اخيرآ خلصنا من الفلم الهندى : لوكوموتيف يوافق على تقسيط الدفعة الأولى للزمالك

[mmortega2002]

وافق نادي لوكوموتيف موسكو الروسي على تقسيط الدفعة الأولى المستحقة له لدى نادي الزمالك قيمة انتقال اللاعب الدولي المصري عمرو زكي البالغة 500 ألف يورو بحسب تأكيدات النادي الأبيض يوم الثلاثاء.

وقال علاء مقلد مدير عام الزمالك والمتحدث الرسمي باسم النادي في تصريحات إن لوكوموتيف وافق على تقسيم الدفعة الأولى إلى قسطين ، الأول يبلغ 300 ألف يورو ، والثاني 200 ألف يورو.

وأكد مقلد أن النادي سيقوم بارسال القسط الأول فور استقرار الأوضاع الإدارية وحسم مقعد رئاسة النادي سواء لمرتضى منصور أو غيره.

إلى ذلك ، قال مقلد إن جلسة جمعت بين البرتغالي مانويل كاجودا المدير الفني للفريق ورؤوف جاسر نائب رئيس النادي اتفقا فيها على عودة إبراهيم سعيد ومحمد عبد المنصف لتدريبات الفريق بداية من يوم الأربعاء استعدادا للمباراة الافتتاحية للزمالك في الدوري الممتاز أمام غزل المحلة يوم الجمعة المقبل.

وكان كاجودا قد استبعد الثنائي المذكور من تدريبات الفريق في الفترة الماضية بدعوى "عدم الالتزام" ، وبدأ بالفعل في البحث عن حارس مرمى جديد للفريق لاسيما وأن إصابة عبد الواحد السيد الحارس الأساسي ستبعده عن الأسابيع الأولى للدوري الممتاز​

 

[mmortega2002]

هههههههه
جديده دى تقسيط القسط
ده الواد شكله مضروب على الآخر عايزين يخلصه منه بسرعه

 

[sayednow]

يا محمد انت اهلاوي انت مالك ومال الزمالك هو انتم عرفتم تاخدوه اصلا قسط ولا مش قسط هو مع مين الان

وحوش اللي وقع منك يا معلم

 

[mmortega2002]

لو كان فى الخير ما كان رماه الطير

دول عايزين يخلصوا منه باى شكل

دول قسطوا التقسيط ياراجل

 

[sayednow]

طيب وانت زعلان ليه هو الكلام اللي فوق ده كلام جريدة مين ومين اللي كان هيعيط عشان ياخده ومين اللي قال انه أهلاوي


وحوش اللي وقع منك يا معلم

 

[mmortega2002]

ده من حسن حظنا اته موقعش للاهلى ومبروك الصفقه للزمالك

 

[sayednow]

ده من حسن حظنا اته موقعش للاهلى ومبروك الصفقه للزمالك

:ra: :ra: :ra: :ra: :ra:

 

[DVB Master]

أبو السيد ماتنساشن عمرو أهلاوي ومتنساش إنه عرض نفسه من تحت لتحت وهو في الزمالك لشد إنتباه الأهلي لينقذه من الغرق , وبعدين متنساش إنت يامعلم الأهلي لم يتدخل لشراءه تقسيط أو غير تقسيط والأهلي هو اللي تركه وليس عمرو من تركه , عموما مبروك لكن عمرو وحده لن ينفع الزمالك المتهالك بل عمرة كاملة للفريق وإحتياطيه لنقول أن الزمالك سيكون له حظوظ كما شاهدنا كلنا الفريق المتألق البديل للأهلي

 

[DVB Master]

ملحوظة عمرو بنفسه قال إنه مش زملكاوي في جريد المصري اليوم يابو السيد , إوعى يا معلم تنسى , متهيألي مش هيكون ترساناوي ولا دراويشي ولا إيه :ra:

لتذكير من نسته الأيام

http://www.almasry-alyoum.com/article.aspx?ArticleID=24316

 

[mmortega2002]

يمكن بيشجع المنصورة

 

[DVB Master]

يمكن بيشجع المنصورة

إخي عمرو زكي طلع بيشجع الترماي في إتصال هاتفي , ومتكررش يابو السيد كلام مالهوش لازمة , على فكرة أوعى تفرح أوي كده يمكن السنة الجاية تلاقيه في الأهلي

:ra:

 

[sayednow]

إخي عمرو زكي طلع بيشجع الترماي في إتصال هاتفي , ومتكررش يابو السيد كلام مالهوش لازمة , على فكرة أوعى تفرح أوي كده يمكن السنة الجاية تلاقيه في الأهلي

:ra:

:ra: :ra: :ra:

دا العقد بتاعه 3 سنين

:ra: :ra: :ra:

 

[DVB Master]

يعني هما اللي قبله كان بيعملوا عقود 3 أسابيع , لو وجدت النية من اللاعب ومن النادي الأهلي فأعتبره موجودا عزيزي

الطرق كثيرة وزي ما بيقولوا ياما في الجراب ياحاوي

 

[mmortega2002]

يعجبنى فيك يا مومن انك لابق فى كلامك فعلا مناقشه اكثر من رائعه

 

[sayednow]

يا ما في الجراب يا حاوي كنتم أخذتم يوسف حمدي ياما في الجراب يا حاوي كنتم أخذتم إينو كنتم أخذتم حازم كنت أخذتم عبدالواحد لكن اللي أخذتوووووووووووه رضا شحاته بخ محمدعبدالله بخ بخ طارق السعيد بخ بوخ بخاخه

وكفايا كده عشان ياما في الجراب يا مؤمن​

 

[DVB Master]

إيه ده يابو السيد هو أنت بتخوفني في الضلمة :ra:

طيب عشان متزعلش منا هرد على كل واحد إنت قلته وهيكون ردي الأخير في الموضوع ده :

يوسف حمدي : لم يتقدم الأهلي بأى عرض رسمي جاد ونتحدى بذلك والقيعي بنفسه خرج على برنامج الكرة مع دريم في وقتها وقال إحنا بنحترم كل لاعبي مصر ومن بينهم يوسف حمدي لكن الأهلي ليس بحاجة للاعب في مركزه إحنا عندنا أحسن لاعبي مصر .

التاني إينو : يبدوا يابو السيد إنك ماتعرفشى إن مسئولي الأهلي من الوزن الثقيل جدا , كلام نشر في الصحف عن إينو ومفاوضات الأهلي ولم يذكر أى رد رسمي من جانب مسئولي الأهلي بالنفي أو الإيجاب وده شيء طبيعي في مصلحة الأهلي ويربك الزمالك وبرضوا القيعي بنفسه هو اللي حرق لعبة إينوا بإقحام الأهلي بقوله أننا لم نتفاوض مع إينو وجمال حمزة وأن ما قيل مجرد كلام في كلام .


التالت حازم : ده بقى هدية مني ليك ومعاه علبة كيكة نايتي هدية , وبتبقى بتضحك على نفسك لو صدقت في مرة إن الأهلي عايز حازم .

أما بقى التلاتة اللي أخدناهم ومنهم رضا شحاته وعبد الله اللي الزمالك كان هيشحتف عليهم وعملوا حداد ل 3 أيام خصوصا في رضا شحاته واللي خرج كمال درويش ومرتضى منصور ليعلنا أن رضا في الزمالك وبعدها بساعة واحد كان متصور بالتي شيرت الأحمر في أكبر قلم للزمالك ... والقصة معروفة .

يعني من الأخر شكرا ليك إنك ذكرتنا بمقالب الأهلي في الزمالك لكن الأهلوية ما بيتبخوش يا سيسو وشكل صاحب البخة الرباعية بخبخبخبخ قادم وده على طريقة أبو السيد , ياترى هيكون مين ؟ سيبوا الزملكاوية يفكروا .

 

[mmortega2002]

ياترى مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟