ألف مبروووك للأهلى

[troyDclick]

الف مبروك لمشجعى الأهلى

الحقيقة كانت مباراة رائعة جدا وخصوصا فى نهاية المباراة عند نزول حازم امام وغير مجرى المباراة وبدأ القلق على علينا (جماهير الأهلى) وبقينا نقول صفر يا حكم
لكن بدأ لاعبى الأهلى فى ارجاع توازنهم ثانية وتثبيت خط الدفاع
وأسمحولى أحيى نجم المباراة النهاردة

 

[Play Maker]

الف الف الف مبروك للاهلي00000000000000000000000 وليك كمان يا احلي اهلاوي بس انا مش معاك في حتة نجم المبارة دي ولكن الاختلاف في الراي لا يفسد للود قضية

 

[DVB Master]

الله يبارك فيك ياتروى والماتش اللى جاى إن شاء الله هيكون رد للإعتبار على هذا الفوز بطعم الهزيمة.

جوزيه كان فعلا نجم المباراة وماشاء الله خطة إيه وتشكيل إيه تقولش ريال يرشلونة بيلعب !!!!!.

 

[troyDclick]

أخى العزيز حب الحب انا فعلا شايف ان جوزيه هو نجم المباراة لأنى وانا متابع المباراة كان الأهلى مستحوز على الكورة بنسبة 75% وديه نسبة تقديرية من وجهة نظرى وغير كدا تلاقى ان الزمالك مش عارف يمشى يروح فين من خط وسط الاهلى وده معناه انه اساسا معرفش يدخل لخط الدفاع بخلاف طبعا اخر 13 دقيقة تقريبا فى نهاية المباراة

 

[opensky]

مبروووووووك !!
عقبال الاياب !!!

 

[ladanow]

الف مبروك لمشجعى الأهلى

الحقيقة كانت مباراة رائعة جدا وخصوصا فى نهاية المباراة عند نزول حازم امام وغير مجرى المباراة وبدأ القلق على علينا (جماهير الأهلى) وبقينا نقول صفر يا حكم
لكن بدأ لاعبى الأهلى فى ارجاع توازنهم ثانية وتثبيت خط الدفاع
وأسمحولى أحيى نجم المباراة النهاردة

أنا أهلاوي
ولكني لا أتفق معك تماما ي ان جوزيه هونجم المباراه


بل كان اسوء ما في المباراه

لم يعاهدنا جوزيه في هذه المباراه بالكره الجميله
أجرى أول تغيير وهو سحب اسلام الشاطر .. و بعد هذا التغيير نسفت الناحيه الهجوميه للنادي الأهلي

دفع بفلافيو السيء جدا ..الغير جاهز
جعله يركل ضربة الجزاء..و هو غير جاهز لأي شيء

عفوا حبيبي .. جوزيه رغم عبقريته التكتيكيه ...كان اليوم في أسوء ايامه​

 

[troyDclick]

كما قال أخى حب الحب
الاختلاف في الراي لا يفسد للود قضية
عفوا ان كنت أخطأت فى تحليل المباراة ولكننى كتبت ما رأيته اليوم وكما ذكرت سابقا (انا ماليش فى الكورة أوى )
على أي حال لا توأخذنى وأعتبرنى ناشئ جديد

 

[ladanow]

كما قال أخى حب الحب
الاختلاف في الراي لا يفسد للود قضية
عفوا ان كنت أخطأت فى تحليل المباراة ولكننى كتبت ما رأيته اليوم وكما ذكرت سابقا (انا ماليش فى الكورة أوى )
على أي حال لا توأخذنى وأعتبرنى ناشئ جديد

أكيد لا يفسد للود قضيه حبيبي

أنا برضو بعبر عن رأيي
مشكووور حبيبي

 

[DVB Master]

يا جماعة إنتوا خليتو أخونا تروي يحرم يخش المنتدى الرياضي خفوا شوية عليه

 

[Play Maker]

لأ ازاي بس ياباشا دة ينور في اي وقت وبعدين دة شمعة من شموع هذا المنتدي العظيم

 

[troyDclick]

ربنا يخليك ليا يا حب الحب

 

[mafia_2004]

الف مبروك يا جماعة للاهلي بالرغم من ان الفوز يعتبر فوز بالاهداف فقط مش باللعب ولكن انا مش بقصد ان الزمالك كان احسن
اللي حصل في الشوط الاول ان تشكيل الاهلي اللي بدأ به جوزيه كان قوي جدا وتشكيل الزمالك اللي بدأ به فاروق جعفر كان سئ جدا مما أدي الي ان الشوط الاول يكون الاهلي فيه هو المسيطر وبصراحه كان بيدي دروس في الكوره ونجح كمان انه يحرز هدفين في مرمي الزمالك.
واللي حصل في الشوط الثاني ان جعفر دفع باتنين من اللاعبين هما حازم امام وجمال حمزة اللي بدأو يلموا فريقهم شويه في نفس الوقت اللي عمل جوزيه التغييرات بتاعته اللي بصراحه امبارح ما كانتش صحيحة خالص مما ادي الي ان الزمالك يمسك نص الملعب شويه وفعلا عرف يوصل اكتر من مره لمرمي الحضري واستطاع انه يحرز هدف.
عموما انا ارجو من جوزيه انه يتعلم من الماتش ده وان الماتش اللي جاي يكون افضل.
اما عن نجوم المباراة من وجهة نظري هم:
1- حارس مرمي الاهلي وحارس مرمي الزمالك لانهم فعلا تصدو لكرات خطيره جدا وانقذوها.
2- خط دفاع الاهلي.​

 

[ladanow]

اوعا يكون الاستاذ تروي زعل

يا جماعة إنتوا خليتو أخونا تروي يحرم يخش المنتدى الرياضي خفوا شوية عليه

أنا والله مقصدش .. و اوعا يكون الاستاذ تروي زعل .. احنا كنا بنتناقش بس

على العموم يا استاذ تروي لو كنت زعلان .. حقق عليا

 

[romany]

ازيكم يا جماعه معلش انا كان عندي مشاكل في النت و ما زالت
و حظي و حش اني مشاركتش معاكوا من الاول
مبروك للاهلي رغم اني مشجع زمالكاوي لكن انا شايف اني الاهلي الايام دي هو الاحسن و بصراحه يستحق الفوز
اما الزمالك فبصراحه رغم الهزيمه لكن انا شايف اني اللعيبه عملت اللي عندها في حدود امكانياتها المتواضعه بغض النظر كام لاعب انا شايف انهم يستحقوا يلبسوا فانله النادي
عموما لسه في شوط تاني
اما بالنسبه لتعليق الغالي تروي صدقني الواحد بيفرح لما يشوفك في اي موضوع و انت زي ما قال صديقي حب الحب
انت شمعه من شموع المنتدي
و لا تزعل يا غالي جوزيه كان من نجوم المباره :d :d
لاءنه مخلاش الاهلي فاز فرق اهداف هههههه