أكثر مايعجبني في الإسماعيلي

[جواد فلسطين]

بسم الله الرحمن الرحيم
بداية انا حبيت اكتب التوبك ده لاني فعلا معجب ومن زمان بشجع الاسماعيلي واكتر حاجة بتعجبني في الاسماعيلي غير طبعا لعبه وكورته الحلوة ميزة مهمة جدا

انه دايما بيجب لعيبة مغمورين وبيخليهم نجوم ومابيروحش زي كتير من الاندية يتخانقوا مع الاندية عشان يجيبوا لعيبتهم زي مابيحصل في الوقت الحالي

الامثلة كتيرة

بركات - بيبو - عماد النحاس- اوتاكا اللي كان ميت في المقاولون - سيد معوض - حمام ابراهيم - عبد الله السعيد - احمد الجمل - وفتحي اللي ماكانش حد يعرفه - حسني عبد ربه - محمد حمص- أحمد حسن نجم اندر لخت البلجيكي- اسلام الشاطر ولاعب الاهلي حاليا- محمد عبد الله وغيرهم كتير


والاهم من كده انه دايما بيطلع الناشئين ويلاعبهم ويعمل منهم نجوم ومابيخافش زي بعض الاندية اللي بتروح تدفع ملايين عشان تجيب لعيبة وتموتهم وتتجن خطرهم بس وتركنهم علي الدكة الاسماعيلي حاليا اتعاقد مع لعاء ياسين من بني سويف طبعا ماحدش سمع عنه إن شاء الله الكل هيعرفوا في الملعب وهو مساك رائع جدا واتعاقد مع اسامة عز الدين خط وسط واتاندا ولسي فيه كام لعيب الاسماعيلي هيجيبهم بالتوفيق للدراويش رغم المحاولات الكتيرة لهدم الدراويش الا انه وقف علي رجليه بعد ما راهن كتير بعد غياب نجومه انه هياصارع علي الهبوط رجع تاني لان الاسماعيلي فرقة ولادة ومليانة باللعيبة الجيدين

واذا بركات راح والشاطر وافتحي هييجي غيرهم من ناشئي الاسماعيلي واللعيبة المغمورين في درجة تانية وتالتة

ويارب الفوز للاسماعيلي أمام انبي ​

 

[Mahmoud Hamdy]

كلام جميل من انسان جميل بيشجع فريق جميل بيلعب كورة جميلة فالمحصلة فى الاخر بنمتع نفسنا لما نتفرج على الاسماعيلى وبنمتع نفسنا لما نقرا كلام حبيبنا جواد​

 

[mmortega2002]

الف مبروك لكما