الأتحاد المصرى يذبح عجلا تفاديا للحسد بعد الفوز على كوت ديفوار

[Mahmoud Hamdy]

الأتحاد المصرى يذبح عجلا تفاديا للحسد بعد الفوز على كوت ديفوار


ذكرت صحيفة الجمهورية فى عددها الصادر اليوم بأن الأتحاد المصرى لكرة القدم ذبح صباح أمس علي باب مبني الاتحاد بالجبلاية.. حسب تعليمات سمير زاهر رئيس الاتحاد وبناء علي رغبة اللاعبين والجهاز الفني تفادياً للحسد بعد العرض القوي والفوز الكاسح علي كوت ديفوار وأيضاً من باب التفاؤل والبركة على حد تعبير الصحيفه خاصة وانه تم فعل نفس الشيء في بطولة عام 1998 التي فاز بها في بوركينا فاسو.
هذا وتم توزيع لحوم "العجل" علي الموظفين والسعاة بالاتحاد.. وبعض الجماهير المحظوظين الذين تصادف وجودهم عند مبني الاتحاد لشراء تذاكر مباراة المنتخب مع الكونغو والتي تقام الجمعة القادم باستاد القاهرة.

يذكر ان المنتخب المصرى تربع على قمة المجموعة الأولى بعد أنتهاء منافسات الدور الأول حاصدا ( 7 نقاط ) اثر فوزه على ليبيا فى الأفتتاح (3/0 ) وتعادله مع المغرب 0/0 وفوزه على كوت ديفوار 3/1 ..

وسيلعب المنتخب المصرى يوم الجمعة المقبل مع منتخب الكونغو الديمقراطية ضمن منافسات الدور ربع النهائى ..​

 

[zamalekwebas]

عجل علي ايه دا احنا اتقطعنا وربنا

 

[Mahmoud Hamdy]

يا ابو محمد انا مش عارف انت دايما متشائم ليه

منتخبنا مش منتخب البرازيل وده مستواه وده اللى متوقعينه منه

عادى يعنى احنا نشجعه ونفضل ورا الفريق ويتبقى توفيق ربنا ​

 

[zamalekwebas]

انا مش متشائم بس مش ماشي بالحتة زي كل مصر ما بتعمل

نفوز يبقي الفريق كله نجوم
نخسر يبقي منتخب زبالة

لابد من الحقيقة عشان نقدر نساند المنتخب كويس المنتخب تعبان والنفخ الزائد فيه قد يؤدي الي الهزيمة النكراء من فرق ليست علي الخريطو الكروية ايضا

 

[ertt]

مشكور اخي على الموضوع

 

[love&peace]

السلام عليكم
لو كان الكلام ده حصل بجد يبقى التخلف بعينه,,,الوقاية من الحسد باينة فى الشرع والدين المعوذتين والاستعاذه بالله من الحسد,,مسمعتش والله قبل كده ان رسول الله صلى الله عليه وسلم او احد صحابته الكرام رضوان الله عليهم دبحوا عجل علشان الحسد................................................................................حسبى الله ونعم الوكيل

 

[Play Maker]

السلام عليكم
لو كان الكلام ده حصل بجد يبقى التخلف بعينه,,,الوقاية من الحسد باينة فى الشرع والدين المعوذتين والاستعاذه بالله من الحسد,,مسمعتش والله قبل كده ان رسول الله صلى الله عليه وسلم او احد صحابته الكرام رضوان الله عليهم دبحوا عجل علشان الحسد................................................................................حسبى الله ونعم الوكيل

الموضوع وما فيه انها حاجة عملوها وبيتبركو بيها ياعني بيتفائلو بيها وطبعا دة لا يمت للشرع بصلة ولكن تفاؤل ليس اكثر مثل ما حدث في بوركينافاسو 98

 

[romany]

ياعم يدبحوا عجل يدبحوا جموسه المهم ان الاعيبه متتغرش و تفكر نفسها لاعيبه البرزيل الماتس الجاي مش سهل مع فريق قوي و مدرب واعي جدا جدا و يعرف الكتير عن مصر ربنا يستر

 

[love&peace]

الموضوع وما فيه انها حاجة عملوها وبيتبركو بيها ياعني بيتفائلو بيها وطبعا دة لا يمت للشرع بصلة ولكن تفاؤل ليس اكثر مثل ما حدث في بوركينافاسو 98

السلام عليكم
تحياتى لك ياخى حب الحب -----انا عارف ان ده لزوم التفاؤل والكلام ده لكن يا اخى هذا حرام شرعا--------هناك حديث لرسول الله صلى الله عليه وسلم فيما معناه ان الطيرة من الشرك----عموما ربنا يهدينا جميعا والنصر لمصر ان شاء الله واتمنى مصر وتونس فى النهائى

 

[Play Maker]

هذا ما نتمناة اخي العزيز ان تكون كل البطولات الافريقية عربية خالصة

 

[zamalekwebas]

بخصوص بطولة 98 حدث في الليلة السابقة لمباراة منتخب مصر مع بوركينا ان دخلت الي معسكر المنتخب المصري سيارة مربوط فيها 3 خنازير وظلت تطون حول المعسكر في ظل صراخ الخنازير من الالم وذعر من لاعبي منتخب مصر الذين كانوا نائمين واستيقظوا علي الصراخ وكان ذلك تباركا من جماهير بوركينا ولكن منتخبا هزمهم 2/0 بهدفي العميد

 

[medhatshams2003]

بصراحة ليهم حق يدبحوا العجل .ده المثل بيقول " عضة أسد ولا نظرة حسد" . بس غريبة ان لحمة العجل تكفى الموظفين والسعاة والجمهور اللى كان موجود , ده أكيد عجل كبير حبتين

 

[Dont*PlayWith*Me]

انا عايز كيلو لحمة من فضلك