى شئ ليه انت تبدا فى الاستفزاز من تانى ومحدش بيحبك يا اهلى وانت مالك يحبوه يكرهوا ملكش دعوة طالما محدش جرح ناديك باى شئ .

وبعدين شوفوه مين اللى بيدء بالغلط

ربنا يكرمك حتى لم تراعي فارق السن بينى وبينك

 

[zamalekwebas]

اولا عيب عليك تغلط فى موضوعى وبعدين لو عايز تتكلم قوله ان الموضوع مضيقوا وانا اشيله علشان مشاعركم وانا طلبت راى المشرفين فى الموضوع نفسه .

ثانيآ احنا محدش غلط فى الزمالك ولا قال على الزمالك اى شئ ليه انت تبدا فى الاستفزاز من تانى ومحدش بيحبك يا اهلى وانت مالك يحبوه يكرهوا ملكش دعوة طالما محدش جرح ناديك باى شئ .

وبعدين شوفوه مين اللى بيدء بالغلط

هو ليس موضوعك يا محمد ده موضوع موقع الاهلي وانا اقصد الموضوع الاصلي وليس اقتباسك له