بارتيشن على هاردى مش عايز يفتح؟ اعمل اية

[dalee]

السلام عليكوا
انا عندى بارتيشن d على الهارد مش عايز يتفتح عندى فجاءة
وعملت سكان على الهارد وبرضة مش عايز يفتح

لو سمحتم ياجماعة اللى عندة اى معلومة يقولها
وجزاكم اللة كل خير

 

[Merinium]

ممكن صورة لما بتحاول تدخل على البارتيشين لو فهمت المشكلة انت لما بتحاول تدخل النظام بيطلب منك تعمل فورمات للبارتيشين صحيح و لا بيديك رسالة ثانية ؟؟؟... تم نقل الموضوع للدعم الفني​

 

[dalee]

واللة ياباشا فى رسالة بتظهر كل اما احاول افتح البارتيشن وبتقول
d:/ is not accessible
the file or directory is corrupted and unreadable
وبردة مش بيفتح
مستنى ردك ياباشا

 

[dalee]

وبعدين انا حاولت اعمل فورمات من على اسطوانة البوت ما بيرضاش يفرمت البارتيشن d مع انة بيفرمت اى بارتيشن تانى عادى ما عدا دة
ومش عارف اية السبب

 

[*silence]

أحيانا الداتا كيبل بيكون السبب وكمان أحيانا بيكون Mbr خلاص الجزء بتاع بارتيشن D فيه خلاص إتدمر لأسباب عدة ممكن عن طريق بارتيشن ماجيك تعمل فورمات للبارتيشن أو صيانة له

 

[MHMOODE]

اضغط علي البارتيشن كليك يمين
وشوف لو ظاهر او اختيار في القايمة كلمة Autoplay قولنا​

 

[*silence]

لا يا حودة مش مشكلة autoplay المعروفة لأنه بيقولك حاول يفرمته من الدوس ومتفرمتش

 

[Merinium]

جرب اخي الكريم الحل دا :

تروح على ستارت --- و تدخل على تشغيل و تكتب التالي

chkdsk /f <D> --- and click ok

إذا لم تفلح فعليك فرمتة البارتيشين باستخدام Fdisk​

 

[Mak]

ممكن تحاول تعمل Repair لل MBR عن طريق اي برنامج او عن طريق Fdisk علي ما اذكر Fdisk /MBR او Fdisk /fixmbr
MBR هي اختصار ل Memory Boot Record وهي المسؤوله علي النظام الموجود في التراكس Tracks في بدايه البارتشن

اذا كان ماعندك فيه شئ مهم ادخل عن طريق computer management واعمل حذف للبارتشن وانشة بارتشن جديد في المساحه الخاليه

 

[dalee]

الف الف الف شكر ياجماعة واللة
انا فرحان جدا على اهتمامك بالموضوع بتاعى
وانا لقيت الحل باستخدام برنامج بارتيشن ماجيك وفرمت البارتين من علية
والف الف شكر مرة اخرى

 

[M.ASKER]

السلام عليكم اخوانى الكرام
انا عندى نفس المشكلة بس فى حاجات مهمة على البارتيشن ومش عايز افرمته اعمل ايه
هاكون شاكر جدا على الرد

 

[reimo]

حل وعن تجربة اكتر من مرة
اسطوانه Hirens.BootCD.10.0
برنامج HDD Regenerator اعمل الداريف الي فيه المشكله ومش لازم تخله يخلص للاخر يعني اعمله عليه شويه كده واعمل رستارت للجهاز وادخل علي النسخه وشوف