الاسماعيلي يفوز علي المحلة 3/2 بركلة جزاء غير مستحقة

[مصطفى شعبان]

منح محمد فاروق حكم مباراة الاسماعيلي وغزل المحلة فوزا لا يستحقه فريق الاسماعيلي بعد ان قدم فريق غزل المحلة مباراة راقية في شوطها الثاني وذلك بعد ان احتسب ركلة جزاء في الدفيفة الثالثة من الوقت المحتسب بدلا من الضائع ليتصدي لها حسني عبد ربه ويضعها علي يمين ناصر فاروق ليفوز الاسماعيلي بأغلي ثلاث نقاط له ضمن المرحلة الـ17 للدوري الممتاز على ملعب الإسماعيلية ليواصل مطاردته للأهلي على صدارة الترتيب.
تقدم الإسماعيلي عن طريق عبد ربه في الدقيقة 15 من ركلة حرة مباشرة انبرى لها نجم "الدراويش" بنجاح داخل المرمى.
وأدرك عمر إسلام التعادل في الدقيقة 49 بعدما قابل برأسه كرة عرضية من عبد الرحيم طه من ركلة ركنية داخل شباك محمد صبحي حارس الإسماعيلي دون رقابة.
وضاعف أحمد حسن نجم المحلة من غلة الضيوف في الدقيقة 58 إثر هجمة عكسية عندما مر محمد عبد الشافي بمهارة كبيرة من محمد سليمان "حمص" قائد الإسماعيلي ثم راوغ شريف عبد الفضيل ودخل المنطقة ولعب كرة عرضية قابلها حسن بلمسة بسيطة داخل الشباك.
لكن محمد فضل هداف الإسماعيلي نجح في معادلة النتيجة لأصحاب الأرض في الدقيقة 79 عندما حول برأسه كرة عرضية من عمر جمال من الجهة اليسرى إلى الشباك دون أي رقابة من دفاع غزل المحلة.
وأعطى عبد ربه الإسماعيلي نقاط المباراة كاملة بعد أن حول بنجاح ركلة جزاء في الدقيقة 93 إلى شباك غزل المحلة وهي ضربة غير صحيحة علي الإطلاق فقد أثبتت الإعادة التليفزيونية أن محمد فضل قد رمي بنفسه أمام مدافع غزل المحلة .​

 

[جواد فلسطين]

ههههههههههه معلش ياسيدي سواء صحيحة ولا مش صحيحة بردوا الإسماعيلي كسب ويا أخي خليها مرة من نفس الإسماعيلي ياخد ضربة جزاء غير مستحقة يعني هيه جت علي الاسماعيلي ولا ضربتين الجزاء بتوع الأهلي مع المقاولون هي اللي صحيحة مبروك للدروايش

 

[zamalekwebas]

فعلا الاخوة الاهلاوية ممكن يخلوا اجدع مشجع كورة في العالم يتعلم الفضيلة ويبطل يتابع رياضة من الاساس

اولا هناك هدف صحيح ملغي للدراويش

ثانيا الهدف الثالث للاهلي تسلل واضح للاعمي

ثالثا ضربة الجزاء الاولي يستحق عنها عماد متعب انذار لجذبه لاعب المقاولين

رابعا ضربة الجزاء الثانية لم اري فيها اي عرقله اللهم ان يسار فلافيو هي التى عرقلت يمينه

خامسا كفاكم فخرا ان الحكم كان فهيم عمر الذي يعمل بالمصادفة تحت حسن حمدي في وكالة الاهرام للاعلان والذي هو عن طريق الصدفة ايضا رئيس النادي الاهلي

 

[جواد فلسطين]

ياعم زمالك وبس كل حاجة واضحة وباينة جدا انا ماشوفتش متش الاهلي بس اللي شافوه وهما والله اهلاوية قالولي انه ضربتين الجزاء ظلم في ظلم وهما عملوا كده عشان يرفعوا من الروح المعنوية بتاعة الاهلي علي حساب المقاولون وانا رأيي أنه كل متشات الدوري المصري يحكمها حكام أجانب :ra: :ra: عشان كل واحد ياخد حقه

 

[zamalekwebas]

تخيل ان قانون الفيفا يحرم علي اي حكم ان يحكم مباراة لفريقين من بلدين مختلفتين لو كان في احد الفريقين لاعب من بلد الحكم


ولكن في مصر نفاجأ بحكم يحكم لفريق ورئيسه ورئيس نفس الفريق واحد

 

[جريح القدس]

شكر لك اخي العزيز مصطفى شعبان
على المتابعه عمل رائع
الله يعطيك الف عافية..
تحياتي لك

 

[جريح القدس]

*********************************

 

[mmortega2002]

شكرآ يا مصطفى على الموضوع

 

[Mahmoud Hamdy]

خامسا كفاكم فخرا ان الحكم كان فهيم عمر

ينهار الحكم فيهم عمر اكيد طبعا تعرفوه ده حكم مبارة الاتحاد والاهلى بتاعت السته الل حسب ضربة جزاء لابوتريكة لما اتكعبل فى الارض لوحده وخارج منطقة ال18 وفهيم عمر ربنا يكرمه حسبها ضربة جزاء للاهلى وديه كانت بداية الهزيمة الثقيلة للاتحاد

وابوتريكة فى نهاية الموسم اعترف بكده علشان هو بيحب يقول الحق :ra:​

 

[Play Maker]

انا عايز افهم اية اللي دخل الاهلوية والاهلي في الموضوع اساسا الراجل كاتب الاسماعيلي يفوز علي المحلة 3/2 بركلة جزاء غير مستحقة مال الاهلي والاهلوية بالموضوع دة يا جماعة ياريت نبقي موضوعين شوية

دة احنا نقول نادي فلان المفروض كان يطرد منه لاعب نلاقي الرد طيب ما المفروض مصطفي عبده كان يطرد في ماتش الاهلي والمحلة سنة 1980 دي قصاد دي

 

[zamalekwebas]

علي فكرة اخي play maker لقد تغلبت اهلاويتك علي كونك مشرف ولو عاوز تعرف ليه تعالي علي الماسنجر :ra: :ra: :ra:

 

[Play Maker]

:ra: معلش يا ابو محمد ما اخدتش بالي

 

[جواد فلسطين]

انا عايز افهم اية اللي دخل الاهلوية والاهلي في الموضوع اساسا الراجل كاتب الاسماعيلي يفوز علي المحلة 3/2 بركلة جزاء غير مستحقة مال الاهلي والاهلوية بالموضوع دة يا جماعة ياريت نبقي موضوعين شوية

دة احنا نقول نادي فلان المفروض كان يطرد منه لاعب نلاقي الرد طيب ما المفروض مصطفي عبده كان يطرد في ماتش الاهلي والمحلة سنة 1980 دي قصاد دي

لا والله مش ده القصد بس القصد انه ماحدش يقول ان الاسماعيلي ليه ضربة جزاء مش صحيحة والموضوع مكتوب في اخره ضربة جزاء غير صحيحة يعني خليها مرة من نفسه مرة في حياته هيه يعني جت علي الاسماعيلي :ra: ​

 

[Mahmoud Hamdy]

على فكرة يا جماعة احنا مناقشتنا واختلافنا وتحيز كل واحد فينا لفريقه عادى ومقبول اما الغير مقبول اننا نعامل بعض بناءا على هذا الاختلاف

يعنى احنا حبايب مع بعض بغض النظر عن اختلاف انتماءتنا اسمعلاوى او اهلاوى او زمالكاوى

وفى الاخر برضة الاسماعيلى هو برازيل مصر والعرب وافريقا :ra: ​

 

[Play Maker]

على فكرة يا جماعة احنا مناقشتنا واختلافنا وتحيز كل واحد فينا لفريقه عادى ومقبول اما الغير مقبول اننا نعامل بعض بناءا على هذا الاختلاف

يعنى احنا حبايب مع بعض بغض النظر عن اختلاف انتماءتنا اسمعلاوى او اهلاوى او زمالكاوى

وفى الاخر برضة الاسماعيلى هو برازيل مصر والعرب وافريقا :ra: ​

معاك يا حودة فالاختلاف في الرأي لا يفسد للود قضية
وعفواً هذا زمن الاهلي
والاهلي اهلي

 

[mmortega2002]

على فكرة يا جماعة احنا مناقشتنا واختلافنا وتحيز كل واحد فينا لفريقه عادى ومقبول اما الغير مقبول اننا نعامل بعض بناءا على هذا الاختلاف

يعنى احنا حبايب مع بعض بغض النظر عن اختلاف انتماءتنا اسمعلاوى او اهلاوى او زمالكاوى

وفى الاخر برضة الاسماعيلى هو برازيل مصر والعرب وافريقا :ra: ​

طبعآيامحمود هو فى حد قال غير كده

الاهلى اهلى برده يامحمود​